1 Yohanes 1:3 - Allah Wene Hurumbik Keron

³ Eke ninesanggo holtukukon etno hit-at yig hisaruk ahe-o. Eke hit ninim ninomini atlug, Allah ninim eke Amloho Yesus Kristus ninim dambuksoho welahe-o.

1 Yohanes 1:3 ပူးပေါင်းရင်းမြစ်များ

Yohanes 17:11

Eke An nebe etno o kweanma duma sohorep isalug, kidia Hat hambeg wariog ulug suruk ahi-o. Eke it nudaki epmano hag o kweanma duma-at welamuhup-o. It inebe duma welamuhup ari fam, Haren An bilin nindi oag werehep naharikin etno hag, it ariroho-at Hat hinuk fam inindi oag werehep isin-o Nikni. Hat hebe etno suon-at welahen-o. Eke nit Hat ninim ninindi misig-at welahe etno hag, it inindi misig-at welamag ulug og isimin-o.

Yohanes 17:21

Ariroho ihi ari, it obog inindi misig-at welamag ulug yig hituk ahi-o, Nikni. Eke nit Hat ninim ninebe misig-at welahe etno hag, it inebe nit ninim misig-at welamuhuken ulug yig hirihi-o. Eke it aphe kweanmon epmanowen, At Yesus Allahen demat lahapfik waharisi ulug inahla bukagsoho it An nudaki epmano inebe misig-at welamag ulug yig hirihi-o.

Yohanes 17:25

Eke Haren fano mondog suruk ahen-o. Eke it aphe kweanmon Hat hawene waruk elehon epmanowen Hat hebe inapeleg-at wereg oke, An hag Hat hebe niluk etno fam, it nudaki epmanowen At ebe demat Allahen lahabik waharisi ulug iniluk-o.

Yohanes 17:3

Eke iniluk welamon etno og isaruk ahi ari, Hat Allah hakeleg-at suon welahenon etno inim, eke At Yesus Kristus lahap nabik waharikinon etno inim obog-at iniluk ari fam, iren iniluk welamon etno holaruk-o.

Yohanes 19:35

Ari halug, iren yiroho diroho suruk apahon epmano at ilanggen harision etnowen yig isarisi-o. Eke aren yig isarision etno demat yig nisarisi ulug niniluk at-o. Eke hiren wene etno eberoko wawag ulug, aren wene demat uruk amon etno yig isaruk ahi ulug iluk wereg-o.

Kisah Para Rasul 13:32

Eke nit hag wene fanowon etno hit-at yig hisuog ulug welahe-o. Eke bilin At Allahen it ninetamuki ariroho suhuk ulug hurumbik yig isebahon etno kidia nit inetamuki epmano ninake sirisi-o. Ariroho sirisi ari, At Yesus-at iluksoho minduhupfirisi-o.

Kisah Para Rasul 13:41

‘Hit hinambit haruk ahebon epmano fog suruk hisalug waramuhup-o. Hit wereg hiseheg, yabuk fanowon Anden suruk ahion epmano eberoko waruk eleg hisihi-o. Eke at misihen ariroho-at yanggul hisarukon oke, waruk ahep fug-at hisihi-o,’ ulug it nabien ebahon epmano nit farim uk nowen ulug hinindi ebetuk amiek-o,” ulug at Paulus etnowen yig isebag.

Kisah Para Rasul 2:42

Eke ikma belap inapahon epmano inindi misig-at weregma, At Yesus omini mondep isebahon epmanowen inim dambuksoho wilil, Allah wene yig iseheg, orom nenggeg, sembahyang eheg, suruk apag.

Kisah Para Rasul 20:27

Hinonggareg hinakeleg hinobabut fam hinili wao sohorep hisahaku-o.

Kisah Para Rasul 4:20

Eke nit hag, ninilanggen haruk wilil holtukukon etno aphe yig isaruk amuhuk-o,” ulug yig isebag.

Roma 15:27

inonggarehen-at ariroho inahla burusa oke, it inaharek elehon epmano og isuog ulug nomat neken inobam wereg-o. Eke it aphe bilin Allah wene inapeleg welatuson epmanowen wene fano wene etno wawag ulug it Yahudi aben yig isarusareg fam, kidia it aphe bilin Allah wene inapeleg welatuson epmanowen inaharek yi angge di angge epmano it Yahudi ap og isao ari fano at-o.

1 Korintus 1:30

Eke At Allahen hit Kristus Yesus hinim dambuksoho hinombisaharisi-o. Eke At Kristus etno inuk fam ninindi yi angge di angge iniluk atukon epmano-at og nisarisi-o. Eke nit ninebe At Allah ninim dambule nisahakeg, eke nit At Allah udaki welamag ulug heako ninombisahakeg, eke ninebe ninili weheg suruk amag ulug At Allahen Amloho Yesus etno nit ninake belabik wapag-o.

