1 Yohanes 3:12 - Allah Wene Hurumbik Keron

¹² At Kain etnowen sebag etno hag suk fug-o. At Kain iblis amloho etnowen, ot Habel wapag ari, nongge farim wapag-o? Ari at Kain obabut dahon weregma, eke ot Habel obabut fano sebag arien wapag-o.

1 Yohanes 3:12 ပူးပေါင်းရင်းမြစ်များ

Matius 13:19

I angge kwalema kililtil lebag etno hag, it ap At Allah weregmen sukon wene etno inesanggo holtukon oke, eberoko weheg eleg-at weregma, at iblis dahon etno waharuk wilil, wene inindimu werehon lisoko waruk-o.

Matius 13:38

Eke eyabukmu yapag ambeg etno hag o kweanma duma-at wereg-o; eke i angge fanowon yapahon etno hag it Allah udaki-at wereg-o,” ulug yig isaruk apareg, eke fobik yig isaruk wilil, “Eke hohol i yapahon etno hag, it iblis udaki etno-at wereg-o.

Matius 23:35

Ariroho suruk amuhup ari fam, it yi ap di ap dag suruk eleg iseheg war inapahon epmano inonggo hit-at war hinabuhu-o. Ariroho suhu ari, alem at Habel dag suruk eleg heheg warepfebahon etno famen, atog at Zakharia, Berekhya amloho o Allah ibam honggoleg, eke At Allah ake umburuk ambeg honggolegma bulmuen watikibon etno fam it inonggo hit war hinabuhu-o.

Matius 27:23

Yig ituk apagma, eke at Pilatus etnowen yig isaruk wilil, “At ap duen nongge dag sirisimu ehep-o?” ulug yig isaruk apagma, eke it obohen inune oag weregsoho uruk wilil, “Eleg-o, ebe o fam lenggalepfulug warin-o,” ulug yig epag.

Matius 5:37

Eke ari halug, hit yu-o ulug hinambilik famen uhupseg, ariroho-at su­hup-o. Eke eleg-o ulug hi­nambilik famen uhupseg, ari­ro­ho-at suhup-o. Eke it ninen yi angge di angge ininuk fam urukon ari, alem iblisen yig isarukmu-at uruk-o,” ulug yig isebag.

Lukas 11:51

Eke bilin at Habel wapahon etno alem neken weregma, eke enggabuk neken at Zakharia etno wam domba Allah ake embeheg, eke wene eheg suruk ambeg bulmuen warepfebahon etno fam it obog inonggo hit kidia welahebon du war hinabuhu-o,” ulug yig isaruk apareg,

Yohanes 10:32

Waruk apagma, At Yesusen yig isaruk wilil, “At An Nikni etnowen ariroho sukag ulug yig nepareg fam, yi yabuk di yabuk fanowon epmano obog-at hinil fam suruk atikikon oke, eke alem fanowon misig keroho sirikikmu helep fam nowabuog ulug suruk ahep-o,” ulug yig isebag.

Yohanes 8:40

Ariroho selebon oke, Anden wene demat uruk amon At Allahen yig nitision etno-at yig hisaruk nealug, hiren nowabuog ulug suruk ahep-o. Eke at Abraham ari ilitoho sebag fug oke,

Yohanes 8:41

eke hit hiniknien sebahon etno-at ilitoho suruk ahep-o,” ulug yig isebag. Yig isaruk apagma, it etnowen yig ituk wilil, “Nit ninebe ari wanggik udag neken welahe fug-o. Nit obog Ninikni ari At Allah misig-at wereg-o,” ulug yig epag.

Kisah Para Rasul 7:52

Eke it nabi ap epmano hit hinetamuki Allah wene yig isa waharuk apagma, iren muko wilip iseheg, inebe warep iseheg sebag-o. Eke it nabi ap epmano bilin, ‘Allah anggimbu fanowon waruhu,’ ulug hurumbik yig isaruk heheg oke, dahon etno-at inobam embebag. Eke fobik At hinili warukon ari Allah anggimbu fanowon etno hiren senoko watikip-o.

1 Tesalonika 2:14

Eke it Allah udaki At Yesus awene waruk wilil, o Yudea werehon epmano dahon inobam umburusa etno hag, hit ariroho-at dahon hinobam umburusa-o. Eke it hinominien dahon hinobam umburusa etno hag, it Yahudion it Yahudi aben dahon inobam umburusa-o.

Ibrani 11:4

Eke at Habel etno indimu demat ulug ebetuk wilil, Allah ake fanowon epmano umburuk apagma, At Allahen Kainen embebahon epmano sohorep isalug, at Habelen embebahon epmano waruk wilil, ap du hag obabut fano wilil embehek-o ulug ahien hebag. Eke at Habel etno ebe amuk warapahon oke, Aren indi demat ulug ebepahon etnowen yig nisaruk-o.

Ibrani 12:24

Eke misig, At Yesusen wene hurumbik keron yig nisaruk wilil, At Allah ninim dambuksoho ninombisahabahon etno inim, eke At amep deloko embebahon etno inim wereg ambeg waharikip-o. Ariroho waharikibon oke, at Habel amep etnowen wene dahon-at yig hisaruk heheg, At Yesus amep etnowen hag wene fanowon-at yig hisaruk-o.

1 Petrus 4:4

It Allah wene waruk elehon epmanowen ari keroho suruk ahep-o, ulug yig hisaruk wilil, hinobam denggeltuk-o.

1 Yohanes 3:8

Eke at misig nintul nantul dag surukon halug, at iblisen angge-at wereg-o. At iblis halug, dag surukon ari itog-at wereg-o. Eke at iblisen surukon etno eleg amag ulug At Yesus, Allah Amloho kweanma wapag-o.

Yudas 1:11

It ap epmano at Kain onggalem etno-at laruk-o. Eke alem uang etno fam at Bileam sebag etno hag suruk-o. It ap epmano at Korah uwa ebagma wapag etno hag war inabuhu-o.

Wahyu 17:6

Eke nin at hwe etnowen At Allah udaki inim, eke At Yesus une waru­kon epmano inim anggolo war inaptisireg inamep at inggikmu weregma harikik-o. Ariroho weregma haruk atikikseg, nakol hari­kik-o. Nakol haruk neyeheg, at malaikat etnowen yig nituk wi­lil,