2 Korintus 10:4 - Allah Wene Hurumbik Keron

⁴ Eke it wim aptuk wilil inasehen inasega holaruk epmano hag, nit it kweanmonen angge holaruk ahe fuhon oke, At Allahen oag werehon og nisarukon etno hag holaruk ahe-o.

2 Korintus 10:4 ပူးပေါင်းရင်းမြစ်များ

Kisah Para Rasul 7:22

Endag saruk apareg, at amloho neken yi angge di angge obog yanggul itukmu, indi enggat mondog welapag.

Roma 13:12

Eke o hubanggo welamon etno arat eleg ariog ulug suruk ari fam, o seleg etno wariog ulug suruk-o. Eke ari halug, niren it o hubanggo werehon epmanowen surukon epmano sohorep isalug, o ilingge wilil surukon etno ninasehen ninasing wereg epmano hag sen salug welamuk-o.

Roma 6:13

At hit hinebe warehon neken weregma hiniluksoho minduhup hisaharision etno fam At Allah apma welamuog ulug seberoho welamiek-o. Eke hit hinebe atog-atog etnowen fanoroho suhuken ulug At Allah-at og ituk amuk-o.

1 Korintus 2:5

Eke it apheyen inune enggatsoho urukon epmano hinindi ebebuk sohorep isalug, At Allah oag werehon etno-at obam ebebukag ulug ariroho yig hisarikik-o.

1 Korintus 9:7

Eke ap sehen senehon misig wim surukon etno onggarehen onggo ombatalug yabuk sik laruk ano? Eke ap misig eyabukmu i angge yahapatalug anggen yihikon epmano nenggeg eleg-at wereg buruk ahep ano? Eke ap misig it wam domba epmano inaso werehon etnowen inag ambusu bereloko nenggeg eleg-at wereg buruk ahep ano? Ari eleg-o.

2 Korintus 10:8

Eke hit hinebe niren seberep hisahukon etno sohorep isalug, hinindi oag werehep hisahukag ulug At Allahen minduhup nisarisireg fam dot anggolo neken suontepatarukukseg oke, an nenggali haruk ahi fug-o.

2 Korintus 13:10

Eke hit ariroho hinobabut fano mondog welamag ulug an nebe yatma wilil oke, holal du bal hisihi-o. Eke hit hinebe seberep hisahukon etno sohorep isalug, hinindi oag werehep hisahukag ulug At Allahen minduhup naharision oke, anden noag weregsoho winimug hisihi ha nowen ulug holal du bilin bal hisaruk ahi-o.

2 Korintus 3:5

Eke nineyabuk fanoroho suhuken ulug ninonggarehen ninindi enggatepataruk ahe fug-o. Nit yabuk fanoroho sukag ulug At Allahen-at ninindi enggatep nisaharisi-o.

2 Korintus 4:7

Eke nit hag wene fanowon etno nit ninaharek onggo anggolo baltukon epmano neken walug laruk aheon oke, ninebe ari ik kobag neken oag elehon-at welahe-o. Eke ariroho welahe ari, nit hag ninoag eleg-o, At Allah-at oag wereg-o, ulug urukon etno selegma amag ulug ariroho welahe-o.

2 Korintus 6:7

Eke At Roh Kudusen yig nisarukmu yig isaruk aheon etno inim, eke aphe ninim demat ninindi hunduhuk welaheon etno inim, eke wene demat urukon yig isaruk aheon etno inim, eke At Allah oag fam ninoag weregsoho suruk aheon etno inim, niren obog-at suruk wilil yanggul isil nuruk ahe-o. Eke ininggik bikit fil warukon etno inim, eke ininggik harebag fil werehon etno inim ilitoho-at walug wim abil laruk apag etno hag, nit motoho suruk amon etno-at walug sil nuruk ahe-o.

1 Tesalonika 5:8

Eke nit o ilingge udaki neken welaheon epmano nit noho kunkan seheg eleg wilil aso fanoroho welamuk-o. Nit ninindimu demat ulug ebetuk wilil, aphe ninindi hunduhuk welahe etno hele sing neken yihik welahe-o. Eke inunggulasum oag werehon wantaruk etno hag nit fano ninabuhu-o ulug ninindi ebetuk aheon ninunggulasum neken-at wantuk-o.

1 Timotius 1:18

Eke hat hag, namloho Timotius wai. Bilin it ap nabien Allah ahurumbik yig isebahon etno ilitoho kidia yig hituk ahi-o. Eke iren demat ulug ebahon etno hindimuen eberoko waruk wilil, ap inim aptuk etno ilitoho iblis hinim wim fanoroho aptuk amag ulug yig hirihi-o.

2 Timotius 2:3

Eke hat hag, At Yesus Kristus anggimbu fanowon weregma, dahon etno hobam umburuk isalug, hahla bugsoho welamin-o.

Ibrani 11:30

Eke it Israel ap epmano inindi demat ulug ebetuk wilil, o Yerikho etno ininggik sabiren angge fam dahag dahag suruk apagma, o Yerikho lehet helep fam falehon etno satnog sebag.