2 Korintus 1:20 - Allah Wene Hurumbik Keron

²⁰ Eke At Allahen ariroho suhuk ulug hurumbik ebahon etno At Yesus inuk fam demat ulug yig nisaruk-o. Eke demat ulug yig nisaruk ari fam niren At Allah inuk suontepfuog ulug, demat ulug uruk ahe-o.

2 Korintus 1:20 ပူးပေါင်းရင်းမြစ်များ

Ibrani 13:8

Eke At Yesus Kristus etno bilin welapareg oke, kidia wereg at-o, eke fobik itog mondog-at welaruhu-o.

Galatia 3:22

Eke at Alkitab etnowen yig nisaruk wilil, “It yi aphe di aphe kweanmon obog dag-at suruk-o,” ulug yig nisaruk etno fam, it aphe At Yesus Kristus obam ebetukon etno At Allahen og hisahuk ulug abug yig nisebahon etno og isaruk-o.

Wahyu 7:12

“Ninikni wa. Hat hoag werehon wilil hakeleg-at suon welahen-o. Eke Hat yi angge di angge obog hiluk wilil, sukfugangge elalintoho suruk ahenon ari fam Hat hinuk-at nintul nantul suontepfuruk amuhuk-o, ulug nit demat uruk ahe-o,” ulug di etno urusa-o.

Efesus 1:6

Eke At Allahen ninabua nisaruk wilil, At Amloho indi hunduhukon etno onggo eleg yuhun-at og nisebareg fam, At Allah wa ulug uruk wilil, inuk suontepfuruk amuk-o.

Roma 11:36

Eke yi angge di angge epmano obog bilin At Allahen-at wal hebareg fam, kidia inebe werehep isaruk-o. Eke yi angge di angge epmano At inuk su amag ulug-at wereg-o. Ari halug, niren nintul nantul Allah inuk-at suontepfuruk amuk-o.

Wahyu 3:14

Eke fobik an yig nituk wilil, “At it jemaat o Laodikia aphe inaso werehon etno og emag ulug holal duroho imbimihin-o: At inuk Amin soaleg wilil, At Allahen wal hebahon etno obog alem unde neken werehon etnowen demat ulug yig hisaruk wilil,

Efesus 2:7

Eke At Yesus Kristus etno og nisaruk wilil, At Allahen An nindi hinobam hunduhuk wilil hinabua hisaruk ahi-o ulug selegmaroho yig nisarision etno it yi aphe di aphe fobik welamuhubon epmanowen At Allahen demat anggolo og nisaruk-o, ulug inahla bukag ulug yig nisarisi-o.

Roma 6:23

Eke dag surukon ari onggo waratukon etno-at og isaruk-o. Eke At Allahen ninabua nisaruk wilil onggo eleg yuhun-at og nisarukon ari, At Ninowe Yesus Kristus ninim niniluk mondog welamon etno-at og nisaruk-o.

Ibrani 11:13

Eke it aphe epmano inindi demat ulug ebetuk wilil, At Allahen hurumbik yig isebahon etno inilanggen halug eleg-at warapag. Inebe yatmen-at inilanggen yet heheg, eke hurumbik etno inindimu ebetuk wilil, inebe yatmen-at wa eheg suruk apareg, selegmaroho bukaloko uruk wilil, “O kweanma duma ap yatmon wereg etno hag, huso neken-at welahe-o,” ulug uruk apag.

Ibrani 7:6

Ariroho suruk oke, at Melkisedek etno ebe Lewi ap fug oke, at Abrahamen aharek nomalowon etno embebagma, holaruk apareg, at Abraham Allahen abug yig epahon etno obam ahien embebag.

Yohanes 14:6

Ariroho wereg neyeheg, it yi aphe di aphe epmano An Nikni ambeg luog ulug suruk isalug, Anden-at og inaplug laruk ahi-o. Ariroho og inaplug laruk neyeheg, iren An sohorep nahalug lao ari hai-o.

