2 Korintus 1:24 - Allah Wene Hurumbik Keron

²⁴ Eke hit hinoag weregsoho wene demat ulug ebetuk ahep ari fam, anden hit ariroho hinindi ebetuk amuk ulug nalontoho wilil yig hisiog ulug suruk ahi fug-o. Eke hit hinahien hawag ulug an hit hinim yabuk suruk ahe-o.

2 Korintus 1:24 ပူးပေါင်းရင်းမြစ်များ

1 Petrus 5:3

Eke At Allah udaki hinapma welamag ulug og hisarision epmano ninasineroho yig isahuken, ulug hinahla buruk eleg wilil, hiren fano suruk ahep etno ilitoho iren fano suruk amuhup-o.

1 Korintus 15:1

Hit hinindi hinapeleg am nowen ulug wene misig yig hisamin-o, nomini. Wene fano wene etno anden yig hisarukmu hiren webahon etno hit ari fam hinindi seberoho wilil hinindi oag weregsoho welahep-o.

2 Korintus 5:7

Eke ariroho ninebe niniluk wilil og nisahuon etno ninilanggen haruk ahe fuhon oke, demat ulug ninindi ebetuk ahe-o.

2 Korintus 4:5

Eke nit hag nit ninobam-at ebetuk amuk ulug yig isaruk eleg wilil, At Ninowe Yesus Kristus-at obam ebetuk amuk ulug yig isaruk ahe-o. Eke nit ninebe ari At Yesus inuk fam hit hinanggimbu neken-at welahe-o, ulug yig isaruk ahe-o.

Roma 11:20

Eke hit hag hinindi demat ulug ebetuk ahep ari fam inubulukmu welahep-o. Eke ariroho welahep ari fam hiren suontepatao sohorep isalug, hinakoltoho welamuk-o.

Roma 5:2

Eke ariroho At obam ebetuk atukukseg fam, At Allahen ninabua nisawag ulug og ninaplug waharisi-o. Ariroho og ninaplug waharisireg fam, kidia At Allahen ninabua nisaruk heheg minduhuk neken welahe-o. Ariroho wilil, At Allah ninim suon neken welamuhuk-o ulug ninahientoho ninahla buruk ahe-o.

Matius 24:49

at omini anggimbu neken werehon epmano yikangge war inabeheg, eke it ap ambusu nenek surukon donggogsoho narukon epmano inim ik orom inahumsoho nenggeg suruk wilil,

1 Korintus 3:5

Eke at Apolos ari sa-o? Eke at Paulus ari sa-o? Eke At Ninowe inuk suon etnowen nineyabuk ninakeleg ninakeleg og nisebag etno fam, hiren Allah wene demat ebetuk amuhuben ulug yalmag hisaruk aheon etno ninebe du-at welahe-o.

Roma 1:12

Eke an sembahyang uruk ahion ari, hit ninim wilil Allah wene fanoroho uhuken ulug ninindi ebetuk amuhukseg, an hit ninim ninindimu oag weregsoho welamon wene etno ninindi ebebuhukseg, nindi nahien hahuk-o.

2 Korintus 11:20

Eke it ap ninen inanggimburep hisaharukon epmano inim, eke it ap nin inaharek anggolo amag ulug hinim dahan fahan suruk ahebon epmano inim, eke hinaharek diloko neken warukon epmano inim, eke hinebe seberep hisaharukon epmano inim, eke hinolohotma biso hinaptukon epmano inim, obog-at fano ninim welamuhuken ulug yig isaruk ahep-o.