2 Korintus 1:6 - Allah Wene Hurumbik Keron

⁶ Eke nit hag dahon epmano ninobam umburuk isalug, ari hit hinahlahiroho wilil hinili holawag ulug welahe-o, eke nit hag ninahlahiroho welamag ulug yig nisaruk halug ari, hit ariroho-at hinahlahiroho welamag ulug yig hisaruk wilil, hit nit ilitoho-at dahon epmano hinobam umburuk isalug, hinahla bugsoho wilil, hinindi oag weregsoho welamag ulug yig hisaruk-o.

2 Korintus 1:6 ပူးပေါင်းရင်းမြစ်များ

Kisah Para Rasul 21:5

niren o duma arat welatukuk-o ulug sohorep isalug, so fam kuog ulug surukuk. Nit ariroho surukmu, it obog inuhwesi, inudaki inim inibam sohorep isalug, ik ayegma mondep nisahik larusama, epmen ninindibahal yungguksoho wilil, ninim sembahyang urukuk.

Roma 8:28

Eke it At Allah obam inindi hunduhuk werehon epmano it ninen yi angge di angge dahon inobam umburuk-at oke, At Allahen fano inabiog ulug-at suruk-o. Eke it Allah udaki ari, At Allahen ahla buruk apareg-at wol isebag-o.

2 Korintus 1:4

Eke dahon epmano ninobam umburuk isalug, Aren ninahlahiroho yig nisaruk wilil, yalmag ninaptuk etno fam, niren it nin dahon inobam umburuk isalug, inahlahiroho yig isaruk wilil, yalmag inaptuk ahe-o.

2 Korintus 12:15

Eke ari halug, hit hinindi yabuk suhuken ulug an nebe og hisaruk wilil, nonggareg naharek fam-at onggo bal sahuk-o. Eke anden hit hinebe mondog nindi hunduhuk neyeheg, hiren an dorat hinindi hunduhuk welamuhup ano?

2 Korintus 5:5

Eke ninebe ariroho ketoho ninombisahiog ulug surukon ari At Allah akeleg-at wereg-o; ariroho wilil, niren demat suhu ulug ninahla bukag ulug At Allah Roh Kudus etno og nisarisi-o.

Efesus 3:1

Eke an Paulus At Kristus Yesus awene etno hit aphe bilin Allah wene hinapeleg welatikibon epmano yig hisaruk atikikseg, an nebe hele wareg wilil, At Allah obam sembahyang uruk ahi-o.

Efesus 3:13

Eke an hit hinake dahon nobam umburukon ari hinesanggo holtug hinindi oag eleg am fug-o, ulug yig hisaruk ahi-o. Eke hit hinil nealug hinoag weregsoho welamag ulug ariroho welahi-o.

Filipi 1:19

Eke hiren an nake sembahyang uruk hiseheg, At Yesus Kristus etno inim eke At Roh Kudus etno inimen yalmag nabuhu ari fam, hele hibiloko nombahakup etno niluk-o.

2 Timotius 2:10

Eke ari halug, it aphe At Allahen imig inapahon epmano At Yesus Kristus inuk fam inili wawon etno inim, eke iniluk mondog welamon etno inim holawag ulug it inake yabuk suruk neyeheg, it ninen dahon etno nobam umburukon oke, nahla bugsoho welahi-o.