1 Yohanes 2:24 - Allah Wene Hurumbik Keron

²⁴ Ari halug, bilin yig hisebahon etno-at hinindimu ebeberiuk-o. Ebetuk hisalug, At Yesus Ikni Allah hinim dambuksoho welamuhup-o.

1 Yohanes 2:24 ပူးပေါင်းရင်းမြစ်များ

Lukas 1:2

Yig isil nurukmu, it ninen holal umburusa-o nomin.

Lukas 9:44

“Hit Anden yig hisaminon etno hinapeleg am fug-o. An Allahen minduhup naharision it aphe ininggiken senoko og naplug laruk amuhup-o,”

Yohanes 14:23

At Yesusen yig ituk wilil, “It yi aphe di aphe An nobam inindi hunduhuk werehon epmanowen An nawene etno inesanggo holtuk wilil, ilitoho-at suruk amuhup-o. Ariroho suruk isalug, An Nikni etnowen it inobam indi hunduhuk wilil, An ninim inambeg waharuk amuhukseg, ninim mondog welamuhuk-o.

Yohanes 15:7

Eke hit hag An ninim hunduhuk wilil, nawene yig hisaruk atikikon epmano fanoroho waruk amuhupseg, hiren yi angge di angge epmano ariroho sin-o, ulug sembahyang uruk hisalug, Aren suhu at-o.

Yohanes 6:56

Eke it yi aphe di aphe epmanowen namep nenggeg, nebe nenggeg suruk wilil, inebe iniluk-at An nindimu wereg etno hag, An nebe niluk-at it inindimu welahi-o.

Yohanes 8:25

Ariroho yig isaruk apagma, eke it etnowen yig ituk wilil, “Hat hebe sa-o?” ulug yig ituk apagma, eke At Yesus etnowen yig isaruk wilil, “Hit bilin An nebe du at welahi ulug yig hisarikikon etno-at welahi-o.

Filipi 4:15

Eke amuk wene fano wene etno yig isil laruk wilil, o Makedonia etno sohorep isalug larikikmu, hit Allah udaki o Filipi welahebon epmano hinakelehen-at yalmag naptikip etno hiniluk-o. Eke anden yi angge di angge og isawag ulug hiren og nitikip-o.

Kolose 3:16

Eke At Kristusen ebahon wene etno mondog hinindimu ebereg welamag-o. Eke at misihen yanggul hiseheg at misihen yanggul hiseheg, hinindi hiniluksoho wilil, Allah wene uruk amuhup-o. Eke di etno uruk wilil, i-u inim, enggangga inim, hinune fanoroho uruk amuhup-o. Eke At Ninikni Allah wa ulug, hinahla buruk wilil, di uruk amuhup-o.

Ibrani 2:1

Wene ariroho yig nisaruk apagma, niren wene du demat ulug eberoko waruk sowahon etno ninapeleg ahe ha nowen ulug fanoroho seneg welamuk-o.

Ibrani 3:14

Eke nit bilin ninindi oag weregsoho wilil Allah wene warukuk etno hag, nintul nantul-at senebuhuk halug ari, At Kristus omini-at welamuhuk-o.

1 Yohanes 1:3

Eke ninesanggo holtukukon etno hit-at yig hisaruk ahe-o. Eke hit ninim ninomini atlug, Allah ninim eke Amloho Yesus Kristus ninim dambuksoho welahe-o.

1 Yohanes 1:7

At Allah weregsoho o selegma laruk nisalug, ninomini obog ninim dambuksoho welahe-o. Ariroho weregma, eke ninindi dahon At Yesus Allah Amloho amep fam ho ninaptuk-o.

1 Yohanes 2:7

Nomini-o, wene yig hisihion du keron ulug yig hisihi fug-o; amuk yig hisebahon wene etno-at yig hisihi-o.

1 Yohanes 3:24

Eke At Allahen wene duroho suruk amuk eke duroho suruk am fug ulug yig nisebahon etno ilitoho suruk nisalug, At Allah ninindimu wilil, ninim welahe-o. Eke At Roh Kudus og nisarision etnowen yig nisarukmu, At Allah ninindimu wereg etno niniluk-o.

1 Yohanes 4:13

Eke At Allah ninindimu wereg etno alem du at-o, Aren Roh Kudus etno og nisebag-o.

1 Yohanes 4:15

Eke it apheyen At Yesus ari Allah Amloho at-o, ulug eberoko urukon halug, Allah inindimu-at wilil, inim wereg-o.

1 Yohanes 4:16

Eke nit hag, At Allah nit indimu hunduhuk wereg etno niniluk atisimu, ninahla buruk ahe-o. At Allah it aphe indimu hunduhuk wereg-o. Weregma, omini inim hunduhuk werehon halug, Allah inindimu wilil, inim wereg-o.

2 Yohanes 1:2

Ari Allah wene etno nintul nantul ninindimu wereg halug, hit hinebe ninindi hunduhuk welahe-o.

2 Yohanes 1:9

Ap misihen At Kristus yanggul nisebahon etno sohorep isalug, obam seberoho yig nisaruk halug, At Allah inuk apeleg wilil yig nisaruk-o. At Kristusen yanggul nisebahon etno-at yig nisaruk halug, At Allah Amloho etno inim indi hunduhuk wereg-o.

3 Yohanes 1:3

It ninomini epmano waharusareg, at duroho wereg ulug yig nitusa-o. At Allah inuk waruk wilil haren suruk ahenon etno yig nitusa-o. Yig nituk atusama, nahien harikik-o.

Wahyu 3:11

Eke An nebe hag, horog fanggog ik wariug ulug suruk ahi-o. Eke hit Anden og hisahukon etno aben diloko hola nowen ulug, fikfag eberoko waruk wilil seneriek-o.

Wahyu 3:3

Ari halug, bilin iren yanggul hisarukmu, hinesanggo holtiki­bon etno hinindi ebetuk wilil, ilitoho suruk amuhuben dag suruk atikibon epmano sohorep isiek-o. Eke hinebe hiniluksoho minatuk eleg hiseheg, it ap inalomnangge herahuog ulug herako laruk etno hag, An nebe hetnogsoho hinambeg waharukon etno mo ari fam waruhu ulug hinapeleg-at welamuhup-o.