2 Korintus 10:1 - Allah Wene Hurumbik Keron

¹ Eke an Paulusen wene misig yig hisamin-o. It ap ninen an nabug uruk wilil, at Paulus etno hinim wilil une wiogsoho-at yig hisarukon oke, ebe yatma wilil une winimugsoho-at yig hisaruk-o, ulug ariroho nabug urukon oke, At Kristus obabut fanoroho wilil yig isaruk apag etno hag, yig hisaruk ahi-o.

2 Korintus 10:1 ပူးပေါင်းရင်းမြစ်များ

Matius 11:29

Anden angge etno waruk amuhupmu, hinomalo fam umburuk aruhukseg, Anden hit yanggul hisahuk-o. Yang­gul hisa­hukon ari, An fanoroho nindi seberoho wilil sat yal hinaptuk aru­huk-o.

Matius 21:5

“It aphe o Sion werehon epmano At Hinowe etno kidia hinambeg waharuk ulug yig isimuk-o. Eke At ebe indi seberoho wilil, fano mondog werehon etno wam keledai udag etno amboloag fam laruk-o, ulug hurumbik ebahon demat seg atisi-o ulug inahla bukag,” ulug ariro­ho yig isebag.

Kisah Para Rasul 8:32

inim wane suruk apag, At Yesayaen uruk wilil, “At ebe etno wam domba neken senoko wabukag ulug welapag-o. Eke wam domba udag misig iruk baltukmu, une uruk eleg etno ilitoho une eleg-at welapag-o.

Roma 10:20

Ariroho suruk aruhukmu, it aphe nin urunanggeroho welatuson inobabut fam hit hinasine hahup-o,” ulug ebahon etno wereg heheg, eke at Yesaya etnowen fobik indi ahlahiroho neken yig isaruk wilil, “It bilin heag nabuog ulug surusa fuhon epmano oke, fobik arat heag naptusa-o. Eke heag nabil larusa fuhon oke, it inil fam selegma atikik-o,”

Roma 12:1

Eke ari halug nomini-o. At Allahen ninabua nisarisi etno fam, duroho suruk amag ulug yig hisamin-o. Eke hit hiniluk wilil, hinebe At Allah ake embeheg, eke At eyabuk-at suhuken ulug hinahla beheg, eke At ahien hawag ulug seheg suruk amuk-o. Eke hit hinahla buruk ahebon epmano At Allah ake umburuk wilil, ari fam At obam ebetuk amuk-o.

Roma 15:15

Eke ariroho nahla buruk ahion oke, holal du fam nune oag weregsoho hinesanggo war hinabihi ari, hiren alem nin hinindi ebebukag ulug-at yig hisihi-o. Eke an nune oag weregsoho hinesanggo war hinabihi ari, At Allahen nabua nearuk wilil,

1 Korintus 2:3

Eke ariroho nahla buruk atikikseg, nebe sebereg neken nakolen nindi elekelek suruk wilil hit ninim welatukuk.

1 Korintus 4:10

Eke At Kristus awene yig isil laruk ahe etno fam nit etno ninindi kimbu neken-at welaheon oke, eke hit hag At Kristus inuk fam hinindi weregsoho welahep-o. Eke nit ninebe ninoag elehon-at oke, hit hag hinoag wereg-o. Eke hit suontep hisaharuk wilil, nit hag kimburep nisaharuk-o.

1 Korintus 4:21

Eke hit nongge hinindien suruk ahep-o? An yikangge walug hinambeg wam hinindi ano, eke nindi hunduhuk wilil, seberoho hinambeg wam hinindi ano? Ari halug, hiren imig simiek-o.

2 Korintus 10:10

Eke it ap ninen uruk wilil, “At Paulusen holal og nisaruk wilil, une winimug neken fanggogsoho-at yig nisaruk oke, at ebe ninim wilil oag elehon neken une seberoho yig nisaruk-o,”

2 Korintus 10:2

Ari halug, an nebe fobik bik hisa waharuk aruhukmu, anden nune winimugsoho yig hisawag ulug suk fug-o. Eke it aphe ninen, “At Paulus etno it ap kweanmonen dahan fahan suruk etno hag suruk-o,” ulug urukon ari nune mondog winimugsoho yig isahuk ulug demat yig hisaruk ahi-o.

2 Korintus 10:7

Eke hit hag yi angge di angge inahap selemon epmano-at hinilanggen haruk ahep-o. Eke at ap misihen an Kristus amloho-at welahi-o, ulug ahla burukon hinanggelegma epma misig wereg haruk ahep ano? Eke ari halug, onggarehen indi fobik inim ebetaruk amag-o. Eke at ebe Kristus amloho wereg etno hag, nit At Kristus udaki-at welahe-o.

2 Korintus 11:21

Eke nit ninenggali hawag ulug hit ariroho suruk amim hinoag elegsoho welatikip ulug yig nisahup ano? Eke at misihen suontepataruk halug, an ariroho-at urunanggeroho suontepatamin-o.

