1 Yohanes 4:10 - Allah Wene Hurumbik Keron

¹⁰ Eke bilin nit Allah ninindi hunduhuk welatuk sowag fug. Aren nit indi hunduhuk wilil Amloho belap nisa wapag. Ari niren dag suruk aheon etno apma seberoho umbukag ulug belap nisa wapag.

1 Yohanes 4:10 ပူးပေါင်းရင်းမြစ်များ

Yohanes 13:34

Ari halug, kidia wene keron neken misig yig hisamin-o. Ariroho yig hisaruk nealug, hit hit hinomini hinim hinindi hunduhuk welamuk-o. Eke Anden hit nindi hunduhuk welahi etno hag, hit hinomini hinim fanoroho hinindi hunduhuk welamuk-o.

Yohanes 15:16

Eke An nebe hiren imig naptikip fug-o. Hit hag anggen fanowon itog mondog welamon yihikeg, eke o ahik ya da epmano yig isil laheg suruk amag ulug Anden imig hinaptikik-o. Eke hit An ninuk fam At Nikni etno ambeg ariroho simihin ulug kino yig ituk hisalug, Aren suhu at-o.

Yohanes 3:16

Eke At Allahen it aphe o kweanma duma werehon epmano mondog indi hunduhuk welapag etno fam, At Amloho misig aron oke og isebag-o. Ariroho og isebag ari, it yi aphe di aphe obohen At obam ebetuk isalug, fobik waraheg eleg iniluk mondog welamon etno holawag ulug og isebag-o.

Yohanes 6:51

Eke orom iniluk inaptukon boholmen ambik waharision etno ari An at-o. Eke orom roti iniluk inaptukon etno naruk isalug, iniluk mondog welamuhup-o. Eke orom roti Anden og isahukon ari, it yi aphe di aphe kweanmon obog-at iniluk welamag ulug An nebe etno-at og isahuk-o,” ulug yig isebag.

Ibrani 2:17

Eke ariroho inilioko imbisiog ulug wapareg fam, it apheyen dag surukon sohorep isiog ulug, At Allah unde inuk suon neken wilil, apheyen At obam ebebukag ulug fanoroho yig iseheg, eke inabua seheg suruk ariog ulug, At omini ilitoho-at inambeg waharuk apareg, suruk apag-o.

1 Petrus 2:24

Eke At Kristus niren dag suruk atukukon epmano omalo fam walug e fam lenggaloko embebag etno niren dahon sohorep isalug fanowon-at suruk amag ulug embebag-o. Eke it epmanowen At ebe ele suon wapag etno fam, hinebe fano atikip-o.

1 Petrus 3:18

Eke At Kristus obabut mondog fanowon-at oke, hit dahon hinake-at warapag-o. Hiren dag suruk atikibon epmano hinapelegsoho At Allah apma imbisawag ulug warapag-o. At ebe wapahon oke, fobik iluksoho minduhupfebag.

1 Yohanes 2:2

At Kristus etno motoho-at sebag etno fam, dag suruk aheon epmano ninapelegsoho ninombisaharuk-o, eke it aphe obohen dag surukon epmano inim-at inapelegsoho imbisaruk-o.

1 Yohanes 3:1

Wa nomini, ninikni ninim hunduko ninombisaharisi etno eberiek-o. Eke nit ninebe Allah udaki ulug nininuk soal ninaptisi-o. It kweanmen ebetukon Allah inapeleg halug, nit Allah udaki welaheon epmano ariroho-at inapeleg-o.

1 Yohanes 4:19

Bilin nit ninebe At Allah indi hunduhuk welapareg fam, eke ninim hunduhuk welahe-o.

1 Yohanes 5:11

Ari halug, wene yig nisarukon etno du at-o, At Allahen niniluk welamon etno og nisebag, At Amloho og nisebag halug, ari niniluk welamon etno-at og nisebag-o.