1 Yohanes 3:2 - Allah Wene Hurumbik Keron

² Nomini-o, nit Allah udaki welaheon-at oke, fobik keroho welamuhuk ulug nit awan niniluk atuk ahe fug-o. Eke At Kristus etno obam ebetuk amuhupmu, At ebe hag amuhuk-o. At etno waruhumu, ebe demat hahuk-o.

1 Yohanes 3:2 ပူးပေါင်းရင်းမြစ်များ

Matius 5:8

Eke hit hinindi fanoroho werehon halug, wa. At Allah ebe hinilanggen hahup-o.

Lukas 17:30

Eke ariroho sebag etno hag, fobik An Allahen minduhup naharision etno waruhuk ari sambit ariroho-at suhup-o.

Lukas 20:36

Inebe malaikat ilitoho wilil, waraheg eleg iniluk mondog welamuhup-o. Eke At Allahen it aphe warehon wereg ambeg epmanowen obog-at iniluksoho minduhup isahu halug, At udaki-at welamuhup-o.

Yohanes 1:12

It ap ninen ariroho At obam ebetuk eleg iseheg, it nin epmano hag At obam eberoko waruk apag. Eberoko waruk apagma, At etnowen hit At Allah udaki-at welamag ulug deloko hinombi saharuk ahi-o, ulug yig isebag.

Yohanes 11:52

It Allah udaki o kweanma duma o ahik ya da werehon obog-at dambuksoho imbisawon epmano inake wararuhu ulug hurumbik yig isebag.

Yohanes 17:24

Eke Haren it inebe etno og nitikinteg fam, it inebe An wereg ambeg epma ninim welam nindi-o. It inebe epma wilil, Haren suontep naharuk ahenon etno inilanggen hahup-o. Eke Haren o kweanma duma awan wal haruk eleg wilil, An nobam hindi hunduhuk welahenag-o Nikni.

Roma 8:16

Eke At Allah Roh Kudus etno ninindimu ninim dambuksoho wilil, nit Allah udaki-at welahe-o, ulug ninim ninahla ebetuk ahe-o.

Roma 8:18

Eke kidia alem dahon ninobam umburukon ari hag doron-at-o, eke fobik suontep nisahuon etno hag mondog suon at-o, ulug nahla buruk ahi-o.

Roma 8:19

Eke yi angge di angge wal hebahon epmano inolohore boholma lahaboho neken wilil, At Allahen udaki suontep isawon etno aso wereg-o.

Roma 8:29

Eke At Allahen bilin it aphe nin inebe iluk apareg, fobik fuloko imbisebag-o. Eke fuloko imbisebag ari, inebe At Amloho etno ilitoho welamag ulug fuloko imbisebag-o. Eke it Allah udaki etno inebe anggolo oke, Amloho manggia hag Inowe etno-at welamag ulug fuloko embebag-o.

1 Korintus 13:12

Eke nit kidia wukahi etno fam ninahut o hikmu neken haruk aheon oke, fobik o ari sambit ebe ninilanggen hahuk-o. Eke kidia hag dorat niniluk atuk aheon oke, fobik o ari sambit At Allahen an nebe kiroho iluk welapag etno hag an kiroho niluk aruhuk-o.

1 Korintus 15:49

Eke nit hag at kweanmon etno ahut holaruk ahe etno hag, fobik At boholmon ahut etno holahuk-o.

1 Korintus 2:9

Eke wene misig du Alkitab fam weregma yig nisaruk wilil, “It aben inilanggen haruk apag fuhon etno inim eke inesanggo holtuk apag fuhon etno inim eke inindi ebetuk apag fuhon etno inim, At Allahen nit aphe At obam hinindi hunduhuk welaheon etno og nisiog ulug dugsoho ninombisahabag-o.”

2 Korintus 3:18

Eke ari halug, hit obog ninolohore sum sambunteg elehon neken wilil, At Ninowe suon abikag suruk wilil alon werehon etno wukahi fam haruk etno hag ninilanggen haruk ahe-o. Eke At Roh Kudus etnowen nit ninebe At Ninowe etno ilitoho seg amag ulug suontep nisaharuk wereg-o.

2 Korintus 4:17

Eke kidia nanggog atuk wilil, ninahap dag atuk aheon dorat welamuhukseg, fobik ninitog mondog wilil ninebe suon fano mondog welamuhuk-o.

Galatia 3:26

Eke At Kristus hinim wilil obam ebetuk ahep etno fam At Allah udaki-at welahep-o.

Galatia 4:6

Eke hit ariroho Allah udaki atikipseg fam, At Allah Amlohoen angge Roh Kudus etno hinindimu belap hisa waharisi-o. Eke At Roh Kudus etno ninindimu wilil, “Ninikni,” ulug yig ituk-o.

Filipi 3:21

Eke Aren nit ninebe waratuk aheon olohore nintoho seko umbulug, At ebe fanowon itog mondog werehon etno-at ilitoho seko ninombisahaku-o. Eke Aren yi angge di angge obog at apmarepatarukon halug, at oag wereg etno fam ninebe ketoho ninombisahaku-o.

Kolose 3:4

Eke At Kristus hit hinim welahep etno fam, At ebe suon etno waharuk aruhumu, At hinim hinoag weregsoho hinombisahaku-o.

Ibrani 9:28

Ariroho suruk etno ilitoho, At Kristus nit yi aphe di aphe obohen dag suruk aheon epmano elehap sukag ulug misihim-At Allah ake waroko embebag-o. Ariroho waroko embebag etno fam, fobik misihim waruhu ari, niren dag suruk aheon elehap siog ulug waruhu fug-o. Nit At wamon aso welaheon epmano ninili wiog ulug-at waruhu-o.

2 Petrus 1:4

Eke At Allahen, yi angge di angge fanowon og hisahuk, ulug bilin yig nisarision etno holaruk amuhukseg, ninobabut dahon kweanmon etno sohorep isalug, hinindi keron-at holahuk-o.

1 Yohanes 2:28

At Yesus-at inim welam fano. Eke At fobik waruhumu, ninenggali elegsoho unda yatuk wilil, Ninowe-o, ulug heahi wabuhuk-o.

1 Yohanes 2:7

Nomini-o, wene yig hisihion du keron ulug yig hisihi fug-o; amuk yig hisebahon wene etno-at yig hisihi-o.

1 Yohanes 3:1

Wa nomini, ninikni ninim hunduko ninombisaharisi etno eberiek-o. Eke nit ninebe Allah udaki ulug nininuk soal ninaptisi-o. It kweanmen ebetukon Allah inapeleg halug, nit Allah udaki welaheon epmano ariroho-at inapeleg-o.

1 Yohanes 3:10

Eke it Allah udakion inim, it iblis udakion inim surukon ari ilit eleg-o. It mot mot suruk elehon, inomini inambit isarukon halug ari, Allah udaki fug-o.

1 Yohanes 3:21

Ninindi seneni ebetuk eleg wilil, ninindi oag weregsoho Allah ninim welamuk-o.

1 Yohanes 5:1

Eke nin At Yesus ari Kristus ulug wapag-o ulug inahla ebetukon halug, Allah udaki-at wereg-o. Eke ikni indi hundutuk isalug at udaki ariroho-at inindi hun inaptuk-o.

Wahyu 2:28

Minduhup isaruk aruhukseg, soholoal suon inuk wap misig etno inim-at og isahuk-o.

Wahyu 22:4

Ariroho wilil, iren At olohore inil hahup-o. Eke At inuk etno inilahoag fam holal baloko weregma,