1 Yohanes 3:5 - Allah Wene Hurumbik Keron

⁵ Eke At Kristus mondog dag sebag fuhon oke, nit dag suruk aheon epmano ninapelegsoho apma ninombisahukag ulug kweanma ambik wapag-o.

1 Yohanes 3:5 ပူးပေါင်းရင်းမြစ်များ

Matius 1:21

Eke udag ebe endetuk halug, inuk Yesus-at soaluhun-o. Eke it apheyen dag surukon elegsoho apma imbisalug inili wahu halug, inuk ari-at soaluhun-o.

Lukas 23:41

nit biren hag dag surukuk etno fam onggo ulug e fam lenggaloko ninombisahakesa-o. Eke At ap du hag dag sirisi fuhon oke, e fam lenggaloko embehesa-o,” ulug yig ituk apareg,

Lukas 23:47

Waratukmu it ap sehen seneg werehon inowe suon etno obog-at ilanggen haruk apareg, At Allah inuk suontepfuruk wilil, “At ap du demat fanowon welaha-o,” ulug uruk apag.

Yohanes 1:29

Ikma belap isebareg, noholug ilikia at Yohanesen Yesus etno at ambeg waharukmu ilanggen haruk apareg, yig isaruk wilil, “Nit aphe o kweanma duma dag suruk nisalug, ninobam ninapelegsoho apma ninombisahukag ulug At Allahen anggom domba neken og nisarision etno ebe du at-o.

Yohanes 1:31

Eke an At ebe ap sa ulug napeleg wilil, it Israel aphe epmanowen ebe iniluk amag ulug ikma belap hinabik waharikik-o,” ulug yig isebag.

Yohanes 14:30

Eke kidia hag, wene atog inim yig hisamin fug-o. At iblis, o kweanma duma inikni suon neken werehon etno arat waharuk-o. At ebe etno arat waharuk ari, aren An seberep nahaku fug-o.

Yohanes 8:46

Eke An nebe hat dag du sirikin ulug hat sen nobam denggeluhun-o? Ari eleg-o. Anden wene demat uruk amon etno-at yig hisaruk ahion oke, hit keroho ulug nobam ebetuk ahep fug-o?

2 Korintus 5:21

Eke At Kristus etno dag mondog sebag fuhon oke, niren dag suruk atukukon epmano At obam embebareg fam, alem niren dag suruk atukukon ninobam welatision epmano arat elehepfirisimu At Kristus ninim dambuksoho At Allah il fam welahe-o.

1 Timotius 1:15

Eke it aphe obohen eberoko wawag ulug, wene du demat yig hituk ahi-o, At Kristus Yesus etno it aphe dag surukon epmano fano inabiog ulug o kweanma duma wapag-o.

1 Timotius 3:16

Eke wene herahowon ninindi ebetlug nit obog uruk aheon etno du at-o, At ebe ap kweanmon neken-at selegma apag-o. Eke At Roh Kudus etnowen ap du demat ulug yig epag-o. Eke it malaikat epmanowen inilanggen hebag-o. Eke At awene etno o ahik ya da yig isa wilip apag-o. Eke o ahik ya da it aphe epmanowen At demat-o ulug inahla buruk apag-o. Eke At ebe o selegma anduhunmu epma imbik lahabag-o, ulug ninindi ebetuk ahe-o.

Titus 2:14

Nit yi dag di dag suruk aheon epmano onggo baloko ninili weheg, eke it fano mondog suk ulug inahla ebetukon epmano At udaki obog-at welamag ulug ho ninabeheg sukag ulug ninake og nisebag-o.

Ibrani 1:3

Ariroho wal hebag ari, At Allah boholma suon wereg etno hag, At Amloho ilitoho-at wereg-o. Eke At Allah indi ebetuk etno hag, At Amloho ariroho-at ebetuk-o. Ariroho ebetuk wilil, At une oag werehon etno fam o kweanma duma aso wereg-o. Eke Aren nit o kweanma dumen suruk atukukon epmano ho ninaptuk apareg, Allah suon boholma werehon etno inggik bikit fil horie ik lahabag-o.

Ibrani 4:15

Eke At Ninowe Allah unde suon etnowen nit ninoag elegsoho suruk aheon epmano ahmu nisaruk wereg-o. Ariroho wereg ari, nit ninindi kahalik waharuk etno hag, At indi kahalik wapahon oke, At dag sebag fug-o.

