1 Yohanes 5:7 - Allah Wene Hurumbik Keron

⁷ Eke yig nisarukon ari, boholmen it henahanen yig nisaruk-o, ari Ikni etno inim, At Wene etno inim, eke Roh Kudus etno inimen boholmen yig nisaruk ari, wene misig-at yig nisaruk-o.

1 Yohanes 5:7 ပူးပေါင်းရင်းမြစ်များ

Matius 17:5

ulug awan yig ituk heheg, hena wikal neken lahaptukon etno sebe inapag.

Matius 18:16

Eke haren yig itukon epmano esanggo holtuk eleg halug, homini misig, biren og inaplug, homin dahon hobam umburukon etno ambeg alu-o. Eke wene Alkitab fam yig nisaruk wilil, ‘Ap misig aren baltuk wilil, obam denggeltuk hisalug, it biren henahanen-at demat ulug ukag-o,’ ulug Alkitab fam yig nisaruk halug, ariroho homini misig biren og inaplug homin dahon hobam umburukon etno ambeg alu-o.

Matius 28:19

Ariroho minduhup naharisireg fam, hit hag it yi aphe di aphe o ahik ya da epmano wene yanggul isil laruk amuhupseg, hiren An Nikni inuk fam, eke An At Amloho ninuk fam, eke At Roh Kudus etno inuk fam inebe ikma belap iseheg,

Yohanes 1:1

At Allahen o kweanma awan wal haruk eleg heheg, At inuk Wene etno welapag. Wene etno At Allah inim wilil, At ebe ilitoho-at welapag.

Yohanes 10:30

Eke nit An Nikni ninim ninebe misig-at welahe-o,” ulug yig isebag.

Yohanes 12:28

Ariroho ambik waharikikseg fam, Hat hinuk-at suontepfukag ulug sin-o Nikni,” ulug ebag. Uruk apagma, boholmen une misig yig ituk wilil, “Bilin An ninuk suontepfukag ulug suruk atikik etno hag, suontepfukag ulug suruk aruhuk-o,” ulug ebag.

Yohanes 14:17

Eke it aphe kweanmon Allah wene waruk elehon epmanowen At Roh Kudus etno inilanggen haruk wilil, ebe iniluk aheg suruk eleg etno fam, At Roh Kudus etno inindimu kuruk eleg-o. Eke hit hag At ebe hiniluk welamuhup etno fam, At ebe hinindimu wilil, nintul nantul hinim welamuhup-o,” ulug yig isebag.

Yohanes 15:26

Yig isaruk apareg, eke fobik yig isaruk wilil, ‘Fobik At Roh Kudus Yalmag hinaptukon etno waruhu-o. Waharuk aruhureg, Aren wene demat uruk amon etno yanggul hisahu-o. Eke At Roh Kudus etno At Nikni inim inebe misig-at werehon oke, At Nikni wereg ambeg epmen lahapfik waharuk aruhukmu, Aren An nawene etno-at yig hisaruk aruhu-o.

Yohanes 5:26

Eke At Ikni iniluk welamon unde wereg etno hag, At Amloho etno iniluk welamon ari-at unde welamag ulug nobam imbirisi-o.

Yohanes 8:18

Ari halug, An nonggarehen nawene yig hisaruk ahi etno hag, eke At An Nikni lahap nabik waharision etnowen An nawene-at yig hisaruk-o,” ulug yig isebag.

Yohanes 8:54

Yig ituk apagma, At Yesusen yig isaruk wilil, “An nonggarehen-at ninuk suontepatelemen, hai neken-at suontepatele oke, An suontep naharuk ari, At Nikni hiren Allah demat-o ulug uruk ahebon etnowen-at suontep naharuk-o.

Kisah Para Rasul 2:33

Eke At ebe etno Allahen walug inggik bikit fil imbik laharisireg, Roh Kudus og hiruhuk ulug yig epahon etno og itisi-o. Og itisimu, eke Aren og hisahuk ulug ebahon etno ninobam belabik waharukmu hinilanggen haruk ahep-o.

Kisah Para Rasul 5:32

Eke nit At Roh Kudus etno ninimen wene etno yig hisaruk ahe ari, At Allahen At une warukon epmano Roh Kudus og nisarukmu yig hisaruk ahe-o,” ulug yig isaruk apag.

1 Yohanes 1:1

Wene ninilukep nisaharukon etno yanggul hisiog ulug holal du balhisihi-o. Wene ari, o amuken welapahon etno eke kidia ninesanggo holtuk wilil, ninilanggen haruk ahe-o, eke At wene urukon ari ninilanggen harukuk-o, eke At ebe fag harukuk-o.

1 Yohanes 5:6

Eke at kweanma wapahon ari, At Yesus Kristus wapag, ik inim, amep inim walug wapag, ari ikma belapfebahon etno inim, amep deloko embebahon etno inim walug wapag. Ik-at walug wapag fug, we biren eta ik inim, amep inim walug wapag. Walug wapag ari, At Roh Kudus etnowen demat walug wapag ulug yig nisaruk-o. Eke yig nisaruk ari At Roh Kudus etnowen demat ulug yig nisaruk-o.

1 Yohanes 5:8

Eke o kweanmen it henahanen yig nisaruk-o, ari At Roh Kudus etno inim, eke ik etno inim, eke amep etno inim, it henahanen wene misig-at yig nisaruk-o.

Wahyu 19:13

Ariroho holal baleg wilil, asum wantirision etno mep are sirisi-o. Eke At etno inuk soaltuson misig Allah wene ulug soaleg welatisi-o.