1 Yohanes 2:13 - Allah Wene Hurumbik Keron

¹³ Niknisi-o, hit At o amuk welapareg, kidia werehon etno inuk fam, anden holal du bal hisihi-o. Nomini-o, hit elege wilil, iblis dahon etno apmarepfirikip ari famen, anden holal du bal hisihi-o.

1 Yohanes 2:13 ပူးပေါင်းရင်းမြစ်များ

Matius 11:27

Hat Niknien An yi angge di angge obog og nitikinteg fam, Haren-at An Hamloho nebe hiluk-o. Eke An Hamlohoen-at Hat Nikni hebe niluk-o. Eke An Hamloho etnowen it nin yig isarukmu, it etnowen-at Hat hebe iniluk atuk-o,” ulug ebag.

Matius 13:19

I angge kwalema kililtil lebag etno hag, it ap At Allah weregmen sukon wene etno inesanggo holtukon oke, eberoko weheg eleg-at weregma, at iblis dahon etno waharuk wilil, wene inindimu werehon lisoko waruk-o.

Matius 13:38

Eke eyabukmu yapag ambeg etno hag o kweanma duma-at wereg-o; eke i angge fanowon yapahon etno hag it Allah udaki-at wereg-o,” ulug yig isaruk apareg, eke fobik yig isaruk wilil, “Eke hohol i yapahon etno hag, it iblis udaki etno-at wereg-o.

Matius 5:37

Eke ari halug, hit yu-o ulug hinambilik famen uhupseg, ariroho-at su­hup-o. Eke eleg-o ulug hi­nambilik famen uhupseg, ari­ro­ho-at suhup-o. Eke it ninen yi angge di angge ininuk fam urukon ari, alem iblisen yig isarukmu-at uruk-o,” ulug yig isebag.

Lukas 10:22

Hat Niknien An yi angge di angge obog og nitikinteg fam, Haren An Hamloho hebe hiluk-o. Eke An hamlohoen Hat Nikni hebe niluk-o. Eke An Hamloho etnowen yig isarukmu Hat hebe iniluk atuk-o,” ulug uruk apag.

Yohanes 14:7

Eke hit kidia An nebe hiniluk atikip etno fam, An Nikni hiniluk atikip-o. Hiniluk atuk atikipseg, kidia hiren At ebe etno hinilanggen haruk wilil, At ebe hiniluk welahep-o,” ulug yig isebag.

Yohanes 14:9

Yig ituk apagma, At Yesusen yig ituk wilil, “Filipus wai, An ninggik anggolo-at hit ninim welatukukon oke, An nebe etno hapeleg atuken ehen ano? It yi aphe di aphe obog epmano An nebe inilanggen nearuk etno, An Nikni At inilanggen haruk-o. Ariroho harukon oke, eke haren Hat Hikni etno ninilanggen hulen yanggul nisimin ehen ari, keroho ulug ehen-o?

Yohanes 16:3

Ariroho inahla buruk amuhup ari, iren An nebe inim, An Nikni etno inim inapelehen-at suruk wilil, inahla buruk amuhup-o.

Yohanes 16:33

Eke hit hinebe An ninim welamuhuk etno fam, hinindi hinahlahiroho welamag ulug yi wene di wene epmano obog-at yig hisihi-o. Eke hit hinebe aphe kweanmon epmanowen dahon etno-at hinobam umburuk amuhup-o. Ariroho umburuk isalug, hiren hinahlahiroho welamag ulug yig hisihi-o. Eke Anden it aphe o kweanma duma werehon epmano napma seberoho imbisarikik-o,” ulug yig isebag.

Yohanes 17:21

Ariroho ihi ari, it obog inindi misig-at welamag ulug yig hituk ahi-o, Nikni. Eke nit Hat ninim ninebe misig-at welahe etno hag, it inebe nit ninim misig-at welamuhuken ulug yig hirihi-o. Eke it aphe kweanmon epmanowen, At Yesus Allahen demat lahapfik waharisi ulug inahla bukagsoho it An nudaki epmano inebe misig-at welamag ulug yig hirihi-o.

Yohanes 17:3

Eke iniluk welamon etno og isaruk ahi ari, Hat Allah hakeleg-at suon welahenon etno inim, eke At Yesus Kristus lahap nabik waharikinon etno inim obog-at iniluk ari fam, iren iniluk welamon etno holaruk-o.

