1 Yohanes 3:3 - Allah Wene Hurumbik Keron

³ Eke At Kristus waruhuon obabut fano etno hag, At ebe hag amuhuken ninobabut fanoroho welamuk-o.

1 Yohanes 3:3 ပူးပေါင်းရင်းမြစ်များ

Matius 5:48

Ari halug, hit Hinik­ni boholma werehon etnowen fano­won-at suruk etno hag, hiren mondog fano­won-at suruk amuk-o,” ulug yig isebag.

Lukas 6:36

Eke At Allahen it inindi elehon inim, it dag surukon inim-at inabua isaruk etno hit hiniluk-o. Ari halug, At Hiniknien inabua isaruk etno hag, hiren ariroho-at inabua isaruk amiek-o,” ulug At Yesusen yig isebag.

Yohanes 17:19

Eke it inebe epmano Hat hudaki demat welamag ulug An nebe etno it inake nonggarehen fuloko ombataruk ahi-o.

Kisah Para Rasul 15:9

Eke it epmano nit ninim ilitoho welamag ulug ninombisaharisimu, it epmano At awene eberoko waruk atusama, iren dag suruson epmano inapelegsoho apma imbisarisi-o.

Roma 15:12

eke fobik at Yesaya etnowen yig nisaruk wilil, “At Isai etamu misig etno lahik waharuk aruhumu, it ap bilin Allah wene inapeleg welatuson epmano Inowe welamag ulug minduhupfuhu-o. Minduhupfuruk aruhumu, it epmanowen Aren fano ninabuhu-o ulug inahla buhup-o,” ulug wene holal embebag-o.

2 Korintus 7:1

Eke ari fam, nit ninebe inim, ninindi inim sabele neken denggelepatehe ha nowen ulug ninonggarehen ho saruk amuk-o. Eke ariroho suruk wilil, At Allah ninakoltoho ninobabut fano mondog welamuhuken ulug suruk amuk-o.

Kolose 1:5

Eke hit o amuken wene fano wene hinesanggo holtikipseg fam, boholmen fano ninabuhu-o, ulug hinindi ebetuk wilil, demat ulug uruk ahep-o.

2 Tesalonika 2:16

Eke At Ninowe Yesus Kristus etno inim, eke At Ninikni Allah indi hunduhuken ninabua nisaruk wilil, niniluk welamon etno inim, eke fano ninabuhu-o, ulug ninindi ebetuk aheon etno inim og nisarision etnowen, hinindi yonggon hinabeheg, eke hinune inim, hineyabuk inim fanoroho suruk amag ulug hinoag werehep hisahakeg sukag ulug yig hisihi-o.

Titus 3:7

Eke At Yesusen nit ninonggo baltisireg fam, At Allah ninim dambul atukukseg, niniluk welamon etno og nisa­hu-o ulug ninindi ebetuk wilil, niniluk welamon etno huluog ulug suruk ahe-o, ulug wene ari demat yig hirihi-o.

Ibrani 12:14

Eke hit it yi aphe di aphe obog hinim dambuksoho welamuhuben hinobabut fanoroho-at suruk amuk-o. Hinobabut fanoroho suruk amuhup fug halug, At Ninowe etno hinilanggen hahup fug-o.

Ibrani 6:18

Ariroho yig isebag etno hag, Aren hurumbik urukon etno inim, eke At inuk fam urukon etno inim yig nisaruk halug, At Allahen enggal-at ulug imbisahu fug-o. Ari halug, nit At Allahen ninili wawag ulug obam ebetuk aheon etno ninindi oag weregsoho wilil, Aren og hisahuk ulug yig nisebahon etno aso welahe-o.

Ibrani 7:26

Ari halug, Ninowe Allah unde suon fanoroho ninaso werehon etno ari At Yesus at-o. Eke At ebe etno obabut akeleg neken-at wilil, dahan fahan seheg, dag seheg suruk eleg-o. Ariroho wereg ari, At ebe etno it aphe dag surukon inanggelegmen akelegma-at imbiog ulug, o boholma anduhunmu etlema imbik lahabag-o.

Yakobus 4:8

Eke hit hinebe At Allah hinim welamuog ulug ambeg horogsoho laruk amiek-o. Hit dag suruk ahebon halug, hininggik sabele ho simiek-o. Eke hit hinune hinenggal-at uruk ahebon halug, sohorep isaruk amiek-o.

1 Petrus 1:15

Eke At Allah wol hisarision etno akeleg neken fanowon-at wereg etno ilitoho, hit ariroho-at hinakeleg neken fanoroho welamiek-o.

1 Petrus 1:3

Nomini-o, At Allah Ninowe Yesus Kristus Ikni etno wa ulug sembahyang yig ituk amuk-o. Aren nit ninabua hebareg, At Yesus Kristus iluksoho minduhupfebag etno fam, nit ninebe ketoho ninombisaharuk wereg-o.

2 Petrus 1:4

Eke At Allahen, yi angge di angge fanowon og hisahuk, ulug bilin yig nisarision etno holaruk amuhukseg, ninobabut dahon kweanmon etno sohorep isalug, hinindi keron-at holahuk-o.

2 Petrus 3:14

Ari halug nomini-o, At waruhuon etno aso wilil suruk aheon etno At Allahen ilanggen nisalug ninaren baltuk weregma, hit hinobabut fanoroho suruk wilil, hinim dambulig welamiek-o.

1 Yohanes 2:6

Eke Allah ninim welahe-o, ulug uruk halug, At Yesus Kristus etnowen sebag etno ilitoho suk fano-o.

1 Yohanes 4:17

Eke At Kristus aphe indimu hunduhuk welapag etno hag o kweanma niniluk wilil suruk nisalug, fobik aphe oag del inaptuk wilil, hit fanoroho welatikip ano ulug yig nisahumu, niren ninakol elegsoho-at yig imuhuk-o. Ninakol elegsoho-at yig imuhuken ulug, ninomini ninindi hunduhuk welamuk-o.