2 Korintus 1:1 - Allah Wene Hurumbik Keron

¹ An Paulus At Allah ahla buruk apareg, At Yesus Kristus awene yig isil nuruk amag ulug mondep naharision etno inim, eke at ninomin Timotius etno ninimen, hit Allah udaki o Korintus inim eke o Akhaya obog welahebon etno holal du bal hisehe-o.

2 Korintus 1:1 ပူးပေါင်းရင်းမြစ်များ

Kisah Para Rasul 16:1

Nin eke at Paulus etno o Derbe inim, o Listra inim lebag. Laruk apareg weregma, ap Allah wene warukon misig inuk Titus etno isina Allah wene warukon ungguluag Yahudi hwe weregma, eke ikni ungguluag Yunani ap welapag.

Roma 15:26

Eke it Allah udaki o Makedonia Akhaya inim werehon epmanowen it Allah udaki o Yerusalemon inaharek elehon epmano yi angge di angge og isuog ulug Allah ake yi angge di angge umbuhuk inahla burusa ari,

Roma 16:21

Eke at Timotius yabuk ninim suruk aheon etno inim, eke it an nungguluahon ininuk Lukius, Yason, Sosipater etano inimen heahi war hinaptuk-o.

Roma 16:5

Eke Allah udaki it inibam epma sembahyang uog ulug wonggaltukon epmano inim-at heahi war inaptuk amuk-o. Eke at an nomin nindi hunduhukon inuk Epenetus bilin o Asia epmen Kristus awene eberoko warision etno inim,

1 Korintus 10:32

Eke it Yahudi ap inim, eke it Yunani ap inim, it Allah udakion inim, it obohen hit suruk ahebon epmano inilanggen hisalug, iren keroho suruk ulug inahla buruk wilil, inambit ha nowen ulug, hiren motoho-at suruk amiek-o.

1 Korintus 16:10

Eke fobik at Timotius hinambeg waruhu halug, fanoroho hinim welamuk-o. Eke an Allah yabuk suruk ahi etno hag, At Allah yabuk surukon-at heheg, ap misihen seberepfuk sohorep isalug, fanoroho mondepfuhup-o.

1 Korintus 16:15

Eke at Stefanus omini epmano inim inobabut fanowon etna hiniluk-o. It epmano o Akhayaen bilin At Allah wene warusareg, it Allah udakion epmano fanoroho inaso wereg-o, nomini.

1 Korintus 16:24

Eke At Kristus Yesus inuk fam hit obog nindi hunduhuk welahi ari fam, an demat yig hisihi-o, ulug yig isebag.

1 Korintus 6:11

Eke hit nin ariroho dag suruk atikibon oke, eke At Allahen Ninowe Yesus Kristus inuk fam At Roh Kudus etno og hisaruk wilil, hinindimu dag suruk atikibon epmano ho hinabeheg, eke hinebe Aren angge ulug akeleg-at hinombisahakeg, eke alem dahon hinobam werehon epmano hinili oko elehepfeheg suruk atisi-o.

2 Korintus 1:19

Eke ariroho At Allah Amloho Yesus Kristus awene etno nit an, Silwanus Timotius ninimen yig hisarukukon etno enggal inim demat inim uruk eleg-o. Eke At Yesus inuk fam At Allahen demat ulug yig nisaruk-o.

2 Korintus 1:23

Eke an nahla buruk ahion etno At Allahen iluk wereg halug, demat yig hisaruk ahi-o. Eke an o Korintus epma awan waharuk ahi fug ari, hit hinahap wendaroko neken welahi.

2 Korintus 11:10

Eke alem ari fam suontepataruk ahion ari it Akhaya aphe obog ari ilitoho-at yig isahuk. Ariroho yig isahuk ulug an At Kristus inuk fam demat yig hisaruk ahi-o.

2 Korintus 9:2

Hiren hag yalmag inabuog ulug suruk ahep ari an niluk-o. Eke alem ari fam anden hit suontep hisahiog ulug it Makedonia aphe epmano yig isaruk wilil, “It Akhaya aphe hag tahun lindi fam arat yalmag inabuog ulug surusa-o,” ulug ariroho yig isarikikseg fam, hiren suruk ahebon epmano inesanggo holtusareg, it obohen nit ariroho yalmag inabuhuk at-o, ulug urusa.