Ibrani 7:26

Ari halug, Ninowe Allah unde suon fanoroho ninaso werehon etno ari At Yesus at-o. Eke At ebe etno obabut akeleg neken-at wilil, dahan fahan seheg, dag seheg suruk eleg-o. Ariroho wereg ari, At ebe etno it aphe dag surukon inanggelegmen akelegma-at imbiog ulug, o boholma anduhunmu etlema imbik lahabag-o.

Ibrani 9:26

o kweanma duma alem bilin wal hebag etno famen dahon etno obam umburukmu, nintul nantul-at waratlep-o. Ariroho selebon oke, kidia o ebe elehap sukon etno fanggog uruk heheg, At ebe etno misihim-at waharuk apareg, it apheyen dag surukon epmano elehap siog ulug At ebe misihim-at Allah ake ombatebag-o.

Ibrani 9:28

Ariroho suruk etno ilitoho, At Kristus nit yi aphe di aphe obohen dag suruk aheon epmano elehap sukag ulug misihim-At Allah ake waroko embebag-o. Ariroho waroko embebag etno fam, fobik misihim waruhu ari, niren dag suruk aheon elehap siog ulug waruhu fug-o. Nit At wamon aso welaheon epmano ninili wiog ulug-at waruhu-o.

1 Petrus 1:18

Eke it hiniknisien dag surukon epmano yig hisarukmu suruk atikibon etno hinapelegsoho hinombisahukag ulug onggo embebag etno hit hiniluk-o. Eke onggo etno emas, perak fobik eleg atukon epmano ilitoho embebag fug-o.

1 Petrus 1:20

At Kristus etno hit hinake-at oag deloko umburuk apareg, fobik kweanma belabik wapag.

1 Petrus 2:22

At Kristus etno mondog dag seheg eleg wilil, enggal wene uruk apag fug-o. Eke inune dahon obam yig epahon oke Aren une dahon it inobam yig isebag fug-o.

1 Petrus 2:24

Eke At Kristus niren dag suruk atukukon epmano omalo fam walug e fam lenggaloko embebag etno niren dahon sohorep isalug fanowon-at suruk amag ulug embebag-o. Eke it epmanowen At ebe ele suon wapag etno fam, hinebe fano atikip-o.

1 Petrus 3:18

Eke At Kristus obabut mondog fanowon-at oke, hit dahon hinake-at warapag-o. Hiren dag suruk atikibon epmano hinapelegsoho At Allah apma imbisawag ulug warapag-o. At ebe wapahon oke, fobik iluksoho minduhupfebag.

1 Yohanes 1:2

Wene etno selegma atisimu harukuk-o. Harukuk halug, kidia uruk ahe-o. Eke hit yig hisarukukon ari, wene niniluk welamon wene etno At Allah Ninikni inim itog mondog welapagma, fobik selegmaroho yig nisebag-o.

1 Yohanes 1:7

At Allah weregsoho o selegma laruk nisalug, ninomini obog ninim dambuksoho welahe-o. Ariroho weregma, eke ninindi dahon At Yesus Allah Amloho amep fam ho ninaptuk-o.

1 Yohanes 2:1

Eke dag surukon etno sohorep isaruk amuhuben ulug, holal du bal hisihi-o, nudaki. Eke at misihen dag suruk halug, At Yesus Kristus Ikni Allah olohotma ninake urukon wereg-o.

1 Yohanes 2:2

At Kristus etno motoho-at sebag etno fam, dag suruk aheon epmano ninapelegsoho ninombisaharuk-o, eke it aphe obohen dag surukon epmano inim-at inapelegsoho imbisaruk-o.

1 Yohanes 2:29

At Kristus ari-at fanoroho suruk-o. Eke niren fanoroho suruk nisalug, Allah udaki-at welahe-o. Ari ihion etno hiniluk at-o.

1 Yohanes 3:8

Eke at misig nintul nantul dag surukon halug, at iblisen angge-at wereg-o. At iblis halug, dag surukon ari itog-at wereg-o. Eke at iblisen surukon etno eleg amag ulug At Yesus, Allah Amloho kweanma wapag-o.

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.