1 Yohanes 5:13 - Allah Wene Hurumbik Keron

¹³ Eke hiren hiniluk welamon etno hiniluk amag ulug holal du bal hisihi-o. Hit Allah Amloho inuk ebetuk ahebon epmano hiniluk welamon etno holahup-o. At Allah aso wilil, ninindi oag weregsoho ninim welaheon alem du at-o.

1 Yohanes 5:13 ပူးပေါင်းရင်းမြစ်များ

Yohanes 1:12

It ap ninen ariroho At obam ebetuk eleg iseheg, it nin epmano hag At obam eberoko waruk apag. Eberoko waruk apagma, At etnowen hit At Allah udaki-at welamag ulug deloko hinombi saharuk ahi-o, ulug yig isebag.

Yohanes 2:23

Eke fobik it Yahudi aben esoho inuk Paskah etno esetuk iseheg, At Yesus etno o Yerusalem wilil, sukfuganggeroho suruk apagma, it aphe obohen inilanggen haruk apareg, wi ulug At obam ebetuk apag.

Yohanes 20:31

Eke yi wene di wene buku du fam holal embebag ari, hiren At Yesus etno Kristus, Allah Amloho at-o, ulug ebeko waruk hisalug, At Yesus inuk fam hiniluk welamon etno holawag ulug holal ari baloko embebag-o.

Yohanes 21:24

Ariroho yig ebag ari, At omin etno farim-at ebag-o. Eke Aren yiroho diroho sebahon epmano At omin misig etnowen yig isil laruk apareg, buku du fam wene embebag-o. Eke Aren wene embebahon etno demat ebag ulug nit niniluk-o.

Yohanes 3:18

Ari halug, it yi aphe di aphe obohen At Allahen Amloho etno obam ebetuk isalug, oag deloko o dagma imbisahu fug-o. Eke it nin At Allah Amloho misig aron etno obam ebetuk eleg isalug, inebe arat oag deloko imbisarisi-o.

Yohanes 5:24

Yig isaruk apareg, eke fobik yig isaruk wilil, “An wene demat urukon etno yig hisamin-o. Eke it obohen An nawene urukon etno inesanggo holtuk wilil, At lahap nabik waharision etno obam ebetuk isalug ari, iniluk welamon etno-at holaruk-o. Ariroho holaruk isalug, it inebe warehon ilitoho werehon epmano arat inilukep isarisireg fam, fobik oag deloko o dagma imbisahu fug-o.

Kisah Para Rasul 3:16

Eke At Yesus inuk fam ap iog oag elehon etno oag wereg aha-o. Oag wereg ahama, hehep ari At Yesus obam ebetuk wilil, inuk warukmu, hit hinil fam fano sehek-o.

Kisah Para Rasul 4:12

At Yesus-at ninili warukon haruk ahe-o. Eke At Allahen ap kweanmon misig inuk suontepfirisi fug. At Yesus akeleg-at inuk fam hinili wahuk ulug minduhupfirisi-o,” ulug at Petrusen hurumbik etno yig isaruk apagma,

2 Korintus 5:1

Eke nit ninebe ari ninibam sum fam falehon etno mial atuk halug, At Allahen o boholma ninibam itog mondog welamon fal ninaptukon epmano og nisahu ari niniluk-o.

Galatia 4:6

Eke hit ariroho Allah udaki atikipseg fam, At Allah Amlohoen angge Roh Kudus etno hinindimu belap hisa waharisi-o. Eke At Roh Kudus etno ninindimu wilil, “Ninikni,” ulug yig ituk-o.

1 Petrus 5:12

Eke holal og hisihi ari, at nomin Allah inuk warukon Silwanus etno ninimen embehe-o. Hinindi oag wereg amag ulug yig hisaruk wilil, At Allahen ninabua nisaruk halug, hinoag werehep hisaruk aruhu-o. Eke ari halug, hit kidia hinoag weregsoho welamiek-o.

1 Yohanes 1:4

Eke nit obog ninindi ninahien hawag ulug, holal du baltuk ahe-o.

1 Yohanes 2:1

Eke dag surukon etno sohorep isaruk amuhuben ulug, holal du bal hisihi-o, nudaki. Eke at misihen dag suruk halug, At Yesus Kristus Ikni Allah olohotma ninake urukon wereg-o.

1 Yohanes 2:21

Yi angge di angge obog epmano hinapelegma halug, anden holal du bal hisihi fug. Eke yi angge di angge obog epmano hiniluk halug, anden holal du bal hisihi-o.

1 Yohanes 2:25

Eke mondog hinim hiniluk welamon etno At Yesusen hurumbik arat yig nisebag-o.

1 Yohanes 2:26

Eke it aphe ninen hinindi kahaltil waharuk isalug, anden holal du bal hisihi-o.

1 Yohanes 3:23

Eke komo yig nisarukon etno ebe du at-o, At Amloho Yesus Kristus inuk fam ebebuk-o, eke At Kristusen yig nisebag etno hag, niren ninomini at misig nindi eheg, at misig nindi eheg suruk amuk-o.

1 Yohanes 4:9

Ari At Allah nit indi hunduhuk welapag halug, At Amloho misig aron ninilukep nisahiog ulug o kweanma belabik wapag.

1 Yohanes 5:10

At Allah Amloho obam ebetuk nisalug, ari ninindi famen demat ulug ebetuk ahe-o, eke At Allah Amloho obam ebetlug eleg urukon halug, At Allah-at enggaltepfuruk-o. At Allahen At Yesus ari An Namloho at-o ulug ebahon etno ebetlug eleg urukon halug, At Allah-at enggaltepfuruk-o.

1 Yohanes 5:11

Ari halug, wene yig nisarukon etno du at-o, At Allahen niniluk welamon etno og nisebag, At Amloho og nisebag halug, ari niniluk welamon etno-at og nisebag-o.

1 Yohanes 5:20

Eke At Allah Amloho etno waharuk apareg, aren Allah wene du demat yig hisaruk ahi-o ulug yangguloko yig nisebag. Wene ariroho yig nisebag halug, At Allah ninim, Amloho Yesus Kristus etno ninim ninindi hunduhuk welahe-o. Ari At Allah Ninikni-at wereg-o. Aren niniluk wilil ninitog mondog welamon etno-at og nisaruk-o. Ari demat-o, ulug nit niniluk atuk-o.