1 Yohanes 3:4 - Allah Wene Hurumbik Keron

⁴ At misig obabut dahon halug, At Allahen komo yig nisarukon etno sahaltuk-o. Dag surukon ari, At Allah une sahaltukon at-o.

1 Yohanes 3:4 ပူးပေါင်းရင်းမြစ်များ

Matius 5:19

Eke wene duroho suruk amuk eke duroho suruk am fug ulug ebahon etno alem misig sohorep isalug aphe ariroho-at yanggul isarukon halug, boholma Allah weregmen At inuk dorontepfuhu-o. Eke wene duroho suruk amuk eke duroho suruk am fug ebahon etno ilitoho seheg, aphe fanoro­ho yanggul iseheg suruk halug, boholma Allah weregmen At inuk suontepfu­hu-o.

Kisah Para Rasul 23:3

at Paulus etnowen yig ituk wilil, “Hat hebe hahap fanowon oke, hindi dahon du, fobik At Allahen mondog-at howaruhu-o. Eke haren wene duroho suruk amuk eke duroho suruk am fug ulug ebahon etno fam naren baliog ulug suruk ahenon oke, eke wene duroho suruk amuk eke duroho suruk am fug ulug ebahon etno sohorep isalug, nowabukag ulug yig isaruk ahen-o,” ulug yig ituk atisimu,

Roma 3:20

Eke wene duroho suruk amuk eke duroho suruk am fug ulug ebahon etno ilitoho suruk ari fam ap misig At Allah il fam alem dahon obam werehon epmano elehepfuhu fug-o. Eke wene duroho suruk amuk eke duroho suruk am fug ulug ebahon etnowen it aphe obog dag suruk-o, ulug bukaloko yig nisaruk-o.

Roma 4:15

Eke wene duroho suruk amuk eke duroho suruk am fug ulug ebahon etno wereg halug, At Allah asine inobam umburuk-o. Eke komo wene yig isebahon etno eleg halug, alem dahan fahan suruk amon etno inim-at eleg atuk-o.

2 Korintus 12:21

Eke an fobik hinambeg waruhukseg fam At Allahen hit hinanggelegma epmen seberep nahaku ari nambit-o. Eke it ap nin hinanggelegma werehon epmano bilin dag suruk wilil, wanggik seheg, eke dahan fahan seheg suruk atuson epmano sohorep iseheg eleg-at wereg isalug an ioba yaruhuk ari nambit-o.

Yakobus 5:15

Uruk amuhupmu, demat ulug inindi ebetuk isalug, At Ninowe etnowen ap etno fano suhu-o, fano suruk aruhureg, ap etnowen dag surukon epmano sohorep isalug, obam apelegsoho apma umbuhu-o.

1 Yohanes 5:17

Yi dag di dag surukon epmano nomin ari dag suruk-o ulug hinahla buruk atlug, Allah Nikni-o, an nominen dag surukon epmano apelegsoho hapma imbin-o, ulug uruk amuk-o.