1 Yohanes 4:20 - Allah Wene Hurumbik Keron

²⁰ Eke at misihen Allah nindi-o ulug urukon oke, omini amberak hun inaptuk halug, at ap ari enggal urukon-at wereg-o. Ap etno omini ilanggen isarision amberak hun inaptuk ari, at etnowen Allah ebe ilanggen haruk eleg wilil, keroho indi hunduhuk welaruhu-o?

1 Yohanes 4:20 ပူးပေါင်းရင်းမြစ်များ

Yohanes 13:35

Ariroho wereg hisalug, it aphe obohen it ap du Yesus omini-at isehe-o, ulug yig hisaruk amuhup-o,” ulug yig isebag.

1 Petrus 1:8

Eke At Yesus Kristus etno hinilanggen harikip fug oke, hinindimu hinim hunduhuk welahep-o. Eke At etno hinilanggen haruk ahep fug oke, At obam ebetuk ahep-o. Ariroho welahep ari, hinindi hinahien suon haruk wilil,

1 Yohanes 1:6

Nit halug, Allah ninim dambuksoho welahe-o, ulug uruk aheon oke, o hikmu neken laruk nisalug, ninune fam ninenggal neken uruk wilil, ninindien dagsoho suruk ahe-o.

1 Yohanes 1:8

Eke nit ninindi dahon eleg-o uruk nisalug, ninenggal neken uruk wilil, demat uruk ahe fug-o.

1 Yohanes 2:11

Eke ap misihen, “Nomin du nambit buruk ahi-o,” ulug urukon halug, o hikmu-at wilil, kema lahuk ulug apelegsoho wereg-o. O hikmu wilil, ilanggen buhap sik waharuk-o.

1 Yohanes 2:4

Eke at misihen, At Allah niluk-o, ulug urukon oke, Allahen komo yig nisarukon etno ilitoho suruk eleg halug, ap etno enggal-at uruk-o, demat uruk eleg-o.

1 Yohanes 2:9

Eke at ap misihen, “An o selegma-at welahi-o,” ulug urukon oke, eke “Nomin du nambit hundutuk ahi-o,” ulug uruk halug, kidia ap etno o hikmu-at wereg-o.

1 Yohanes 3:17

Ap misig aharek werehon etno omin aharek elehon etno ahmuroho suruk eleg halug, At Allah inim indi hunduko welam behep?

1 Yohanes 4:12

It apheyen At Allah ebe hebag fug-o, eke nit ninomini ninindi ninim hunduhuk welahe halug, Allah ebe ninindimu-at wereg ari mondog ninindimu hunduhuk wereg-o.