2 Korintus 1:22 - Allah Wene Hurumbik Keron

²² Eke aren og hisahuk ulug abug yig nisebahon etno demat og nisahu ulug ninahla bukag ulug At Roh Kudus etno ninindimu og nisarisi-o.

2 Korintus 1:22 ပူးပေါင်းရင်းမြစ်များ

Efesus 4:30

Eke At Roh Kudus hinindimu werehon etno olohore dahapfuk fug-o. Eke At Allahen hinili wahuon etno hinindimuen demat ulug hiniluk amag ulug At Roh Kudusen hinindimu yig hisaruk-o.

2 Korintus 5:5

Eke ninebe ariroho ketoho ninombisahiog ulug surukon ari At Allah akeleg-at wereg-o; ariroho wilil, niren demat suhu ulug ninahla bukag ulug At Allah Roh Kudus etno og nisarisi-o.

Yohanes 6:27

Ariroho heag nabil wahebon oke, hit orom filik atukon etno-at nuog ulug yabuk suruk am fug-o. Orom filik atuk elehon ari hiniluk welamon etno-at huluog ulug suruk amuk-o. Orom filik atuk elehon ari hinim hiniluk welamon etno-at nuog ulug suruk amuk-o. Orom ebe ari An Allahen minduhup naharision etnowen-at og hisahuk-o. Ariroho og hisahuk ari, At Nikni Allah etnowen-at nebe suon welamag ulug minduhup nahabag-o,” ulug yig isebag.

Wahyu 9:4

Ariroho umburusa famen, isinggangge inim, e inim, engga werehon epmano inim naruk am fug-o; eke it aphe duma At Allahen angge ulug inilaho­ag fam holal elehon halug hinayeg bal inaptuk amiek-o, ulug yig isarusa-o.

Roma 8:23

Ariroho suruk ari, it yi angge di angge wal hebahon epmano inakelehen-at hinel watuk eleg-o. Eke nit bilin alem neken At Roh Kudusen og nisarision etno fobik og nisawon etno aso wilil, At Allahen At udaki mondog welamag ulug ninombisahukon etno inim, eke ninebe fanoroho suontep nisahukon etno inim aso wilil, hinel watuk ahe-o.

Roma 8:9

Eke hit hag, kweanmen sukon etno mutlug laruk ahep fug du, At Roh Kudusen yig hisarukon etno-at mutlug laruk ahep-o. Eke At Roh Kudus etno hinindimu-at wereg-o. Eke ap misig At Roh Kudus indimu elehon halug, At Kristusen angge eleg-o.

Wahyu 7:3

“It Allah anggimbu etno niren du Allahen angge-at ulug awan inilahoag fam holal umburuk eleg niseheg, hiren o kweanma inim, ikma inim onggama inim dahapsuk fug-o,” ulug yig isari­si-o.

2 Timotius 2:19

Iren ariroho yig isarukon oke, eke At Allahen o andorli oag werehon imbirision etno aplohok suhu fug-o; eke o andorli etno fam wene holal umburuk wilil, “At Ninowe etnowen nudaki inebe du at-o ulug iluk wereg-o,” eke misig ari, “It apheyen At Ninowe etnowen angge-at welahi-o ulug urukon etno dag surukon etno sohorep isawag-o,” ulug o andorli etno fam wene holal imbirisi-o.

Roma 4:11

Ariroho inim dambultuk apareg, fobik-at iyunggul ambilik balfag-o. Eke at Abraham etno iyunggul ambilik awan baleg eleg wilil, At Allah obam ebetuk apareg fam, At Allahen ninim fanoroho welamuhuken ulug inim dambulfag-o. Ariroho ninim dambulehe ari demat-o ulug ahla bukag ulug iyunggul ambilik balfag-o. Eke it yi ap di ap iniyunggul ambilik baleg elehon epmanowen At Allah obam ebetuk isalug, aren ninim fanoroho welamuhuken ulug dambuk inaptukon etno at Abraham inikni neken wereg-o.

Wahyu 2:17

Eke hine­sanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho anduhunmu welamuhubon halug, orom manna herahoma werehon epmano og isahuk-o. Og isaruk aruhukseg, obam seberoho helep huluon etno fam ininuk keron etno inakeleg sik iniluk amag ulug wene holal baloko og isahuk-o,” ulug yig nitisi-o.

Yohanes 3:33

Eke it ninen At awene etno eberoko waruk isalug, ari fam At Allahen demat uruk-o ulug selegmaroho bukaloko yig nisaruk-o.

1 Tesalonika 4:8

Eke ap misihen wene ebe yig hiseheon etno seberoho umburuk halug, ap inune seberoho umburuk eleg-o. At ap ari At Roh Kudus og nisarukon etno une-at seberoho umburuk-o.