1 Yohanes 4:6 - Allah Wene Hurumbik Keron

⁶ Nit Allah udakion halug, Allah wene-at yig isaruk ahe-o. Eke it Allah obam ebetukon halug, ninune inesanggo holtuk-o. Eke it Allah obam ebetuk elehon halug, ninune inesanggo holtuk eleg-o. Eke it kweanmonen uruk ari dahan fahan uruk halug, At Roh Kudusen demat uruk-o ulug ninindi ebetlug niniluk atuk-o.

1 Yohanes 4:6 ပူးပေါင်းရင်းမြစ်များ

Lukas 10:22

Hat Niknien An yi angge di angge obog og nitikinteg fam, Haren An Hamloho hebe hiluk-o. Eke An hamlohoen Hat Nikni hebe niluk-o. Eke An Hamloho etnowen yig isarukmu Hat hebe iniluk atuk-o,” ulug uruk apag.

Yohanes 10:16

Eke it An nanggom domba nin o werlekma lehet oko werehon epmano inim-at og inaplug waruhuk-o. Og inaplug waharuk aruhukmu, iren An nune inesanggo holtuk amuhupmu, inebe obog misigmu-at dambuksoho imbisalug, At inaso werehon etno misig-at welaruhu-o.

Yohanes 10:27

Eke it An nandomba epmano hag An nune inesanggo holtuk-o. Eke Anden inebe niluk welahi fam, iren An mug naplug laruk-o.

Yohanes 10:3

Eke at ap misig sok elma aso werehon etnowen sok hut haruk-o. Eke at ap etno kulug anggom domba epmano ininuk inakeleg sik-at wol isaruk halug, it anggom domba epmanowen at une holtuk-o. Une holtuk isalug, at etnowen og inaplug wilik waharuk-o.

Yohanes 13:20

Ariroho yig hisihireg fam, wene demat uruk amon etno yig hisamin-o, “It aphe ninen An nanggimbu lahap isa waharuk ahion epmano demat ulug heahi war inaptuk isalug, An nebe-at heahi war naptuk-o. Eke An nebe heahi war naptuk isalug, At lahap nabik waharision etno-at heahi watuk-o,” ulug yig isebag.

Yohanes 14:17

Eke it aphe kweanmon Allah wene waruk elehon epmanowen At Roh Kudus etno inilanggen haruk wilil, ebe iniluk aheg suruk eleg etno fam, At Roh Kudus etno inindimu kuruk eleg-o. Eke hit hag At ebe hiniluk welamuhup etno fam, At ebe hinindimu wilil, nintul nantul hinim welamuhup-o,” ulug yig isebag.

Yohanes 15:26

Yig isaruk apareg, eke fobik yig isaruk wilil, ‘Fobik At Roh Kudus Yalmag hinaptukon etno waruhu-o. Waharuk aruhureg, Aren wene demat uruk amon etno yanggul hisahu-o. Eke At Roh Kudus etno At Nikni inim inebe misig-at werehon oke, At Nikni wereg ambeg epmen lahapfik waharuk aruhukmu, Aren An nawene etno-at yig hisaruk aruhu-o.

Yohanes 16:13

Eke fobik At Roh Kudus wene demat uruk amon yanggul hisahuon etno waharuk aruhureg, wene demat uruk amon etno obog-at bukaloko yig hisaruk aruhu-o. Ariroho yanggul hisaruk aruhu ari, At akeleg indien bulug-at yig hisaruk aruhu fug-o. At bilin esanggo holtision etno-at yig hisaruk wilil, yiroho diroho fobik suhuon epmano yanggul hisaruk aruhu-o.

Yohanes 18:37

Yig ituk apagma, at Pilatus etnowen yig ituk wilil, “Ariroho ehen ari, Hat hebe etno it aphe nin inowe suon neken welahen hiyihi-o,” ulug yig ituk apagma, At Yesus etnowen yig ituk wilil, “Hat hebe it aphe nin Inowe suon welahen yig nerehen ari, haren-at ehen-o. Eke An nebe o kweanma duma ambik waharikikseg, endag atikik ari, wene demat uruk amon etno-at yig isiog ulug ambik waharikik-o. Eke it yi aphe di aphe wene demat uruk amon etno eberoko warukon halug, An nawene etno inesanggo holtuk-o,” ulug yig epag.

