1 Yohanes 5:18 - Allah Wene Hurumbik Keron

¹⁸ It Allah udakion halug, yi dag di dag surukon etno sohorep isalug, fobik dag seheg eleg-at welamuhup-o. Eke at setanen dahap isahu fug-o. At Allah Amloho etnowen ninili waruk ari demat ulug niniluk atuk-o.

1 Yohanes 5:18 ပူးပေါင်းရင်းမြစ်များ

Matius 5:37

Eke ari halug, hit yu-o ulug hinambilik famen uhupseg, ariroho-at su­hup-o. Eke eleg-o ulug hi­nambilik famen uhupseg, ari­ro­ho-at suhup-o. Eke it ninen yi angge di angge ininuk fam urukon ari, alem iblisen yig isarukmu-at uruk-o,” ulug yig isebag.

Matius 6:13

Eke ninindi kahalik waharukim, iblis lisoko wilipfin-o. Eke Hat suon hoag werehon-at welahen-o. Hat fanowon halon werehon-at wela­hen-o. Hat hebe walhan-at halug, hitog mondog welahen-o. Amin,’ ulug ariroho sembahyang uruk amuk-o.

Yohanes 1:13

Ariroho yig isebag ari, it aphe kweanmon inudaki endag atuk etno hag, At Allah udaki ulug endag apag fug-o. At Inikni Allahen-at endag inapag-o.

Yohanes 14:30

Eke kidia hag, wene atog inim yig hisamin fug-o. At iblis, o kweanma duma inikni suon neken werehon etno arat waharuk-o. At ebe etno arat waharuk ari, aren An seberep nahaku fug-o.

Yohanes 15:4

Eke An hit ninim hunduhuk welamuhuk etno hag, hit An ninim hunduhuk welamuk-o. Eke e inggik misig kisiloko wilipfurukon etno akelehen anggen yihiruk eleg etno hag, hit An ninim hunduhuk eleg hisalug, anggen fanowon epmano yihikup fug-o.

Yohanes 15:7

Eke hit hag An ninim hunduhuk wilil, nawene yig hisaruk atikikon epmano fanoroho waruk amuhupseg, hiren yi angge di angge epmano ariroho sin-o, ulug sembahyang uruk hisalug, Aren suhu at-o.

Yohanes 15:9

Eke hit ariroho suruk hisalug, hinebe An nomini-at welamuhup-o.

Kisah Para Rasul 11:23

Laruk apareg, At Allahen aphe duma ahien arat inobam imbisi, ulug ahla buruk apareg, yig isaruk wilil, “Hit hinindi At Ninowe Yesus obam ebetuk wilil, hinim hinindi hunduhuk welamiek-o,” ulug yig isebag.

Yakobus 1:18

Eke nit ninebe epmano At udaki manggia neken welamag ulug, Aren ahla bulug yi wene di wene demat surukon epmano yig nisaruk wilil, endag ninaptuk-o.

Yakobus 1:27

Eke At Ninikni Allah etno awene waruk nisalug, duroho suk-o; it udag inisasi elehon halug orom og iseheg, eke it hweap suhweon halug yalmag iseheg, eke kweanmen surukon etno seberoho embeheg suruk amuk-o.

1 Petrus 1:23

Allah wene iniluk inaptukon etno warikip halug, hinebe keron neken endag atikipseg fam, At Ninikni Allah iluk mondog werehon etnowen endag hinaptisi-o.

1 Yohanes 2:29

At Kristus ari-at fanoroho suruk-o. Eke niren fanoroho suruk nisalug, Allah udaki-at welahe-o. Ari ihion etno hiniluk at-o.

1 Yohanes 3:12

At Kain etnowen sebag etno hag suk fug-o. At Kain iblis amloho etnowen, ot Habel wapag ari, nongge farim wapag-o? Ari at Kain obabut dahon weregma, eke ot Habel obabut fano sebag arien wapag-o.

1 Yohanes 3:3

Eke At Kristus waruhuon obabut fano etno hag, At ebe hag amuhuken ninobabut fanoroho welamuk-o.

1 Yohanes 3:9

Eke it obog Allah udakion halug, dag suruk eleg-o. Inikni Allah ilitoho atusa halug, dag suruk inapeleg atisi-o.

1 Yohanes 4:6

Nit Allah udakion halug, Allah wene-at yig isaruk ahe-o. Eke it Allah obam ebetukon halug, ninune inesanggo holtuk-o. Eke it Allah obam ebetuk elehon halug, ninune inesanggo holtuk eleg-o. Eke it kweanmonen uruk ari dahan fahan uruk halug, At Roh Kudusen demat uruk-o ulug ninindi ebetlug niniluk atuk-o.

1 Yohanes 5:1

Eke nin At Yesus ari Kristus ulug wapag-o ulug inahla ebetukon halug, Allah udaki-at wereg-o. Eke ikni indi hundutuk isalug at udaki ariroho-at inindi hun inaptuk-o.

1 Yohanes 5:15

Eke At ambeg kino yig itukmu, demat esanggo holtuk-o. Demat esanggo holtuk atlug, yi angge di angge At ambeg kino uruk aheon epmano og nisaruk-o. Ari demat og nisaruk ulug niniluk atuk-o.

1 Yohanes 5:19

Yi angge di angge kweanmon at setan etnowen sen inaptukon-at oke, eke nit halug, ninebe Allahen angge-at welahe ari, demat ulug niniluk atuk-o.

1 Yohanes 5:20

Eke At Allah Amloho etno waharuk apareg, aren Allah wene du demat yig hisaruk ahi-o ulug yangguloko yig nisebag. Wene ariroho yig nisebag halug, At Allah ninim, Amloho Yesus Kristus etno ninim ninindi hunduhuk welahe-o. Ari At Allah Ninikni-at wereg-o. Aren niniluk wilil ninitog mondog welamon etno-at og nisaruk-o. Ari demat-o, ulug nit niniluk atuk-o.

1 Yohanes 5:21

Nudaki-o, yi angge di angge du walhan suon-o ulug urukon epmano sohorep isalug fanoroho welamuk-o.

1 Yohanes 5:4

Abutseon yig nisarukon ari, ilitoho suruk wilil, eke it Allah udaki halug kweanmen sukon etno apmarepfuruk-o. Allah wene demat ulug ebetuk ahe halug, kweanmen sukon etno seberepfulug apmarepfuruk ahe-o.

Yudas 1:21

Hit Allah hinim wilil, Hinikni hinindi hunduhuk welamuhup-o. At Yesus Kristus hit hinabuen hiniluk welamon og hisahuon etno-at aso welamuhup-o.

Yudas 1:24

At Ninikni dil ninaptukon etno ahien nisahureg, og ninaplug o fanoma ninombisahaku-o.

Wahyu 2:13

hit at iblis wereg ambeg welahep etno An niluk-o. Eke bilin at Antipas An nawene fanoroho yig isarukon etno at iblis wereg ambeg epmanowen watuson oke, eke hit An nawene etno sohorep iseheg eleg fanoroho waruk wilil nobam ebetuk atikip-o.