Galatia 1:1

An Paulus wene yig isil lawag ulug ap misihen mondep nahabag fug-o, eke it apheyen minduhup naharusa fug-o, eke At Yesus Kristus inim, eke At Ninikni Allah, At Yesus Kristus aphe warehon wereg ambehen iluksoho minduhupfebahon etno inimen, wene yig isil lawag ulug minduhup naharusa-o.

Galatia 3:26

Eke At Kristus hinim wilil obam ebetuk ahep etno fam At Allah udaki-at welahep-o.

Efesus 1:1

An Paulus, At Allah ahla buruk apareg, At Yesus Kristus awene yig isil lawag ulug mondep nahabahon etnowen, hit Allah udaki o Efesus epmen At Yesus Kristus obam ebetuk wilil At awene eberoko waruk ahebon epmano holal du bal hisihi-o.

Filipi 1:1

Nit Paulus Timotius At Kristus Yesus anggimbu etnowen hit Allah udaki At Kristus Yesus awene waruk wilil, o Filipi welahebon obog inim, eke hit hinindi aso welahebon inim, eke hit yalmag inaptukon epmano inim,

1 Tesalonika 1:1

Nit Paulus, Silas, Timotius etano ninimen, nit Ninikni Allah inim, Ninowe Yesus Kristus inim inudaki o Tesalonika welahebon epmano heahi war hinaptuk wilil, At Allahen hinabua hisaruk etno fam, hinim welamag ulug wene holal du bal hisehe-o.

1 Tesalonika 3:2

O epma wilil, at Timotius Kristus awene fanowon yig isil lawon etno ninim Allah yabuk suruk aheon etno lahapfik waharukuk-o. At lahapfik waharukuk ari, it ninen dahon etno hinobam umburukmu, hit hinindi dag atlug, Allah wene etno hinapeleg am nowen ulug at Timotiusen hinindi werehep hisahakeg, Allah wene etno yig hisaruk amag ulug lahapfik waharukuk-o.

2 Tesalonika 1:1

Nit Paulus, Silas, Timotius epmano ninimen, hit Ninikni Allah inim, Ninowe Yesus Kristus inim inudaki o Tesalonika welahebon epmano heahi war hinaptuk wilil,

1 Timotius 1:1

Nomin Timotius wai. An Paulusen hat namloho ninim Allah wene waruk aheon etno holal du bal hituk ahi-o. Eke At Allah ninili warukon etno inim, eke At Kristus Yesus fobik fano ninabuhuon etno inimen At Kristus Yesus awene yig isil nuruk amag ulug minduhup naharusa etno ilitoho,

2 Timotius 1:1

Nomin Timotius wai. An Paulusen hat namloho nindi hunduhukon etno holal du bal hituk ahi-o. Eke nebe etno At Allah indi ebetuk apareg, At Kristus Yesus awene yig isil nuruk amag ulug minduhup naharisireg fam,

Titus 1:1

An Paulus At Allah anggimbu wilil Yesus Kristus awene yig isil nuruk amag ulug mondep naharision etnowen wene holal du bal hirihi-o. Eke it aphe At Allahen imig inapahon etno wene du demat ulug inahla buruk wilil, fikfag yanggul isawag ulug heag naptisireg lahap naharisi-o.

Filemon 1:1

An Paulus At Yesus Kristus awene yig isil larikikseg fam hele war naptuson etno inim, eke at ninomin Timotius etno inimen, hat ninomin Filemon ninim Allah yabuk suruk aheon etno inim, eke it aphe Allah wene warukon hat hambeg nintul nantul sembahyang ik waharukon epmano inim, eke at ninahaloho inuk Apfia etno inim, eke at Arkhipus, wim aptuk etno ilitoho At Yesus Kristus awene yig isil nurukon etno inim,

Ibrani 13:23

Eke at ninomin Timotius o aphe dahon imbisaruk ambeg epmanowen hele hibiloko wilipfurusa ari hit hiniluk amag ulug-at yig hisihi-o. Eke at etno ebe dulum-at waharuk halug, an ninim-at hinambeg bik hisa wamuhuk-o.