1 Yohanes 5:10 - Allah Wene Hurumbik Keron

¹⁰ At Allah Amloho obam ebetuk nisalug, ari ninindi famen demat ulug ebetuk ahe-o, eke At Allah Amloho obam ebetlug eleg urukon halug, At Allah-at enggaltepfuruk-o. At Allahen At Yesus ari An Namloho at-o ulug ebahon etno ebetlug eleg urukon halug, At Allah-at enggaltepfuruk-o.

1 Yohanes 5:10 ပူးပေါင်းရင်းမြစ်များ

Yohanes 3:16

Eke At Allahen it aphe o kweanma duma werehon epmano mondog indi hunduhuk welapag etno fam, At Amloho misig aron oke og isebag-o. Ariroho og isebag ari, it yi aphe di aphe obohen At obam ebetuk isalug, fobik waraheg eleg iniluk mondog welamon etno holawag ulug og isebag-o.

Yohanes 3:18

Ari halug, it yi aphe di aphe obohen At Allahen Amloho etno obam ebetuk isalug, oag deloko o dagma imbisahu fug-o. Eke it nin At Allah Amloho misig aron etno obam ebetuk eleg isalug, inebe arat oag deloko imbisarisi-o.

Yohanes 3:33

Eke it ninen At awene etno eberoko waruk isalug, ari fam At Allahen demat uruk-o ulug selegmaroho bukaloko yig nisaruk-o.

Yohanes 5:38

Ariroho welahep ari, At awene etno hinindimu eleg wilil, Aren lahapfik waharision etno obam ebetuk ahep fug-o.

Kisah Para Rasul 8:37

at Filipus etnowen yig ituk wilil, “Eleg-o, hat hindimu demat ulug ebetuk ahen halug, ikma belap habuk fano at-o,” ulug yig ituk apagma, at ap etnowen yig ituk wilil, “An At Yesus Kristus Allah Amloho etno demat ulug nindi ebetuk ahi-o,” ulug yig epag.

Roma 8:16

Eke At Allah Roh Kudus etno ninindimu ninim dambuksoho wilil, nit Allah udaki-at welahe-o, ulug ninim ninahla ebetuk ahe-o.

Galatia 4:1

Eke udag misig iknien angge at ebe waratuk halug holahuon etno ebe udag doron wilil, yi angge di angge holaon epmano at unde wereg oke, we anggimbu neken-at wereg-o.

Galatia 4:6

Eke hit ariroho Allah udaki atikipseg fam, At Allah Amlohoen angge Roh Kudus etno hinindimu belap hisa waharisi-o. Eke At Roh Kudus etno ninindimu wilil, “Ninikni,” ulug yig ituk-o.

Kolose 3:3

Eke hit hinindi dahon At Kristus inuk fam sohorep isarikip halug, At Kristus hinim wilil, Allah apma-at welahep-o.

Ibrani 3:12

Ari halug, hit hinindi dahon wilil, wene eberoko walug eleg-at At Allah iluk werehon etno sohorep isehe ha nowen ulug hinonggarehen hinindi aso fanoroho welamuk-o.

2 Petrus 1:19

Ariroho holtuk atukukseg, it nabien bilin hurumbik ebahon epmano ninindimu waruk ahe-o. Ninindimu waruk nisalug, hit ariroho-at waruk amuk-o. It nabi aben hurumbik ebahon epmano o seleg suon neken weregma, o hikmu seleg atuk etno ilitoho hinindimu selehap hinaptuk-o.

1 Yohanes 1:10

Eke nit ninindi fanowon-at uruk nisalug, At Allah enggal urukon neken uruk wilil, At awene senetuk ahe fug-o.

1 Yohanes 5:1

Eke nin At Yesus ari Kristus ulug wapag-o ulug inahla ebetukon halug, Allah udaki-at wereg-o. Eke ikni indi hundutuk isalug at udaki ariroho-at inindi hun inaptuk-o.

Wahyu 12:17

Ik etno amburuk atisimu, at walo etnowen hwe etno obam asine haruk wilil, at udaki etno obog war inabiug ulug larisi-o. At hwe etno udaki ari, it Allahen wene duroho suruk amuk eke duroho suruk am fug ulug ebahon etno inesanggo holtuk wilil, Yesusen yig isebahon etno eberoko warukon welatusa-o.

Wahyu 2:17

Eke hine­sanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho anduhunmu welamuhubon halug, orom manna herahoma werehon epmano og isahuk-o. Og isaruk aruhukseg, obam seberoho helep huluon etno fam ininuk keron etno inakeleg sik iniluk amag ulug wene holal baloko og isahuk-o,” ulug yig nitisi-o.

Wahyu 2:28

Minduhup isaruk aruhukseg, soholoal suon inuk wap misig etno inim-at og isahuk-o.