Yohanes 20:21

Inahien haruk apagma, At Yesusen fobik inim yig isaruk wilil, “Nomini wahinaniog. At An Niknien An nebe lahap nabik waharisi etno hag, Anden hit lahap hisa wahi-o,” ulug yig isaruk apareg,

Yohanes 8:19

Yig isaruk apagma, it etnowen yig ituk wilil, “Hat Hikni ari sa-o?” ulug yig ituk apagma, At Yesusen yig isaruk wilil, “Hit An Nikni inim, eke An nebe inim hinapeleg-at welahep-o. Eke hiren An nebe etno At ulug hiniluk welatlepmen, An Nikni etno inim-at hiniluk welatlep-o,” ulug yig isebag.

Yohanes 8:23

Ariroho uruk apagma, eke At Yesusen yig isaruk wilil, “Hit hinebe etno o apma kweanma dumon-at welahep-o. Eke An hag nebe boholmon-at welahi-o. Eke hit hag o kweanma dumon-at welahep-o. Eke An hag nebe o kweanma welahi fug-o.

Roma 1:1

An Paulus At Yesus Kristus anggimbu wilil, wene fano wene yig isil nuruk aruhunen ulug At Allahen wol naptisireg, minduhup naharisimu an wene du yig hisaruk ahi-o.

Roma 11:8

Alkitab wene holal baleg etnowen yig nisaruk wilil, “It epmano inindi ebebuk nowen ulug At Allahen nohorep isarisireg fam, inilanggenen haruk eleg-o, eke inesanggowen holtuk eleg-o. We amuk welapag etno ilitoho-at wereg-o,” ulug wene holal embebahon etno wereg heheg,

1 Korintus 14:37

ulug hahla buruk ahenon halug, anden wene holal bal hisihion ari fam At Allahen-at ariroho yig nisarisi ulug hinahla biuk-o.

2 Korintus 10:7

Eke hit hag yi angge di angge inahap selemon epmano-at hinilanggen haruk ahep-o. Eke at ap misihen an Kristus amloho-at welahi-o, ulug ahla burukon hinanggelegma epma misig wereg haruk ahep ano? Eke ari halug, onggarehen indi fobik inim ebetaruk amag-o. Eke at ebe Kristus amloho wereg etno hag, nit At Kristus udaki-at welahe-o.

2 Tesalonika 1:8

Ambik wamuhupseg, it inahondok eral ambulpulon etno fam it Allah inapelehon epmano o dagma imbisahup-o. Ariroho imbisahup ari, it At Ninowe Yesus awene fano wene inesanggo holuk inamberakon epmano inim-at nintul nantul o hondok olok inaruk aruhu ambeg epma welamag ulug imbisahup-o.

1 Timotius 4:1

At Roh Kudusen duroho ulug bukaloko yig nisaruk-o, eke fobik it ap ninen Allah wene demat urukon etno seberoho umbulug, it setanen inenggal wene urukon etno yanggul isaruk amuhup-o.

2 Petrus 3:2

Eke amuk it nabi aben Allah wene ebahon etno inim, eke Ninowe dil ninaptukon omini inune fam komo yig hisebahon epmano inim obog-at hinahla ebebukag ulug holal du bal hisihi-o.

1 Yohanes 4:1

Nomini-o, it obohen Roh Kudus nindimu wereg-o, ulug urukon halug, hiren demat uruk-o, ulug hinindimu ebebuk fug-o. Inaren balepfulug, ap ari demat Roh Kudus indimu wereg-o, ulug uk fano-o. Iren Roh Kudus og nitisi-o ulug inenggal urukon etno o ahik ya da epmano wilip atusa-o.

1 Yohanes 4:4

Eke hit hag Allah udaki-at welahep-o. It inenggal urukon epmano hinapmarep isarikip-o. Ari Roh Kudus hinindimu werehon etno oag wereg halug, yi angge di angge kweanmen urukon epmano seberepfirisi-o.

1 Yohanes 4:8

Eke ninim hunduhuk welatukon etno alem Allah-at wereg halug, at misig omini ambit hun inaptukon halug, Allah obam ebetuk eleg-o.

1 Yohanes 5:19

Yi angge di angge kweanmon at setan etnowen sen inaptukon-at oke, eke nit halug, ninebe Allahen angge-at welahe ari, demat ulug niniluk atuk-o.

Yudas 1:17

Nomini-o, eke misig du yig hisamin-o. At Ninowe Yesus Kristus etnowen omini mondep isebahon epmanowen hurumbik ebahon etno hinindi ebetuk amiek-o.