1 Yohanes 4:3 - Allah Wene Hurumbik Keron

³ Ariroho yig hisarukmu, hiniluk aruhu-o. Eke iren At Yesus Kristus kweanma wapag fug ulug uruk isalug, at antikristus At Kristus inim healeg werehon etnowen-at yig isarukmu uruk-o. At antikristus o kweanma waruhu, ulug yig hisaruson etno, kidia arat waruhu-o.

1 Yohanes 4:3 ပူးပေါင်းရင်းမြစ်များ

Matius 24:5

Fobik it ap anggolo at waharuk amuhupseg, An ninuk fam yig hisaruk wilil, ‘An nebe Kristus-at welahi-o,’ ulug yig hisaruk amuhupmu, it aphe obog demat ulug inindi ebebuhup-o.

1 Yohanes 2:18

Nomini-o, yi angge di angge eleg atukon etno fanggog uruk-o. Eke at antikristus, ari Kristus inim healeg werehon etno, waruhu ulug hinesanggo holtuk atikip etno hag, kidia antikristus inebe anggolo atusa-o. Anggolo atusa famen, yi angge di angge eleg amon etno fanggog uruk ulug niniluk atuk-o.

1 Yohanes 2:22

Ari halug, ap sen enggal-at uruk ano? It, At Yesus Kristus ebe eleg-o, ulug ariroho urukon etnowen-at inenggal uruk-o. Eke At Allah etno, Amloho inim inawene inenggal neken uruk, ulug ariroho urukon halug, ininuk antikristus at-o.

2 Yohanes 1:7

Eke alem misig du inim-at yig hituk ahi-o. Ari At Yesus Kristus aphe inebe hahon o kweanma wapag fug-o, ulug aphe inindi kahalik wamag ulug it inenggal urukon inebe anggolo atusareg wereg-o. Inindi kahalik wamuog ulug o duma waharusareg wereg-o. Ari aphe inindi kahaltukon halug, at antikristus, Kristus inim healeg werehon etno-at waharisireg wereg-o.