1 Yohanes 2:7 - Allah Wene Hurumbik Keron

⁷ Nomini-o, wene yig hisihion du keron ulug yig hisihi fug-o; amuk yig hisebahon wene etno-at yig hisihi-o.

1 Yohanes 2:7 ပူးပေါင်းရင်းမြစ်များ

Matius 5:43

Yig isaruk apareg, eke fobik At Yesusen yig isaruk wilil, “Iren amuk yig isaruk wilil, ‘Hinomini hinindi hunduhuk welamuk-o, eke ap selion halug hinamberak isao fano-o,’

Yohanes 13:34

Ari halug, kidia wene keron neken misig yig hisamin-o. Ariroho yig hisaruk nealug, hit hit hinomini hinim hinindi hunduhuk welamuk-o. Eke Anden hit nindi hunduhuk welahi etno hag, hit hinomini hinim fanoroho hinindi hunduhuk welamuk-o.

Kisah Para Rasul 17:19

Yig ituk atusareg, at Paulus etno walug, o sili suon inuk Areopagus etno imbik waharuk atusareg, yig ituk wilil,

Ibrani 6:9

hit hag hinindi oag weregsoho welahep ari, nit niniluk-o, nomini. Eke hit hinebe hinili wawag ulug at ahien fanoroho hinobam umburuk ari niniluk-o.

1 Yohanes 2:24

Ari halug, bilin yig hisebahon etno-at hinindimu ebeberiuk-o. Ebetuk hisalug, At Yesus Ikni Allah hinim dambuksoho welamuhup-o.

1 Yohanes 3:11

Eke ninomini at misihen nindi eheg, at misihen nindi eheg nit sukag ulug, wene etno amuken yig nisebag-o.

1 Yohanes 3:2

Nomini-o, nit Allah udaki welaheon-at oke, fobik keroho welamuhuk ulug nit awan niniluk atuk ahe fug-o. Eke At Kristus etno obam ebetuk amuhupmu, At ebe hag amuhuk-o. At etno waruhumu, ebe demat hahuk-o.

1 Yohanes 3:21

Ninindi seneni ebetuk eleg wilil, ninindi oag weregsoho Allah ninim welamuk-o.

1 Yohanes 3:23

Eke komo yig nisarukon etno ebe du at-o, At Amloho Yesus Kristus inuk fam ebebuk-o, eke At Kristusen yig nisebag etno hag, niren ninomini at misig nindi eheg, at misig nindi eheg suruk amuk-o.

1 Yohanes 4:1

Nomini-o, it obohen Roh Kudus nindimu wereg-o, ulug urukon halug, hiren demat uruk-o, ulug hinindimu ebebuk fug-o. Inaren balepfulug, ap ari demat Roh Kudus indimu wereg-o, ulug uk fano-o. Iren Roh Kudus og nitisi-o ulug inenggal urukon etno o ahik ya da epmano wilip atusa-o.

1 Yohanes 4:11

Nomini-o, At Allah nit indi hunduhuk welapag halug, nit ninomini ninim hunduhuk welamuk-o.

1 Yohanes 4:21

Ari halug, At Kristusen komo yig nisarukon etno du at-o, “Allah ninindi hunduhuk welahe halug, ninomini ariroho-at ninindi hunduhuk welamuk-o,” ulug At Kristusen yig nisarukon etno ebetuk amuk-o.

1 Yohanes 4:7

Nomini-o, ninomini ninim hunduhuk welatukon etno alem Allah at-o. Ninomini ninim hunduhuk welahe halug, At Allah niniluk wilil, At udaki-at welahe-o.