2 Korintus 1:23 - Allah Wene Hurumbik Keron

²³ Eke an nahla buruk ahion etno At Allahen iluk wereg halug, demat yig hisaruk ahi-o. Eke an o Korintus epma awan waharuk ahi fug ari, hit hinahap wendaroko neken welahi.

2 Korintus 1:23 ပူးပေါင်းရင်းမြစ်များ

Kisah Para Rasul 18:1

Eke fobik at Paulus etno o Atena sohorep isalug, o Korintus etno waharisi.

Kisah Para Rasul 18:8

Eke at Krispus o Allah wene uruk ambeg aso werehon etno Allah wene eberoko waruk atisimu, it omini uma werehon epmano inim-at eberoko warusa. Waruk atusama, it Korintus aphe anggolo nin inim Allah wene inesanggo holtuk wilil eberoko waruk atusama, ikma belap inaptisi.

Roma 1:9

Eke an nintul nantul hit hinake sembahyang uruk wilil, At Yesus Kristus awene fanowon etno nindimuen eberoko walug yig isil nuruk ahi ari fam, At Allahen demat hinake sembahyang uruk-o, ulug yig hisahu-o.

Roma 9:1

Eke anden At Kristus inuk fam yig hisamin ari, nenggal imin fug-o. Eke an nindimuen demat bukag ulug At Roh Kudus etnowen henggal uruk ahen ulug yig nituk eleg-o.

1 Korintus 4:21

Eke hit nongge hinindien suruk ahep-o? An yikangge walug hinambeg wam hinindi ano, eke nindi hunduhuk wilil, seberoho hinambeg wam hinindi ano? Ari halug, hiren imig simiek-o.

1 Korintus 5:5

ap ariroho surukon etno ahap dag aruhureg oke, indi At Ninowe waruhu etno fam fano sukag ulug, hiren ap ari oag deloko at iblis og imuog ulug fuloko imbiek-o.

2 Korintus 1:1

An Paulus At Allah ahla buruk apareg, At Yesus Kristus awene yig isil nuruk amag ulug mondep naharision etno inim, eke at ninomin Timotius etno ninimen, hit Allah udaki o Korintus inim eke o Akhaya obog welahebon etno holal du bal hisehe-o.

2 Korintus 1:18

Eke anden yig hisaruk wilil, nenggal inim demat inim yig hisarikik fug ari, At Allah iluk-o.

2 Korintus 10:2

Ari halug, an nebe fobik bik hisa waharuk aruhukmu, anden nune winimugsoho yig hisawag ulug suk fug-o. Eke it aphe ninen, “At Paulus etno it ap kweanmonen dahan fahan suruk etno hag suruk-o,” ulug urukon ari nune mondog winimugsoho yig isahuk ulug demat yig hisaruk ahi-o.

2 Korintus 11:10

Eke alem ari fam suontepataruk ahion ari it Akhaya aphe obog ari ilitoho-at yig isahuk. Ariroho yig isahuk ulug an At Kristus inuk fam demat yig hisaruk ahi-o.

2 Korintus 11:11

Eke an ariroho yig hisihi ari, keroho ulug yig nisehek buruk ahep-o? An ariroho yig hisihi ari nit ninebe indi hunduhuk eleg wilil yig nisehek buruk ahep ano? Eke anden hit hinebe nindi hunduhuk welahion etno At Allah iluk wereg-o.

2 Korintus 11:31

Eke an wene ihion ari enggal ehek fug ulug At Ninowe Yesus Ikni Allah inuk nintul nantul suontepfuruk amuhukon etnowen iluk wereg-o.

2 Korintus 12:20

Eke fobik hinambeg waruhukseg, hit an nune hinesanggo holtuk ahep fuhon etno nilanggen hisahuk ari an nambit-o. Eke hiren at Paulus obabut ninambit haruk aheon etno-at waha ulug hiren ariroho yig num ari an nambit-o. Eke hit winimug abeheg, eke hinindi hinasine aheg, eke hinune fanggogsoho eheg, eke an-at suon aruhuken ulug eheg, eke aphe inobam denggeleheg, eke aik dahog eheg, eke hinonggarehen suontepateheg, eke narlog harlog seheg, hiren ariroho surukmu an nilanggen hisaruk ari nambit-o.

2 Korintus 13:10

Eke hit ariroho hinobabut fano mondog welamag ulug an nebe yatma wilil oke, holal du bal hisihi-o. Eke hit hinebe seberep hisahukon etno sohorep isalug, hinindi oag werehep hisahukag ulug At Allahen minduhup naharision oke, anden noag weregsoho winimug hisihi ha nowen ulug holal du bilin bal hisaruk ahi-o.

2 Korintus 13:2

Eke bilin ninggik birenam ninim wilil yig hisarikikon etno kidia nebe yatma wilil oke, misihim inim dahagsoho yig hisamin-o. Ariroho yig hisamin ari, hit obog inim, eke hit bilin dag sirikibon epmano inim obog-at yig hisamin-o. Ari halug, an nebe fobik hinambeg waruhukseg, nune wiogsoho yig hisahuk fug-o.

2 Korintus 6:6

Eke hweap inim sukon etno sohorep iseheg, eke yi angge di angge alem epmano niniluk welaheg, eke ninobabut fanoroho welaheg, eke ninune fanoroho yig iseheg suruk nisalug, iren du Allah anggimbu at-o ulug inahla bukag ulug ariroho suruk ahe-o.

Galatia 1:20

Eke an nenggal ihi fug-o, ari At Allah il fam demat yig hisaruk ahi-o.

Filipi 1:8

Eke At Kristus Yesus hit hinobam indi hunduhuk wereg etno hag, an hit hinobam nindi hunduhuk welahi-o, ulug an At Allah inuk fam demat yig hisaruk ahi-o.

1 Tesalonika 2:5

Eke hit hinahien nisawag ulug yuhun-at nit ninune fanoroho yig hisa waharukuk fug etno hit hiniluk-o. Eke ninaharek anggolo amag ulug ninune fanowon ninenggal-at yig hisaruk atukuk fug etno At Allah iluk-o.

1 Timotius 1:20

It inapeleg atision ari ininuk misig Himeneus eke misig Aleksander etano inapeleg atusareg fam, fobik inenggal wene At Allah obam denggeltukon etno sohorep isawon iniluk amagsoho arat at iblis etno inobam umbukag ulug yig itikik-o.