1 Yohanes 4:1 - Allah Wene Hurumbik Keron

¹ Nomini-o, it obohen Roh Kudus nindimu wereg-o, ulug urukon halug, hiren demat uruk-o, ulug hinindimu ebebuk fug-o. Inaren balepfulug, ap ari demat Roh Kudus indimu wereg-o, ulug uk fano-o. Iren Roh Kudus og nitisi-o ulug inenggal urukon etno o ahik ya da epmano wilip atusa-o.

1 Yohanes 4:1 ပူးပေါင်းရင်းမြစ်များ

Markus 13:21

ulug yig isaruk apareg, eke fobik yig isaruk wilil, ‘Ariroho suhu heheg, hit ap du At Kristus-at bikharuk amiek-o,’ ulug yig hisaruk halug, hiren ari eleg-o ulug hinindimu ebetuk amuk-o.

Lukas 12:57

At Yesusen yig isaruk wili, “Eke hit hinonggarehen fanoroho suhuken ulug hinahla buruk ahep fug ari, keroho ulug suruk ahep-o?

Lukas 21:8

Yig ituk apagma, eke At Yesusen yig isaruk wilil, “Ariroho ehebon oke, hit it ninen wene inenggal-at yig hisarukon epmano hinindi eberehep ha nowen, hinonggarehen fanoroho hinindi aso welamuk-o. Fobik it aphe anggolo-at waharuk amuhupseg, An ninuk fam yig hisaruk wilil, ‘An nebe Kristus-at welahi-o,’ eke nin, ‘At Allahen suhu ulug hurumbik ebahon etno kidia arat suruk-o,’ ulug yig hisahubon oke, hinesanggo holuk fug-o.

Kisah Para Rasul 17:11

Kurusareg, wene yig isaruk atusama, it Tesalonika aben wene inambit urusa etno hag surusa fug. It wene etno inesanggo fanoroho holtuk wilil, At Paulusen demat yig nisehek ano? ulug iniluk amag ulug Alkitab etno nintul nantul wane suruk atusa.

Kisah Para Rasul 20:29

Eke fobik an sohorep hisahalug lahukmu, it aphe nin wam eli neken hinindi kahaluog ulug hinambeg wamuhupseg, it aphe Allah udakion epmano inindi kahalik wamuhup-o.

1 Korintus 12:10

Eke at ap misig it apheyen suk haion epmano suruk amag ulug og ituk-o. Ap misig Allah wene indimu waluhen yig isaruk amag ulug og ituk-o. Eke ap misig it aphe yi angge di angge surukon epmano du fanowon du dahon ulug oag del inaptuk amag ulug og ituk-o. Eke at ap misig aphe inune unggut inapelehon epmano uruk amag ulug og ituk-o. Eke at ap misig aphe inune unggut mirlaloko yanggul isaruk amag ulug og ituk-o.

1 Korintus 14:29

Eke it Allah wene inindimuen walug yig isarukon epmano, it biren henahanen uruk iseheg, it ninen keroho uruk ulug inesanggo holtuk amag-o.

1 Tesalonika 5:20

Eke it aben Allah wene yig hisamin ulug demat uruk halug, ninambit uk fug-o.

1 Tesalonika 5:21

Eke yi angge di angge surukon etno obog-at inaren balepfulug fanowon halug seneg welamuk-o.

2 Tesalonika 2:2

Eke At Ninowe etno arat waharisi-o, ulug ariroho hinindi dahan fahan ebebuk nowen ulug yig hisihi-o. Eke At Ninowe arat waharisi-o, ulug ap misihen aren-at irisi ano, eke Allah wene neken yig hisarisi ano, eke at Paulusen ariroho holal imbirisi ulug yig hisarisi ano? Eke at ap misihen enggal-at wene yig hisaruk ahi ulug hinindi kahaluk nowen ulug yig hisihi-o.

1 Timotius 4:1

At Roh Kudusen duroho ulug bukaloko yig nisaruk-o, eke fobik it ap ninen Allah wene demat urukon etno seberoho umbulug, it setanen inenggal wene urukon etno yanggul isaruk amuhup-o.

2 Timotius 3:13

Eke it dag surukon etno inim, eke it inenggal urukon etno inim, dag mondog suruk wilil welamuhup-o; ariroho wilil, iren aphe inindi kahalik waheg, eke it apheyen it inindi kahalik laheg suruk amuhup-o.

2 Petrus 2:1

Nomini-o, amuk nabi ap inenggal ebahon it aphe inenggal neken yig isebag etno hag, it inenggal urukon epmano hinambeg watlug yig hisa wamuhup-o. Yig hisa wamuhupseg, wene inenggal uruk wilil, At Ninowe seberepfuruk amuhupseg, inonggareg inebe-at suontepatahup-o.

1 Yohanes 2:18

Nomini-o, yi angge di angge eleg atukon etno fanggog uruk-o. Eke at antikristus, ari Kristus inim healeg werehon etno, waruhu ulug hinesanggo holtuk atikip etno hag, kidia antikristus inebe anggolo atusa-o. Anggolo atusa famen, yi angge di angge eleg amon etno fanggog uruk ulug niniluk atuk-o.

1 Yohanes 2:7

Nomini-o, wene yig hisihion du keron ulug yig hisihi fug-o; amuk yig hisebahon wene etno-at yig hisihi-o.

2 Yohanes 1:7

Eke alem misig du inim-at yig hituk ahi-o. Ari At Yesus Kristus aphe inebe hahon o kweanma wapag fug-o, ulug aphe inindi kahalik wamag ulug it inenggal urukon inebe anggolo atusareg wereg-o. Inindi kahalik wamuog ulug o duma waharusareg wereg-o. Ari aphe inindi kahaltukon halug, at antikristus, Kristus inim healeg werehon etno-at waharisireg wereg-o.

3 Yohanes 1:11

Nomin-o, it dag sil nurukon epmano inahengga senebuk fug-o. Fano sil nurukon epmano halug, inahengga seneriuk-o. Fanoroho surukon halug At Allahen angge-at wereg-o. Dag surukon halug, At Allah apeleg-at wereg-o.

Wahyu 2:2

hiren suruk atikibon epmano inim, eke yabuk anggolo sirikibon epmano inim, eke hinindi oag weregsoho welatikibon epmano inim, obogsoho An niluk-o. Eke hiren it ap dag surukon hinambit isaruk ahebon epmano inim, eke it ninen An Yesusen mondep nahabahon-at welahi-o, ulug yamin­tal-at urukmu, hiren ap du Yesusen mondep nahabag uruk du eng­gal-at uruk-o, ulug inaren baltikibon epmano inim, An niluk-o.