1 Yohanes 5:1 - Allah Wene Hurumbik Keron

¹ Eke nin At Yesus ari Kristus ulug wapag-o ulug inahla ebetukon halug, Allah udaki-at wereg-o. Eke ikni indi hundutuk isalug at udaki ariroho-at inindi hun inaptuk-o.

1 Yohanes 5:1 ပူးပေါင်းရင်းမြစ်များ

Matius 16:16

at Simon Petrus etnowen yig ituk wilil, “Hat hebe Kristus, Allah iluk werehon Amloho-at-o,” ulug yig epag.

Lukas 7:5

At ap etnowen nit obog ninabua nisaruk wilil, nit ninibam wene uruk ambeg aren fal nisarisi-o,” ulug yig ituk apagma,

Yohanes 1:3

At Allahen Wene etno sohorep isalug, wal hebag fug, inim-at wal hebag.

Yohanes 15:23

Eke it ap An inambit nearuk etno, At An Nikni etno-at inambit haruk-o.

Yohanes 3:3

Yig ituk apagma, At Yesus etnowen yig ituk wilil, “Wene demat urukon etno yig hisamin-o. Ap misig ebe birenam endag atuk eleg halug, At Allah weregma kuk ari hai-o,” ulug yig ituk apagma,

Yohanes 6:69

Wene etno nit ninindimu eberoko warukukseg, At Allah iluk mondog werehon Amloho Kristus etno Hat demat welahen ulug niniluk-o,” ulug yig epag.

Yohanes 8:42

Yig ituk apagma At Yesusen yig isaruk wilil, “Hit Hinikni At Allah welatlepmen, An nebe hinindi hunduhuk welatlep-o. Eke An nebe etno At Allah wereg ambehen ambik waharikikseg, kidia duma welahi-o. Eke An nebe ambik waharikik ari, nenggareg nindien bulug-at ambik waharikik fug-o. At Niknien-at lahap nabik waharisi-o.

Kisah Para Rasul 8:36

Yig ituk apagma, it etano kwalema laruk wilil, ik namut misig kwalema yenggelegma inilanggen haruk apareg, at ap suon etnowen Filipus yig ituk wilil, “Ik du hilanggen himin-o. Eke ik du fam an ikma belap nabuk dag buruk ahen ano?” ulug yig ituk apagma,

Kisah Para Rasul 8:37

at Filipus etnowen yig ituk wilil, “Eleg-o, hat hindimu demat ulug ebetuk ahen halug, ikma belap habuk fano at-o,” ulug yig ituk apagma, at ap etnowen yig ituk wilil, “An At Yesus Kristus Allah Amloho etno demat ulug nindi ebetuk ahi-o,” ulug yig epag.

Yakobus 1:18

Eke nit ninebe epmano At udaki manggia neken welamag ulug, Aren ahla bulug yi wene di wene demat surukon epmano yig nisaruk wilil, endag ninaptuk-o.

1 Petrus 1:3

Nomini-o, At Allah Ninowe Yesus Kristus Ikni etno wa ulug sembahyang yig ituk amuk-o. Aren nit ninabua hebareg, At Yesus Kristus iluksoho minduhupfebag etno fam, nit ninebe ketoho ninombisaharuk wereg-o.

1 Yohanes 2:10

Eke ap misihen, “Nomin du nindi-o,” ulug uruk halug, ap ari o selegma wereg-o; o selegma wereg ari, aren omin indi dahapsuruk eleg-o.

1 Yohanes 2:29

At Kristus ari-at fanoroho suruk-o. Eke niren fanoroho suruk nisalug, Allah udaki-at welahe-o. Ari ihion etno hiniluk at-o.

1 Yohanes 3:14

Nit wareg neken welatukukon oke, kidia ninilukep nisaharisi-o; eke ninomini ninindi hun inaptuk ahe arien niniluk atuk-o. Eke at misig omini indi hun inaptuk elehon halug, wareg neken wereg-o.

1 Yohanes 3:17

Ap misig aharek werehon etno omin aharek elehon etno ahmuroho suruk eleg halug, At Allah inim indi hunduko welam behep?

1 Yohanes 3:9

Eke it obog Allah udakion halug, dag suruk eleg-o. Inikni Allah ilitoho atusa halug, dag suruk inapeleg atisi-o.

1 Yohanes 4:2

It apheyen At Yesus Kristus ap inebe hag kweanma welapag, ulug uruk isalug, At Roh Kudusen inindimu yig isarukmu-at uruk-o.

1 Yohanes 4:20

Eke at misihen Allah nindi-o ulug urukon oke, omini amberak hun inaptuk halug, at ap ari enggal urukon-at wereg-o. Ap etno omini ilanggen isarision amberak hun inaptuk ari, at etnowen Allah ebe ilanggen haruk eleg wilil, keroho indi hunduhuk welaruhu-o?

1 Yohanes 4:7

Nomini-o, ninomini ninim hunduhuk welatukon etno alem Allah at-o. Ninomini ninim hunduhuk welahe halug, At Allah niniluk wilil, At udaki-at welahe-o.

1 Yohanes 5:18

It Allah udakion halug, yi dag di dag surukon etno sohorep isalug, fobik dag seheg eleg-at welamuhup-o. Eke at setanen dahap isahu fug-o. At Allah Amloho etnowen ninili waruk ari demat ulug niniluk atuk-o.

1 Yohanes 5:4

Abutseon yig nisarukon ari, ilitoho suruk wilil, eke it Allah udaki halug kweanmen sukon etno apmarepfuruk-o. Allah wene demat ulug ebetuk ahe halug, kweanmen sukon etno seberepfulug apmarepfuruk ahe-o.

1 Yohanes 5:5

Eke kweanmen sukon etno sen apmarepfuruk-o? Ari it At Yesus ari Allah Amloho at-o ulug inindi ebetukon etnowen-at kweanmen sukon etno apmarepfuruk-o.