1 Yohanes 3:16 - Allah Wene Hurumbik Keron

¹⁶ Eke At Kristus nit ninake warapag etno niniluk-o. Nit halug, nit ninomini inake inili wa fano-o.

1 Yohanes 3:16 ပူးပေါင်းရင်းမြစ်များ

Matius 20:28

Eke An Allahen minduhup naharision etno hag, it aphe nanggimbu neken wilil napma seberoho imbisiog ulug waharikik fug-o. An nebe etno it aphe inanggimbu wilil inilioko inake wararuhuken ulug waharikik-o,” ulug yig isebag.

Yohanes 10:11

Eke at wam domba fanoroho inaso werehon etno An at-o. Eke at wam domba fanoroho inaso werehon etno ebe anggom domba etno inake waram fano ulug ahla buruk-o.

Yohanes 13:34

Ari halug, kidia wene keron neken misig yig hisamin-o. Ariroho yig hisaruk nealug, hit hit hinomini hinim hinindi hunduhuk welamuk-o. Eke Anden hit nindi hunduhuk welahi etno hag, hit hinomini hinim fanoroho hinindi hunduhuk welamuk-o.

Yohanes 3:16

Eke At Allahen it aphe o kweanma duma werehon epmano mondog indi hunduhuk welapag etno fam, At Amloho misig aron oke og isebag-o. Ariroho og isebag ari, it yi aphe di aphe obohen At obam ebetuk isalug, fobik waraheg eleg iniluk mondog welamon etno holawag ulug og isebag-o.

Kisah Para Rasul 20:28

Eke hinonggarehen hinindi aso welahep etno hag, At Roh Kudusen aphe inaso welamag ulug minduhup hisaharision etno aphe inaso fanoroho welamuk-o. At Allah Amloho waratisi etno fam At udaki heako imbisarision epmano inaso fanoroho welamuk-o.

Roma 16:4

It epmano ap ninen war inabukon inahlahiroho wilil, an nili wuog ulug surusa ari fam wa ulug yig isaruk ahi-o. Ariroho heahi war inaptuk ahi ari, an nakelehen-at suruk ahi eleg-o. It Allah udaki Allah wene bilin inapeleg welatuson epmanowen inim-at heahi war inaptuk-o.

Roma 5:8

eke At Kristus nit dag suruk nisalug, ninake warapag ari, At Allah ninebe mondog indi hunduhuk wereg ulug selegma apag-o.

2 Korintus 4:12

Eke ari halug, nit hag waramon ulug welaheon oke, hit hag hiniluk amon ulug welahep-o.

Efesus 5:2

Eke At Kristus nit ninobam indi hunduhuk welapag etno hag, hit hit hinindi hunduhuk welamuk-o. Eke At Kristus ari nit ninake warariog ulug onggarehen imig saruk wilil, At Allah ahien hawag ulug At ebe fanowon etno Allah ake atisi-o.

Efesus 5:25

Eke At Kristus etno At udaki indi hunduhuk welapag etno hag, hit aben hinuhwesi hinindi hunduhuk welamuk-o. Eke At Kristus ari At udaki inake warapareg fam,

Filipi 2:17

Eke an neyabuk atog neken hit hinake Allah wene yig hisaruk atikikon epmano At Allah il fam eberoko waruk ahep-o. Eke fobik atog neken an namep etno hit hinake del atuk halug ari fano at-o. Ariroho suruk aruhukseg, nahien hahuk-o.

Filipi 2:30

Eke hiren an yalmag naplebon oke, hit hinebe yatma werehen at Epafroditus etnowen yalmag nabiog ulug suruk wilil, at waramon ahlahiroho welatisi etno fam, at Kristus eyabuk suruk wilil, horog warariog ulug sirisi-o.

1 Tesalonika 2:8

Eke hit hinobam ninindi hunduhuk wilil, wene fanowon At Allahen yig nisarukon etno yig hiseheg, eke o dumen waram ari fano at-o ulug ninahla beheg suruk wilil, mondog-at hinobam ninindi hunduhuk welatukuk-o, nomini.

Titus 2:13

Eke nit ninindi ninahientoho wilil, At Allah suon, Ninowe Yesus Kristus ninili warukon etno At ebe suon wamon etno aso wereg niseheg yanggul nisaruk-o.

1 Petrus 1:18

Eke it hiniknisien dag surukon epmano yig hisarukmu suruk atikibon etno hinapelegsoho hinombisahukag ulug onggo embebag etno hit hiniluk-o. Eke onggo etno emas, perak fobik eleg atukon epmano ilitoho embebag fug-o.

1 Petrus 2:24

Eke At Kristus niren dag suruk atukukon epmano omalo fam walug e fam lenggaloko embebag etno niren dahon sohorep isalug fanowon-at suruk amag ulug embebag-o. Eke it epmanowen At ebe ele suon wapag etno fam, hinebe fano atikip-o.

1 Petrus 3:18

Eke At Kristus obabut mondog fanowon-at oke, hit dahon hinake-at warapag-o. Hiren dag suruk atikibon epmano hinapelegsoho At Allah apma imbisawag ulug warapag-o. At ebe wapahon oke, fobik iluksoho minduhupfebag.

1 Yohanes 2:6

Eke Allah ninim welahe-o, ulug uruk halug, At Yesus Kristus etnowen sebag etno ilitoho suk fano-o.

1 Yohanes 2:9

Eke at ap misihen, “An o selegma-at welahi-o,” ulug urukon oke, eke “Nomin du nambit hundutuk ahi-o,” ulug uruk halug, kidia ap etno o hikmu-at wereg-o.

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.

Wahyu 5:9

Ininggikmu senetuk atusareg, di keron misig uruk wilil, “Hat hag holal baleg etno walug, hele homahowon etno yumbuk suk hoag wereg-o. Hat hebe howatuk apagma, aphe inake waratuk senareg fam, o ahik ya da inune inakeleg sik urukon inim, inungguluag dombog yi aphe di aphe obog inim At Allah og umon in­onggo baliog ulug amburuk senag-o.