2 Korintus 10:3 - Allah Wene Hurumbik Keron

³ Eke ninebe o kweanma duma wilil oke, wim aptuk amon etno it aphe kweanmon inobabut dahonen suruk etno hag suruk ahe fug-o.

2 Korintus 10:3 ပူးပေါင်းရင်းမြစ်များ

Roma 7:5

Eke bilin ninobabut amukon wilil, yuhun-at surukmu, wene duroho suruk amuk eke duroho suruk am fug ulug ebahon etnowen alem du dahon ulug yig nisaruk heheg, ninindien-at yi dag di dag suruk atukukon epmano ebetuk atukukseg fam, waramon etno huluog ulug surukuk-o.

Roma 8:13

Eke kweanmen surukon epmano mutlug laruk hisalug, mondog-at waramuhup-o. Eke At Roh Kudus etno fam kweanmen dag suruk ahebon epmano waroko neken imbisaruk hisalug, hinebe mondog-at hiniluk welamuhup-o.

Roma 8:4

Eke ariroho sebag ari, nit kweanmen sukon etno mutlug lao sohorep isalug, At Roh Kudusen yig nisarukon etno-at ninesanggo holtuk wilil, wene duroho suruk amuk eke duroho suruk am fug ulug fanoroho yig nisebahon etno ilitoho suruk amag ulug ariroho sebag-o.

2 Korintus 1:17

Ariroho nahla birikik ari, yuhun-at ahla birisi ulug buruk ahep ano? Eke an it apheyen uruk hag, nenggal inim, demat inim urukon buruk ahep ano?

2 Korintus 10:4

Eke it wim aptuk wilil inasehen inasega holaruk epmano hag, nit it kweanmonen angge holaruk ahe fuhon oke, At Allahen oag werehon og nisarukon etno hag holaruk ahe-o.

Galatia 2:20

Eke an nebe At Kristus ninim e fam lenggaloko ninombisahabagma, waratuk soag oke, an niluk welahi ari, an nebe eleg-o, At Kristus etno-at nindimu iluk wereg-o. Eke kidia niluk welahi ari, At Allah Amloho-at obam ebetuk wilil niluk welahi-o. Eke At Allah Amloho nobam indi hunduhuk welapag etno fam, an nake-at warapag-o. Eke At Allah ninabua nisaruk wilil ninili wawon etno ebe werlekon neken imbisaruk ahi fug-o.

1 Timotius 1:18

Eke hat hag, namloho Timotius wai. Bilin it ap nabien Allah ahurumbik yig isebahon etno ilitoho kidia yig hituk ahi-o. Eke iren demat ulug ebahon etno hindimuen eberoko waruk wilil, ap inim aptuk etno ilitoho iblis hinim wim fanoroho aptuk amag ulug yig hirihi-o.

2 Timotius 4:7

Eke it aben onggo huluog ulug buahen laruk etno hag, an nebe wene demat urukon etno nintul nantul eberoko waruk wilil, neyabuk og nitision etno obog-at suruk atikikseg, kidia onggo fanowon etno huliog ulug suruk ahi-o.

Ibrani 12:1

Eke nit hag, it aphe inindimu demat ulug ebetuk apahon epmanowen yig nisaruk isalug, ninonggarehen ninonggalem halepateheg, eke alem dag sukag ulug ninobam waharukon epmano elehepfeheg, eke ninonggalem yanggul nisebahon epmano ninahlahiroho laheg suruk amuk-o.