1 Korintus 14:16

Eke hit Roh Kudus hinim wilil, inune werlekon fam wa ulug sembahyang uruk hisalug, it aphe nin inune yion dion inapelehon epmanowen inindimuen inesanggo holtug eleg-at keroho famen uhup-o?

1 Yohanes 5:11

Ari halug, wene yig nisarukon etno du at-o, At Allahen niniluk welamon etno og nisebag, At Amloho og nisebag halug, ari niniluk welamon etno-at og nisebag-o.

1 Petrus 1:12

Hurumbik At Allahen yanggul isebahon etno it nabi aben, “Nit-at og nisahu,” ulug uruk apag fug oke, eke hit hag fano wene etno hinesanggo holtuk amuhupmu og hisahu, ulug hurumbik yig hisebag. Hurumbik yig hisaruk apagma, fobik it wene fano wene yig isil nuruk amag ulug mondep isebahon epmano hinambeg watlug, it At Allah Roh Kudus boholmen inambeg ambik waharisireg yig isarukmu, fano wene etno yig hisarusa-o. Yig hisaruson etno it malaikat nit ninesanggo holto burukon oke, hit-at yig hisarusa-o.

Kolose 1:27

Eke wene amuk heraho welapahon etno yi aphe di aphe bukaloko yig isawag ulug suon, fanowon-at wereg-o. Eke wene fanowon yig nisarukon etno ebe du at-o, At Kristus hinindimu wereg halug, At ebe ilitoho Allah hinim suon-at welamuhup-o.

2 Korintus 4:15

Eke yi wene di wene ihion ari, hit hinake-at ariroho seg atuk-o. Eke ari ilitoho At Allahen ninabua nisarukon wene etno it aphe obohen nin bilin weheg, it aphe nin fobik weheg eberoko waruk amuhupseg, At Allah inuk suontepfuruk wilil, wa ulug uruk amuhup-o.

Yohanes 3:5

eke At Yesus etnowen yig ituk wilil, “Ari halug, An wene demat urukon etno yig hisamin-o. Ap misig ik fam inim, Roh Kudus fam inim endag atuk eleg halug, At Allah weregma kuk ari hai-o.

Yohanes 1:17

Eke at Musaen wene duroho suruk amuk eke duroho suruk am fug ulug ebahon etno yig nisawag ulug At Allahen yig epahon oke, At Yesus Kristus etnowen ninabua nisawon wene etno inim, eke demat urukon wene etno inim yanggul nisawag ulug At Allahen yig epag-o.

2 Tesalonika 1:10

Eke At etno o ari sambit waharuk aruhumu, it udaki At obam ebetukon epmanowen inuk mondog suontepfuruk amuhup-o. Eke hit hag wene yig hisaruk atukukon epmano eberoko waruk ahep etno fam, At Yesus inuk suontepfuruk amuhup-o.

2 Korintus 4:6

Eke amuk At Allahen uruk wilil, “O hik wereg ambeg epma seleg amag-o,” ulug ebag etno hag, kidia ninindimu Aren o seleg etno og nisaruk-o. Eke o seleg og nisarukon etno At Yesus Kristus olohotmen fisag ninaptuk wilil, At Allah etno abikag suruk wilil alon werehon-at wereg-o, ulug niniluk amag ulug yig nisaruk-o.

Lukas 2:14

“Allah boholma werehon fog suruk amuk-o. At Allahen aphe kweanmon hinabua hisaruk halug, hinim dambuksoho welamuhup-o,” ulug ebag.

Matius 6:13

Eke ninindi kahalik waharukim, iblis lisoko wilipfin-o. Eke Hat suon hoag werehon-at welahen-o. Hat fanowon halon werehon-at wela­hen-o. Hat hebe walhan-at halug, hitog mondog welahen-o. Amin,’ ulug ariroho sembahyang uruk amuk-o.