Yohanes 8:19

Yig isaruk apagma, it etnowen yig ituk wilil, “Hat Hikni ari sa-o?” ulug yig ituk apagma, At Yesusen yig isaruk wilil, “Hit An Nikni inim, eke An nebe inim hinapeleg-at welahep-o. Eke hiren An nebe etno At ulug hiniluk welatlepmen, An Nikni etno inim-at hiniluk welatlep-o,” ulug yig isebag.

2 Korintus 4:6

Eke amuk At Allahen uruk wilil, “O hik wereg ambeg epma seleg amag-o,” ulug ebag etno hag, kidia ninindimu Aren o seleg etno og nisaruk-o. Eke o seleg og nisarukon etno At Yesus Kristus olohotmen fisag ninaptuk wilil, At Allah etno abikag suruk wilil alon werehon-at wereg-o, ulug niniluk amag ulug yig nisaruk-o.

1 Timotius 5:1

Ap inanggohon halug hune fanggogsoho yig um sohorep isalug, hikni yig ituk ahen etno ilitoho hune wiogsoho-at esanggo watuk amin-o. Eke it ap elege epmano homini ilitoho yig isaruk amin-o.

Titus 2:6

Eke it udag elege etno ari inindi seberoho welamag ulug inaren baltuk wilil yig isaruk amin-o.

1 Yohanes 1:1

Wene ninilukep nisaharukon etno yanggul hisiog ulug holal du balhisihi-o. Wene ari, o amuken welapahon etno eke kidia ninesanggo holtuk wilil, ninilanggen haruk ahe-o, eke At wene urukon ari ninilanggen harukuk-o, eke At ebe fag harukuk-o.

1 Yohanes 2:1

Eke dag surukon etno sohorep isaruk amuhuben ulug, holal du bal hisihi-o, nudaki. Eke at misihen dag suruk halug, At Yesus Kristus Ikni Allah olohotma ninake urukon wereg-o.

1 Yohanes 2:12

Nudaki-o, hit dag suruk ahebon epmano At Kristus inuk fam hinapelegsoho imbisarikip famen, anden holal du bal hisihi-o.

1 Yohanes 2:14

Nudaki-o, hit At Ninikni hiniluk ari famen, anden holal du bal hisihi-o. Niknisi-o, hit At almen welapareg kidia werehon etno hiniluk ari famen, anden holal du bal hisihi-o. Nomini-o, hit elege wilil, hinoag weregsoho welahep ari famen, anden holal du bal hisihi-o. Eke hinindimu Allah wene etno wereg-o. Hiren iblis dahon etno apmarepfirikip-o.

1 Yohanes 3:12

At Kain etnowen sebag etno hag suk fug-o. At Kain iblis amloho etnowen, ot Habel wapag ari, nongge farim wapag-o? Ari at Kain obabut dahon weregma, eke ot Habel obabut fano sebag arien wapag-o.

1 Yohanes 4:4

Eke hit hag Allah udaki-at welahep-o. It inenggal urukon epmano hinapmarep isarikip-o. Ari Roh Kudus hinindimu werehon etno oag wereg halug, yi angge di angge kweanmen urukon epmano seberepfirisi-o.

1 Yohanes 5:18

It Allah udakion halug, yi dag di dag surukon etno sohorep isalug, fobik dag seheg eleg-at welamuhup-o. Eke at setanen dahap isahu fug-o. At Allah Amloho etnowen ninili waruk ari demat ulug niniluk atuk-o.

1 Yohanes 5:20

Eke At Allah Amloho etno waharuk apareg, aren Allah wene du demat yig hisaruk ahi-o ulug yangguloko yig nisebag. Wene ariroho yig nisebag halug, At Allah ninim, Amloho Yesus Kristus etno ninim ninindi hunduhuk welahe-o. Ari At Allah Ninikni-at wereg-o. Aren niniluk wilil ninitog mondog welamon etno-at og nisaruk-o. Ari demat-o, ulug nit niniluk atuk-o.

Wahyu 12:11

Eke At Wam Domba Udag etnowen amep inake delfag halug, it ninomini epmanowen at setan etno seberepfehesa-o. Eke it epmanowen wene demat urukon etno yig isaruk wi­lil, nit waram fano at-o, ulug uruk atusa-o.

Wahyu 2:7

Eke hine­sanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho anduhunmu welamuhubon halug, At Allah eyabukmu e iniluk welamon etno anggen nawag ulug minduhup isahuk-o,” ulug yig nitisi-o.