2 Korintus 1:14 - Allah Wene Hurumbik Keron

¹⁴ Eke ari halug, At Ninowe Yesus waruhu ari sambit hiren nit suontep nisahakeg, eke niren hit suontep hisahakeg suruk amuhuk-o.

2 Korintus 1:14 ပူးပေါင်းရင်းမြစ်များ

Roma 11:25

Nomini-o, hit wene herahowon misig du hinapeleg welam ari haien yig hisamin-o. Ariroho yig hisamin ari hiren nit-at ninindi enggaron welahe-o, ulug hinahla buruk am nowen ulug yig hisamin-o. Ari halug, wene ebe yig hisaminon du at-o, it Israel ap inindi arikepataruson ari mondog mondog-at inindi arikepatarusa fug-o. Eke fobik it aphe bilin Allah wene inapeleg welatuson epmano demat ulug eberoko waruk amuhupmu, it Israel aphe obog-at inili wahu-o.

1 Korintus 1:8

Eke At Ninowe Yesus Kristus waruhu ari sambit hit hinobam dag seko umbukon mondog eleg amag ulug, At awan waharuk eleg heheg, hinindi oag weregsoho hinombisaharuk-o.

1 Korintus 11:18

Eke alem misig duroho nesanggo holtikik-o. Hit Allah udaki wonggaltuk ahebon epmano wene uruk wilil, healsaruk ahep ulug nesanggo holtikikseg fam, kidia demat ulug nahla bihi-o.

1 Korintus 15:31

Eke At Ninowe inuk suon Kristus Yesus etno inuk fam hit farim suontep naharukon etno halug, an nintul nantul waratuk ahi-o.

2 Korintus 2:5

Eke at misihen inindi dahap sirision etno an nindi dahap sirisi fug-o. We hit-at hinindi dahap sirisi-o. Eke an nune mondog winimugsoho yig um namberaken, hit nin hinindi dahap sirisi ulug yig hisaruk ahi-o.

2 Korintus 5:12

Eke ari halug, hiren suontep nisahukag ulug misihim inim yig hisaruk ahe fuhon oke, eke alem du fam suontep nisahuog ulug weregma yig hisaruk ahe-o. Eke ariroho yig hisaruk ahe ari, it aphe inolohore farim suontep isaruk wilil inobabut surukon fam suontep isao sohorep isarukon etno hiren onggo yig isawag ulug yig hisehe-o.

2 Korintus 9:2

Hiren hag yalmag inabuog ulug suruk ahep ari an niluk-o. Eke alem ari fam anden hit suontep hisahiog ulug it Makedonia aphe epmano yig isaruk wilil, “It Akhaya aphe hag tahun lindi fam arat yalmag inabuog ulug surusa-o,” ulug ariroho yig isarikikseg fam, hiren suruk ahebon epmano inesanggo holtusareg, it obohen nit ariroho yalmag inabuhuk at-o, ulug urusa.

Filipi 1:10

Eke ariroho Allah wene etno hinindimuen su atuk aruhumu, du dag du fano ulug yi angge di angge inakeleg sik imbisaruk amuhupseg, eke fobik At Yesus Kristus waruhu ari sambit hinobabut fanowon inim, eke apheyen hinobam denggeltuk elehon etno inim, hinobabut arion-at welamuhup-o.

Filipi 1:26

Eke ari fam, fobik hinambeg bik hisa waharuk aruhukmu, hiren At Yesus Kristus ninim wilil, keroho fano welamuk ulug at Paulusen yig nisarisi-o, ulug uruk amuhup-o.

Filipi 1:6

Eke At Allahen bilin hinindi yabuk fanowon etno atog suruk atisireg, eke fobik At Kristus Yesus waruhu etno fam atog suhu-o ulug, an demat yig hisaruk ahi-o.

Filipi 2:16

eke ariroho nahien haruk wilil, an o kweanmen yabuk sat anggolo suruk wilil werlek-at suruk atikik fug-o, ulug nahla buhuk-o.

Filipi 4:1

Hit nomini nindi hunduhukon wai. Hit bik hisa wamon nahla buruk wilil, nahien hisaruk ahi-o. Eke hit hag Allah wene yig hisarikikon etno eberoko warikip-o, nomini. Eke At Ninowe awene etno waruk wilil, ariroho suk ulug yig hisihion etno ilitoho suruk wilil hinoag weregsoho suruk amuk-o.

1 Tesalonika 5:23

Eke At Allah fanoroho dambuk ninaptukon etnowen hinobabut fanorep hisahaku-o. Eke At Ninowe Yesus Kristus waruhu ari sambit fanoroho welamuhuben ulug At Allahen hinebe inim, hinindi inim, hinahurangge inim fanorep hisahaku-o.