Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Yohanes 4:2 - Allah Wene Hurumbik Keron

2 It apheyen At Yesus Kristus ap inebe hag kweanma welapag, ulug uruk isalug, At Roh Kudusen inindimu yig isarukmu-at uruk-o.

အခန်းကိုကြည့်ပါ။ ကော်ပီ




1 Yohanes 4:2
10 ပူးပေါင်းရင်းမြစ်များ  

Eke At Wene etno ebe ap-at endag atuk apareg, aphe obog ninahla sil nuruk wilil, At ebe suon-at welapag etno fam, sukfugangge seheg, eke ninabua seheg, eke demat urukon wene etno yig niseheg surukmu ninilanggen haruk soag-o. Ariroho haruk soag ari, Ikni Allah Amloho misig-at welapag etno ebe suon-at welapag-o.


Eke ari halug, at ap misig Roh Kudus etno indimu wilil, aren At Yesus ebe homali neken umburuk eleg-o. Eke at ap misihen, “At Yesus an Nowe at-o” ulug urukon ari, At Roh Kudus etnowen-at yig itukmu uruk-o.


Eke wene herahowon ninindi ebetlug nit obog uruk aheon etno du at-o, At ebe ap kweanmon neken-at selegma apag-o. Eke At Roh Kudus etnowen ap du demat ulug yig epag-o. Eke it malaikat epmanowen inilanggen hebag-o. Eke At awene etno o ahik ya da yig isa wilip apag-o. Eke o ahik ya da it aphe epmanowen At demat-o ulug inahla buruk apag-o. Eke At ebe o selegma anduhunmu epma imbik lahabag-o, ulug ninindi ebetuk ahe-o.


Wene etno selegma atisimu harukuk-o. Harukuk halug, kidia uruk ahe-o. Eke hit yig hisarukukon ari, wene niniluk welamon wene etno At Allah Ninikni inim itog mondog welapagma, fobik selegmaroho yig nisebag-o.


Eke ap misihen, At Allah Amloho ebe eleg hihi-o, urukon halug, Ikni Allah ariroho-at ebe eleg ulug uruk-o. Eke ap misihen Allah Amloho indimu ebetukon halug, Ikni Allah ariroho-at ebetuk-o.


Eke it apheyen At Yesus ari Allah Amloho at-o, ulug eberoko urukon halug, Allah inindimu-at wilil, inim wereg-o.


Ariroho yig hisarukmu, hiniluk aruhu-o. Eke iren At Yesus Kristus kweanma wapag fug ulug uruk isalug, at antikristus At Kristus inim healeg werehon etnowen-at yig isarukmu uruk-o. At antikristus o kweanma waruhu, ulug yig hisaruson etno, kidia arat waruhu-o.


Eke nin At Yesus ari Kristus ulug wapag-o ulug inahla ebetukon halug, Allah udaki-at wereg-o. Eke ikni indi hundutuk isalug at udaki ariroho-at inindi hun inaptuk-o.


Eke alem misig du inim-at yig hituk ahi-o. Ari At Yesus Kristus aphe inebe hahon o kweanma wapag fug-o, ulug aphe inindi kahalik wamag ulug it inenggal urukon inebe anggolo atusareg wereg-o. Inindi kahalik wamuog ulug o duma waharusareg wereg-o. Ari aphe inindi kahaltukon halug, at antikristus, Kristus inim healeg werehon etno-at waharisireg wereg-o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