1 Yohanes 4:7 - Allah Wene Hurumbik Keron

⁷ Nomini-o, ninomini ninim hunduhuk welatukon etno alem Allah at-o. Ninomini ninim hunduhuk welahe halug, At Allah niniluk wilil, At udaki-at welahe-o.

1 Yohanes 4:7 ပူးပေါင်းရင်းမြစ်များ

Yohanes 13:34

Ari halug, kidia wene keron neken misig yig hisamin-o. Ariroho yig hisaruk nealug, hit hit hinomini hinim hinindi hunduhuk welamuk-o. Eke Anden hit nindi hunduhuk welahi etno hag, hit hinomini hinim fanoroho hinindi hunduhuk welamuk-o.

Yohanes 17:3

Eke iniluk welamon etno og isaruk ahi ari, Hat Allah hakeleg-at suon welahenon etno inim, eke At Yesus Kristus lahap nabik waharikinon etno inim obog-at iniluk ari fam, iren iniluk welamon etno holaruk-o.

1 Korintus 8:3

Eke at ap misig indi Allah inim hunduhuk wereg halug, At Allahen ap etno iluk wereg-o.

2 Korintus 4:6

Eke amuk At Allahen uruk wilil, “O hik wereg ambeg epma seleg amag-o,” ulug ebag etno hag, kidia ninindimu Aren o seleg etno og nisaruk-o. Eke o seleg og nisarukon etno At Yesus Kristus olohotmen fisag ninaptuk wilil, At Allah etno abikag suruk wilil alon werehon-at wereg-o, ulug niniluk amag ulug yig nisaruk-o.

Galatia 4:9

Eke kidia At Allahen hit iluk wereg etno fam, hit At Allah hiniluk oke, hit keroho ulug it kwanangge inoag elehon etno farim fobik hinindi ebebuog ulug suruk ahep-o? Ariroho suruk ahep ari, hit nin fobik inim-at inanggimbu welamuog ulug suruk ahep ano?

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

2 Timotius 1:7

Ari halug, At Allahen Roh Kudus og nisarisireg fam ninakoltoho welahe fug-o; eke Aren angge Roh Kudus etnowen oag werehon etno inim eke ninindi seberohon etno inim, kelegsoho og nisaruk-o.

1 Petrus 1:22

Eke hit demat urukon wene etno waruk atikipseg, hinindi ho sarikibon epmanowen it hinomini Allah wene warukon epmano hinim hinindi hunduhuk welahep ari hinindimu mondog-at hunduhuk welamiek-o.

1 Yohanes 2:10

Eke ap misihen, “Nomin du nindi-o,” ulug uruk halug, ap ari o selegma wereg-o; o selegma wereg ari, aren omin indi dahapsuruk eleg-o.

1 Yohanes 2:29

At Kristus ari-at fanoroho suruk-o. Eke niren fanoroho suruk nisalug, Allah udaki-at welahe-o. Ari ihion etno hiniluk at-o.

1 Yohanes 2:3

Eke At Allahen komo yig nisarukon etno suruk nisalug, At udaki-at welahe-o, ulug kidia niniluk atuk-o.

1 Yohanes 2:4

Eke at misihen, At Allah niluk-o, ulug urukon oke, Allahen komo yig nisarukon etno ilitoho suruk eleg halug, ap etno enggal-at uruk-o, demat uruk eleg-o.

1 Yohanes 2:7

Nomini-o, wene yig hisihion du keron ulug yig hisihi fug-o; amuk yig hisebahon wene etno-at yig hisihi-o.

1 Yohanes 3:9

Eke it obog Allah udakion halug, dag suruk eleg-o. Inikni Allah ilitoho atusa halug, dag suruk inapeleg atisi-o.

1 Yohanes 4:11

Nomini-o, At Allah nit indi hunduhuk welapag halug, nit ninomini ninim hunduhuk welamuk-o.

1 Yohanes 4:12

It apheyen At Allah ebe hebag fug-o, eke nit ninomini ninindi ninim hunduhuk welahe halug, Allah ebe ninindimu-at wereg ari mondog ninindimu hunduhuk wereg-o.

1 Yohanes 4:16

Eke nit hag, At Allah nit indimu hunduhuk wereg etno niniluk atisimu, ninahla buruk ahe-o. At Allah it aphe indimu hunduhuk wereg-o. Weregma, omini inim hunduhuk werehon halug, Allah inindimu wilil, inim wereg-o.

1 Yohanes 4:20

Eke at misihen Allah nindi-o ulug urukon oke, omini amberak hun inaptuk halug, at ap ari enggal urukon-at wereg-o. Ap etno omini ilanggen isarision amberak hun inaptuk ari, at etnowen Allah ebe ilanggen haruk eleg wilil, keroho indi hunduhuk welaruhu-o?

1 Yohanes 4:8

Eke ninim hunduhuk welatukon etno alem Allah-at wereg halug, at misig omini ambit hun inaptukon halug, Allah obam ebetuk eleg-o.

1 Yohanes 5:1

Eke nin At Yesus ari Kristus ulug wapag-o ulug inahla ebetukon halug, Allah udaki-at wereg-o. Eke ikni indi hundutuk isalug at udaki ariroho-at inindi hun inaptuk-o.

2 Yohanes 1:5

Ari halug nahaloho-o, nit ninindi misig-at welam ari fano-o. Wene du akelehon yig hituk ahi fug-o, amuk ebahon etno-at yig hituk ahi-o.