2 Korintus 10:18 - Allah Wene Hurumbik Keron

¹⁸ Eke onggarehen suontepatarukon halug, doron neken-at wereg-o.

2 Korintus 10:18 ပူးပေါင်းရင်းမြစ်များ

Lukas 16:15

Ahunda yatuk apagma, At Yesusen yig isaruk wilil, “Hiren aphe inil fam nit fano ulug uruk ahebon oke, hinindi fam ebetuk ahebon epma At Allah iluk wereg-o. Eke it apheyen du suon ulug inahla burukon oke, At Allahen du ebe doron-at heheg uruk ulug ahla buruk-o.

Yohanes 12:43

Ariroho selegma eheg eleg-at welapag ari, it apheyen suontep nisahuk ari hag fano oke, At Allahen suontep nisahuk ari we hai neken at-o, ulug inahla buruk wilil ariroho welapag.

Kisah Para Rasul 2:22

Hit hinesanggo fanoroho holiek-o. Bilin At Yesus Nazaret ap etno hinim weregma, At Allahen Yesus inggik fam yanggul itukmu, sukfugangge seheg, eke elalintoho seheg, eke inakol hawon seheg surukmu, At Allahen lahabik waharision etno du-at ulug hit obog hiniluk atisi-o. Ari At ebe hinim wilil surukmu, hiniluk atisi-o.

Roma 14:18

Eke it yi aphe di aphe obog ariroho At Kristus anggimbu neken werehon halug, At Allah ahien inobam embeheg, eke it apheyen inahien iseheg suruk-o.

Roma 16:10

Eke at Apeles At Kristus inim wilil at obabut suruk ninilukon etno inim-at heahi watuk amuk-o. Eke it at Aristobulus omini inim werehon epmano inim-at heahi war inaptuk amuk-o.

Roma 2:29

Eke ap misig ahap selemen-at Yahudi ap ulug wereg eleg-o. Eke wene holal baleg etno uneyen-at wane sulug Yahudi ap atuk eleg-o. We indi undama At Allah Roh Kudusen fano sirision etno hag ari demat Yahudi ap ulug wereg-o. Eke at ap arion hag it apheyen suontepfuruk eleg-o, At Allahen-at suontepfuruk-o.

1 Korintus 11:19

Eke it hinim welahebon arien fano surukon epmano selegma amag ulug, hinim healeg welahep etno alem ari-at-o.

1 Korintus 4:5

Eke hit At Ninowe inuk suon awan waharuk eleg heheg, hiren aphe inoag del inabuk fug-o. Eke At Ninowe inuk suon etno o ari sambit waharuk aruhureg, o hubanggo neken werehon etno selegma embeheg, eke it aphe inindimuen herako ebetukon epmano selegmaroho imbiseheg suhu-o. Ariroho suruk aruhureg, At Allahen o ari sambit aphe inakeleg inakeleg ininuk suontep isahu-o.

2 Korintus 10:12

Eke it ninen suontepatarukon etno nit ilitoho suruk ahe ulug uk ari ninakol-o. Eke it ariroho suruk etno urunanggeroho-at suruk-o. Eke it etno ilit walangge ulug iren bilin surukon etno fam ilit saruk-o.

2 Korintus 13:7

Eke hiren dag suk nowen ulug At Allah obam sembahyang uruk ahi-o. Eke hiren at Paulus hag demat irisi ulug hinahla bukag ulug uruk ahi fug-o. Eke hiren at Paulus demat irisi ulug uhup fug halug, ari fano at-o. We hit hag fanoroho suruk amag ulug yig hisaruk ahi-o.

2 Korintus 3:1

Ariroho yig hisehe ari, nit suontepatuog ulug yig hisehe ano? Eke it ninen ininuk suon amag ulug suruk etno hag nit nininuk suon amag ulug hiren inim niren inim holal umbuk ari fano buruk ahep ano? Ari eleg-o.

2 Korintus 5:12

Eke ari halug, hiren suontep nisahukag ulug misihim inim yig hisaruk ahe fuhon oke, eke alem du fam suontep nisahuog ulug weregma yig hisaruk ahe-o. Eke ariroho yig hisaruk ahe ari, it aphe inolohore farim suontep isaruk wilil inobabut surukon fam suontep isao sohorep isarukon etno hiren onggo yig isawag ulug yig hisehe-o.

2 Korintus 6:4

Eke it ninen dahon epmano ninobam umburuk isalug ninahlahiroho welaheg, eke nit yi angge di angge obok heheg, eke ninindi seneni ebereheg suruk wilil we yuhun-at welahe-o.

2 Timotius 2:15

Eke At Allah hat yabuk fano suruk ahen ulug yig nemag ulug yabuk etno henggali elegsoho wilil suruk amin-o. Eke Allah wene demat ulug yig nisebahon etno fikfag aphe yanggul isaruk amin-o.

1 Petrus 1:7

ari fam hit Allah wene etno hinoag weregsoho waruk amuhup-o. Eke emas etno hondoken olohore hulu atuk etno hag, hit Allah wene etno fanoroho waruk wilil, hinoag weregsoho welamuhuben ulug kidia aren hinaren baltuk wereg-o. Hinaren baltukmu, fobik At Yesus Kristus waruhu etno fam, hinim ilitoho amuhupseg, fanowon etno huluog ulug welahep-o.