2 Korintus 1:8 - Allah Wene Hurumbik Keron

⁸ Eke nit o Asiaen dahon ninobam umburuson epmano hit hinapeleg welam nowen ulug yig hisaruk ahe-o, nomini. Eke iren dahon epmano mondog angginon neken-at ninobam umburusareg fam, niniluk welamuhuk ano, ulug ninapelegsoho welatukuk-o.

2 Korintus 1:8 ပူးပေါင်းရင်းမြစ်များ

Kisah Para Rasul 16:6

Eke fobik it etano o Frigia Galatia inim yig isil nurukmu, At Roh Kudusen yig isaruk wilil, “Hit o Asia wene yig isa fug-o,” ulug yig isaruk apagma,

Kisah Para Rasul 2:9

Eke nit Partia ap inim, eke Media ap inim, eke Elam ap inim, eke Mesopotamia ap inim, eke Yudea ap inim, eke Kapadokia ap inim, eke Pontus ap inim, eke Asia ap inim,

Roma 1:13

Ariroho suhuk ari, hiren wene fano wene wawag ulug nilanggen hahukon etno o ari sambit yig isa lahuk-o, ulug nintul nantul nahla birikikon oke, hai atisi-o ulug hinindi ari ebetuk amuk-o, nomini. Eke hit yig hisahuk ulug nindi ebetikikon ari, it nin bilin Allah wene inapeleg welatuson yig isarikikmu warusa etno hag, hit fanoroho wawag ulug nindi ebetikik-o.

1 Korintus 15:32

Eke it aben surukon epmano hag an o Efesus epmen wam singa neken ayegsohon etno ninim war war uruk soag etno fam fanoma umbuhu buruk ahep ano? It waratukon epmano minduhup isahu fug ulug ninahla bolomen, niren sono hao waramuhuk fam ninahik ninaharom naruk amuk-o, ulug ariroho-at olo-o.

1 Korintus 16:9

Eke it aphe duma ninen wene ninambit-o ulug urukon oke, anden yig isarukmu it obohen inesanggo holukag ulug yanggul isahuk-o.

1 Korintus 4:8

Eke hit hinebe yi angge di angge obog arat holarikip-o. Eke hit hinaharek arat anggolo atisi-o. Eke nit ariroho eleg niseheg, hit epmano hinune ap suonen uruk hag uruk atikibon oke, eke hit hinebe demat ap suon ilitoho welatlepmen, nit ninim hunduhuk wilil ninune it ap suonen uruk hag uruk atlo-o.

2 Korintus 1:9

Ariroho wilil, it war amag ulug yig nisaruk neken ninahla buruk atukuk-o. Ariroho ninahla buruk atukukon oke, eke nit ninobam ebebuk sohorep isalug, At Allah aphe warehon inilukap inaptukon etno-at obam ebebukag ulug ariroho seg atisi-o.

2 Korintus 6:9

Eke nit ninebe epmano inapeleg neken wereg oke, it obohen iniluk wereg-o. Eke ninebe warehon neken welaheon oke, niniluk-at weregma nisaruk ahep-o. Eke ninebe hele war ninaptukon oke, binggi war ninaptuk eleg-o.