2 Korintus 11:30

Eke anden suontepatiog ulug suruk atlemen, an noag elehon-at welahi-o, ulug alem ari fam-at suontepatele-o.

2 Korintus 12:5

Eke ap ariroho esanggo holfahon etno hag anden suontepfuruk ahion oke, eke an nebe hag noag elehon-at welahi ulug suontepatamin-o. Eke ariroho suontepatele ari an welahion etno-at elemen, urunanggeroho ele fug-o.

2 Korintus 3:12

Eke wene du itog mondog welaruhu ulug ninahla buruk ahe etno fam, ninakol elegsoho-at yig isaruk ahe-o.

2 Korintus 5:20

Ariroho At Kristus ninim mondep nisaharisireg fam, niren ninune yig hisaruk aheon oke, At Allahen-at yig hisaruk-o. Ari halug, At Kristus inuk fam-at yig hisaruk ahe ari, hit hinebe At Allah hinim healeg welahebon epmano At udaki amuhuben hinim dambuliuk-o.

2 Korintus 6:1

Eke At Allah ninim eyabuk suruk aheon epmanowen yig hisaruk ahe-o, “Eke hit At Allahen hinabua hisarisimu, At obam eberoko warikibon ari werlek-at warukuk ulug ehep ha nowen,” ulug yig hisehe-o.

2 Korintus 7:4

Eke anden yig hisawon etno demat suhup ulug bukaloko yig hisaruk wilil, suontep hisaharuk ahi-o. Eke dahon anggolo ninobam umburukon oke, hit farim ninindi werehepataruk wilil, ninahien anggolo haruk ahe.

Galatia 4:13

Eke an bilin wene fano wene etno yig hisarikik etno alem nongge farim yig nisarisi ulug hit hiniluk-o. Ariroho yig hisarikik ari, an nebe uk wareg welatikikon etno farim yig hisarikik-o.

Galatia 5:2

Eke an Paulusen yig hisaminon etno hinesanggo fanoroho holiek-o, “Hiren niniyunggul ambilik bal ninabukag ulug uhup halug, At Kristus obam werlek-at ebetuk ahep-o,”

Efesus 3:1

Eke an Paulus At Kristus Yesus awene etno hit aphe bilin Allah wene hinapeleg welatikibon epmano yig hisaruk atikikseg, an nebe hele wareg wilil, At Allah obam sembahyang uruk ahi-o.

Efesus 4:1

Eke an At Ninowe anggimbu halug hele wareg welahion etnowen nune oag weregsoho yig hisaruk ahi-o. Eke hit At Allahen wol hisaruk wilil, ariroho suruk amiek-o ulug yig hisarisi etno ilitoho-at suruk amiek-o.

Filipi 4:5

Eke it aphe obog hinune fanoroho-at yig isaruk amuk-o. At Ninowe wamon etno horog fanggog uruk-o.

Kolose 1:23

Eke wene fano wene etno waruk wilil, yahuk korlag suruk eleg hisalug, fobik fano hinabuhuon etno og hisahu, ulug hurumbik etno yig hisarusa. Eke an Paulus wene fano wene etno anggimbu neken wilil, yig isil larikik-o. Eke it ninen o ahik ya da yig isil laruk-o.

2 Tesalonika 3:17

Eke an ninggiken wene holal baltuk wilil an Paulusen wahinaniog ulug heahi war hinabihi-o, ulug an ninggiken balihion etno hiren wene holal du at Paulusen bal nisarisi ulug hiniluk amag ulug ninggiken bal hisihi-o.

Filemon 1:19

Eke an ninggik fam holal baltuk wilil, onggo an Paulusen umbuhuk-o, ulug yig hituk ahi-o. Eke anden hat hili warikikseg fam nomat neken hobam wereg ari anden yig hum ari hai-o. Hat-at hiluk-o.

Filemon 1:9

eke hat ninim nindi hunduhuk wilil, we hinog neken yig hituk ahi-o. Eke an Paulus At Yesus Kristus awene yig isarukmu hele war naptuson epmanowen hinog bilin irikikon etno farim yig hituk ahi-o.

1 Petrus 2:11

Nomini-o, hit o kweanma huso neken welahep ulug yig hisihi-o. Kweanmen surukon epmano hinindimu kuk nowen ulug yaharoho welamiek-o.

Wahyu 1:9

At Yohanes etnowen wene holal umburuk wilil, “An hinomin Yohanes etno alem Allah wene inim, eke At Yesus Kristus inuk etno inim yig isil larikikseg fam, ik anggenma inuk Patmos etno lahap naharusama welatikik-o. Eke hit dahon hinobam umburuk etno hag, an dahon nobam umburusa-o. Ari halug, At Allah weregma welamu­hukon inim eke At Yesus Kristus inuk fam wene demat urukon etno inim hit ninim dambuksoho waruk ahe-o.