1 Yohanes 2:22 - Allah Wene Hurumbik Keron

²² Ari halug, ap sen enggal-at uruk ano? It, At Yesus Kristus ebe eleg-o, ulug ariroho urukon etnowen-at inenggal uruk-o. Eke At Allah etno, Amloho inim inawene inenggal neken uruk, ulug ariroho urukon halug, ininuk antikristus at-o.

1 Yohanes 2:22 ပူးပေါင်းရင်းမြစ်များ

Matius 24:24

Eke it ap werlekonen an Kristus-at-o, an nebe nabi ap Allah wene yig isaruk ahion at-o, ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano seheg, eke it sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o.

Matius 24:5

Fobik it ap anggolo at waharuk amuhupseg, An ninuk fam yig hisaruk wilil, ‘An nebe Kristus-at welahi-o,’ ulug yig hisaruk amuhupmu, it aphe obog demat ulug inindi ebebuhup-o.

Yohanes 8:44

Eke hit hinikni at setan udaki wilil, hiniknien duroho siek ulug ahla burukon-at ilitoho suruk ahep-o. Eke at setan ari, o amuken-at ap watukon neken welapag-o. Eke at setan etno indimu wene demat urukon etno elehen aren demat ulug uruk eleg-o. Eke aren enggal wene yig hisaruk ari, at obam dombog-at uruk-o. Eke at etno wene enggal-at uruk wilil, yi wene di wene enggal-at urukon etno ikni neken wereg-o.

1 Yohanes 1:6

Nit halug, Allah ninim dambuksoho welahe-o, ulug uruk aheon oke, o hikmu neken laruk nisalug, ninune fam ninenggal neken uruk wilil, ninindien dagsoho suruk ahe-o.

1 Yohanes 2:18

Nomini-o, yi angge di angge eleg atukon etno fanggog uruk-o. Eke at antikristus, ari Kristus inim healeg werehon etno, waruhu ulug hinesanggo holtuk atikip etno hag, kidia antikristus inebe anggolo atusa-o. Anggolo atusa famen, yi angge di angge eleg amon etno fanggog uruk ulug niniluk atuk-o.

1 Yohanes 2:23

Eke ap misihen, At Allah Amloho ebe eleg hihi-o, urukon halug, Ikni Allah ariroho-at ebe eleg ulug uruk-o. Eke ap misihen Allah Amloho indimu ebetukon halug, Ikni Allah ariroho-at ebetuk-o.

1 Yohanes 2:4

Eke at misihen, At Allah niluk-o, ulug urukon oke, Allahen komo yig nisarukon etno ilitoho suruk eleg halug, ap etno enggal-at uruk-o, demat uruk eleg-o.

1 Yohanes 4:20

Eke at misihen Allah nindi-o ulug urukon oke, omini amberak hun inaptuk halug, at ap ari enggal urukon-at wereg-o. Ap etno omini ilanggen isarision amberak hun inaptuk ari, at etnowen Allah ebe ilanggen haruk eleg wilil, keroho indi hunduhuk welaruhu-o?

1 Yohanes 4:3

Ariroho yig hisarukmu, hiniluk aruhu-o. Eke iren At Yesus Kristus kweanma wapag fug ulug uruk isalug, at antikristus At Kristus inim healeg werehon etnowen-at yig isarukmu uruk-o. At antikristus o kweanma waruhu, ulug yig hisaruson etno, kidia arat waruhu-o.

1 Yohanes 5:1

Eke nin At Yesus ari Kristus ulug wapag-o ulug inahla ebetukon halug, Allah udaki-at wereg-o. Eke ikni indi hundutuk isalug at udaki ariroho-at inindi hun inaptuk-o.

2 Yohanes 1:7

Eke alem misig du inim-at yig hituk ahi-o. Ari At Yesus Kristus aphe inebe hahon o kweanma wapag fug-o, ulug aphe inindi kahalik wamag ulug it inenggal urukon inebe anggolo atusareg wereg-o. Inindi kahalik wamuog ulug o duma waharusareg wereg-o. Ari aphe inindi kahaltukon halug, at antikristus, Kristus inim healeg werehon etno-at waharisireg wereg-o.

Yudas 1:4

Ari it ap Allah wene uruk ahe-o ulug herako neken hinambeg waharuson epmano, inenggal uruk isalug, Allah inuk inapeleg-at hinambeg waharusareg uruk-o. Dag surukon etno fano at-o, uruk isalug, it epmanowen At Allah ninabuen surukon etno olohotma dahapfurusa-o. Eke amuk holal baleg fam wene ebahon etno ilitoho, iren At Ninowe Yesus Kristus ebe ninapeleg uruk-o. Ariroho uruk isalug, oag deloko dagma imbisahu, ulug holal fam wereg-o.

Wahyu 3:9

Eke it iblis udaki epmanowen nit Yahudi ap-at ulug inenggal-at urukon etno, Anden hinolohotma imbisahukmu, inolohore wandukso­ho wereg iseheg, suontep hisahakup-o. Suontep hisaharuk wilil, hit hinebe An ninim nindi hunduhuk welahion epmano iniluk aru­hu-o.