Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Yohanes 2:5 - Allah Wene Hurumbik Keron

5 Eke at mondog Allah inim hunduhuk wilil surukon etno Aren komo yig nisarukon etno fanoroho suruk-o. Ari fam At Allah ninim welahe-o, ulug niniluk atuk-o.

အခန်းကိုကြည့်ပါ။ ကော်ပီ




1 Yohanes 2:5
32 ပူးပေါင်းရင်းမြစ်များ  

At Yesusen yig ituk wilil, “Eleg-o, it Allah wene inesanggo holtug ilitoho surukon ari it-at fano wereg-o,” ulug esanggo wapag.


Eke it aphe An nawene eberoko walug, ilitoho surukon epmano An nobam inindi hunduhuk wereg-o. Eke it An nobam inindi hunduhuk werehon epmano An Niknien inobam indi hunduhuk wereg-o. Eke Anden inim-at inobam nindi hunduhuk wilil, nawene etno obog-at bukaloko yig isahuk-o,” ulug yig isebag.


At Yesusen yig ituk wilil, “It yi aphe di aphe An nobam inindi hunduhuk werehon epmanowen An nawene etno inesanggo holtuk wilil, ilitoho-at suruk amuhup-o. Ariroho suruk isalug, An Nikni etnowen it inobam indi hunduhuk wilil, An ninim inambeg waharuk amuhukseg, ninim mondog welamuhuk-o.


Eke An e anggur alem neken welahi-o. Eke hit e inggik etno ilitoho welahep-o. Eke hit An ninim hunduhuk wereg hisalug, alem ari famen hit anggen anggolo yihikup-o. Eke An ninim hunduhuk eleg hisalug, yi angge di angge fanoroho sukon epmano hai aruhu-o.


Eke it yi aphe di aphe epmanowen namep nenggeg, nebe nenggeg suruk wilil, inebe iniluk-at An nindimu wereg etno hag, An nebe niluk-at it inindimu welahi-o.


Eke ari halug, it At Kristus Yesus inim werehon epmano onggo o dagma imbisahu fug-o.


Eke At Allahen hit Kristus Yesus hinim dambuksoho hinombisaharisi-o. Eke At Kristus etno inuk fam ninindi yi angge di angge iniluk atukon epmano-at og nisarisi-o. Eke nit ninebe At Allah ninim dambule nisahakeg, eke nit At Allah udaki welamag ulug heako ninombisahakeg, eke ninebe ninili weheg suruk amag ulug At Allahen Amloho Yesus etno nit ninake belabik wapag-o.


Eke ari halug, ap misig At Kristus inim werehon ari ket wal sehon neken wereg-o, eke amukon etno arat eleg atisireg, ket wal sehon etno-at wereg-o.


Eke At Kristus etno dag mondog sebag fuhon oke, niren dag suruk atukukon epmano At obam embebareg fam, alem niren dag suruk atukukon ninobam welatision epmano arat elehepfirisimu At Kristus ninim dambuksoho At Allah il fam welahe-o.


Eke at Abraham ariroho waruk wilil, Allah wene weheg, eke ilitoho seheg suruk apag etno fam, alem neken Allah wene waruk apareg wilil, enggabuk neken ilitoho sebag-o, ulug aren ariroho sebahon etno fam yig nisaruk-o.


Eke At Allahen wene duroho suruk amuk eke duroho suruk am fug ulug yig nisebahon etno ilitoho suruk nisalug, At Allah ninindimu wilil, ninim welahe-o. Eke At Roh Kudus og nisarision etnowen yig nisarukmu, At Allah ninindimu wereg etno niniluk-o.


Eke At Kristus aphe indimu hunduhuk welapag etno hag o kweanma niniluk wilil suruk nisalug, fobik aphe oag del inaptuk wilil, hit fanoroho welatikip ano ulug yig nisahumu, niren ninakol elegsoho-at yig imuhuk-o. Ninakol elegsoho-at yig imuhuken ulug, ninomini ninindi hunduhuk welamuk-o.


Ninim hunduhuk wereg nisalug, ninakol elegsoho-at welahe-o. Eke it we dorat inomini inindimu hunduhuk werehon halug, inakoltoho-at wereg ari, fobik onggo kerohon og nisahu-o ulug inahla buruk wilil, inakoltoho wereg-o.


Eke it Allah udaki ninindi hunduhuk welahe ari, At Allah ninindi hunduhuk wilil, komo yig nisarukon etno-at suruk ahe-o.


Eke At Allah Amloho etno waharuk apareg, aren Allah wene du demat yig hisaruk ahi-o ulug yangguloko yig nisebag. Wene ariroho yig nisebag halug, At Allah ninim, Amloho Yesus Kristus etno ninim ninindi hunduhuk welahe-o. Ari At Allah Ninikni-at wereg-o. Aren niniluk wilil ninitog mondog welamon etno-at og nisaruk-o. Ari demat-o, ulug nit niniluk atuk-o.


Nit ninindi misig-at welamuk-o, ulug yig nisebahon ari, At Allahen yig nisarukon etno-at suruk amuk-o. Ariroho suruk amuk yig nisebahon etno wene ebe du at-o, nit ninindi misig-at wilil, ninomini obog-at ninindi hunduhuk welamuk-o.


Ik etno amburuk atisimu, at walo etnowen hwe etno obam asine haruk wilil, at udaki etno obog war inabiug ulug larisi-o. At hwe etno udaki ari, it Allahen wene duroho suruk amuk eke duroho suruk am fug ulug ebahon etno inesanggo holtuk wilil, Yesusen yig isebahon etno eberoko warukon welatusa-o.


Ariroho uruk atisimu, it Allah udaki epmano inim, eke it Allahen ebahon eberoko warukon epmano inim, eke At Yesusen yig isebahon inahla burukon epmano inim, it epmano inindi oag weregsoho-at welamag ulug irisi-o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