1 Yohanes 4:4 - Allah Wene Hurumbik Keron

⁴ Eke hit hag Allah udaki-at welahep-o. It inenggal urukon epmano hinapmarep isarikip-o. Ari Roh Kudus hinindimu werehon etno oag wereg halug, yi angge di angge kweanmen urukon epmano seberepfirisi-o.

1 Yohanes 4:4 ပူးပေါင်းရင်းမြစ်များ

Yohanes 12:31

Eke kidia it aphe kweanmon oag deloko imbisawon etno arat fanggog uruk-o. Ariroho fanggog uruk wilil, at iblis o kweanma duma inikni suon neken welapahon etno oag elehepfukon etno inim arat fanggog uruk-o.

Yohanes 14:30

Eke kidia hag, wene atog inim yig hisamin fug-o. At iblis, o kweanma duma inikni suon neken werehon etno arat waharuk-o. At ebe etno arat waharuk ari, aren An seberep nahaku fug-o.

Yohanes 16:11

Eke alem At Allahen inoag deloko imbisawon etno yanggul isahu ari, at iblis o kweanma inikni suon neken welatision etno arat oag deloko imbirisi-o ulug yanggul isahu-o.

Yohanes 17:23

Eke Hat An ninim welahe etno hag, An it ninim wereg nealug it obog inebe misig-at welamag ulug yig hirihi-o. Eke ariroho wereg isalug, it aphe kweanmon epmanowen inahla buruk wilil, At Allahen Amloho indi hunduhuk welatisi etno hag, udaki obog indi hunduhuk wereg-o. Eke At Yesus ari Allahen demat lahabik waharisi-o, ulug inahla buruk wilil iniluk amag ulug yig hirihi-o Nikni.

Roma 8:31

Eke yi wene di wene yig hiseheon epmano ninahla buruk wilil, keroho uruk am-o? Eke At Allah etno nit ninim wereg nisalug, at sen ninim healeg welam-o?

Roma 8:37

Eke At nit ninebe indi hunduhuk wereg heheg, alem misihen heal ninabuhu fug ulug demat niniluk welahe-o.

1 Korintus 2:12

Eke At Allah indi hunduhuken og nisebahon etno niniluk amag ulug, nit it ap kweanmon inahurangge epmanowen og nisebag fug-o. At Roh Kudus belap nisa wapahon etnowen-at og nisebag-o.

1 Korintus 6:13

Eke ninaharom ari nit ninahum fam welamon ulug wereg-o. Eke ninahum ari ninaharom yonggatukon-at wereg-o. Ariroho wereg oke, eke fobik At Allahen ninaharom inim, ninahum inim ebe elehapsuhu-o. Eke ninebe etno hwe ap uhweon surukon ulug wereg eleg-o. Eke nit ninebe an At Ninowe inuk suon etno apma neken-at welahe-o. Eke Ninowe inuk suon ari nit ninebe ninake-at wereg-o.

2 Korintus 4:4

Eke it ariroho urukon epmano-at o kweanma duma inowe dahon etnowen o hikmu neken imbisaruk halug, iren wene fano wene du demat ulug inindi ebetuk eleg-o. Eke wene fano wene arien At Kristus Allah olohore ilitoho werehon etno-at suon wereg ulug yig nisaruk ari, o seleg neken wereg-o. Eke o seleg etno it aphe demat ulug ebetuk elehon epmanowen inilanggen ha nowen ulug at setanen o hikmu neken imbisaruk-o.

2 Korintus 6:16

Eke At Allah ibam etno kwanangge umbuk ari hai-o. Eke nit hag, At Allah ilukon etno ibam neken welahe-o. Eke At Allahen bilin yig isaruk wilil, “It wereg ambeg epma nibam falsaruk aruhukseg, inanggelegma ninim welamuhuk-o. Eke iren Ninikni Allah yig nituk isalug, it inebe An nudaki-at welamuhup-o,” ulug yig isaruk apareg, eke fobik yig isaruk wilil,

Efesus 2:2

Eke it kweanmonen suruk etno hag dag suruk wilil, it dag surukon inahurangge une etno hinesanggo holtikip-o. Eke it inowe ari kidia it aphe Allah wene holtuk elehon epmano inowe-at wereg-o.

Efesus 3:17

eke At Kristus obam ebetuk hisalug, At ebe hinindimu welaheg suruk amag ulug an sembahyang uruk ahi-o.

Efesus 6:10

Eke wene atog misig yig hisamin-o. We At Ninowe etnowen oag werehon etno og hisaruk halug, hit hinoag weregsoho welamuhup-o.

1 Yohanes 2:1

Eke dag surukon etno sohorep isaruk amuhuben ulug, holal du bal hisihi-o, nudaki. Eke at misihen dag suruk halug, At Yesus Kristus Ikni Allah olohotma ninake urukon wereg-o.

1 Yohanes 2:13

Niknisi-o, hit At o amuk welapareg, kidia werehon etno inuk fam, anden holal du bal hisihi-o. Nomini-o, hit elege wilil, iblis dahon etno apmarepfirikip ari famen, anden holal du bal hisihi-o.

1 Yohanes 3:20

Eke ninindi oag eleg neken wilil, seneni ebetuk nisalug, At Allah yi angge di angge obog iluk-o, ulug yonggonoko neken yig sao.

1 Yohanes 3:24

Eke At Allahen wene duroho suruk amuk eke duroho suruk am fug ulug yig nisebahon etno ilitoho suruk nisalug, At Allah ninindimu wilil, ninim welahe-o. Eke At Roh Kudus og nisarision etnowen yig nisarukmu, At Allah ninindimu wereg etno niniluk-o.

1 Yohanes 4:13

Eke At Allah ninindimu wereg etno alem du at-o, Aren Roh Kudus etno og nisebag-o.

1 Yohanes 4:16

Eke nit hag, At Allah nit indimu hunduhuk wereg etno niniluk atisimu, ninahla buruk ahe-o. At Allah it aphe indimu hunduhuk wereg-o. Weregma, omini inim hunduhuk werehon halug, Allah inindimu wilil, inim wereg-o.

1 Yohanes 4:6

Nit Allah udakion halug, Allah wene-at yig isaruk ahe-o. Eke it Allah obam ebetukon halug, ninune inesanggo holtuk-o. Eke it Allah obam ebetuk elehon halug, ninune inesanggo holtuk eleg-o. Eke it kweanmonen uruk ari dahan fahan uruk halug, At Roh Kudusen demat uruk-o ulug ninindi ebetlug niniluk atuk-o.

1 Yohanes 5:19

Yi angge di angge kweanmon at setan etnowen sen inaptukon-at oke, eke nit halug, ninebe Allahen angge-at welahe ari, demat ulug niniluk atuk-o.

1 Yohanes 5:4

Abutseon yig nisarukon ari, ilitoho suruk wilil, eke it Allah udaki halug kweanmen sukon etno apmarepfuruk-o. Allah wene demat ulug ebetuk ahe halug, kweanmen sukon etno seberepfulug apmarepfuruk ahe-o.

Wahyu 12:11

Eke At Wam Domba Udag etnowen amep inake delfag halug, it ninomini epmanowen at setan etno seberepfehesa-o. Eke it epmanowen wene demat urukon etno yig isaruk wi­lil, nit waram fano at-o, ulug uruk atusa-o.