1 Korintus 1:9

At Allahen Amloho Ninowe Yesus Kristus hinim hinindi hunduhuk welamuhuben ulug wol hisebahon etnowen At indi ebetukon etno demat suruk ulug hinahla buruk amuk-o.

1 Korintus 15:1

Hit hinindi hinapeleg am nowen ulug wene misig yig hisamin-o, nomini. Wene fano wene etno anden yig hisarukmu hiren webahon etno hit ari fam hinindi seberoho wilil hinindi oag weregsoho welahep-o.

Efesus 3:6

Eke wene misig heraho welapahon bukaloko yig isarision etno duroho yig isarisi-o, bilin it Yahudi ap At Allah ahien inobam embebahon oke, kidia wene fano wene yig isil lawon etno fam it bilin Allah wene inapeleg welatuson epmano inim-at ahien inobam umburuk-o.

Filipi 1:7

Eke hit nintul nantul an nindimu neken welahep ari fam, an nahientoho hinobam ebetuk ahi-o. Eke bilin an nebe o ahik ya da laruk wilil, Allah wene yig iseheg, eke inindi ayeg warep iseheg, suruk atikikseg, kidia an nebe hele wareg welahion oke, At Allahen nit obog ninabua nisawon wene hit an ninim dambuksoho seneg welatukuk-o.

Filipi 2:1

Eke At Kristus hinim welahep etno fam hinindi oag wereg atuk ano? Eke hinindi hunduhuk welahep ari fam, hinindi fano atuk ahep ano? Eke At Roh Kudus hinindimu weregma, hinim welahep ano? Eke it hinomini inabua isaruk wilil, hinim hinindi hunduhuk welahep ano?

Filipi 3:10

Eke At Kristus ebe niluk welamon etno inim, eke At ebe iluk atlug minapareg fam oag werehon og nisawon etno inim, eke At obam dahon umburusa etno hag an nobam umbukon etno inim,

Kolose 1:13

Eke o hik oag weregsoho wereg ambeg epmanowen wilip nisahik wapareg, At Amloho wereg ambeg epmano ninili oko kolap ninaptisi-o.

1 Tesalonika 1:10

eke At Amloho Yesus aphe waratuk ambeg epmanowen iluksoho minduhupfuruk apagma, At Allah asineyen yig nisarukmu, dil ninapahon etno boholmen waharukim aso welahebon etno inim, it aphe obog iniluk wilil yig nisaruk-o.

1 Timotius 6:2

Eke iniknisi arien Allah wene waruk isalug, it inanggimbu etnowen, an nikni ninim hunduhuk weregma, fanowon etno-at og niruhu etno fam kidia at eyabuk fanoroho at suruk aruhuk-o, ulug inahla bukag-o, ulug anden yi wene di wene yig hirihion etno it aphe obog-at yanggul isaruk amuk-o.

Ibrani 2:12

Eke Aren uruk wilil, “Nikni Allah wai. Haren suruk ahenon etno An nomini yig isalug, it obog wonggaleg weregma inil fam Hat hake di uruk aruhuk-o,” ulug uruk apareg,

Ibrani 3:1

Nomini, Kristus udaki du wai, nit hit ninim At Allahen wol nisebareg fam, At Yesus etno wene demat uruk aheon etno unde wilil inuk suon welamag ulug lahabik waharision etno hinilanggen haruk amiek-o.

Ibrani 3:14

Eke nit bilin ninindi oag weregsoho wilil Allah wene warukuk etno hag, nintul nantul-at senebuhuk halug ari, At Kristus omini-at welamuhuk-o.

1 Petrus 5:1

Eke kidia an Allah wene yig isaruk ahion etnowen hit Allah wene yig isaruk ahebon epmano an wene misig yig hisaruk ahi-o. An At Kristus obam dahon umburukmu nilanggen harikikon etno fobik At ninim ilitoho welamuhuk-o, ulug yig hisaruk ahi-o.

2 Petrus 1:16

Ari halug nomini-o, At Ninowe Yesus Kristus oag werehon waruhu ulug, yig hisaruk ahi etno yi wene di wene inenggal urukon epmano mutlug lawag ulug yig hisaruk ahi fug-o. Nit ninilanggen At Yesus sukfuganggeroho surukmu harukuk-o.

1 Yohanes 1:1

Wene ninilukep nisaharukon etno yanggul hisiog ulug holal du balhisihi-o. Wene ari, o amuken welapahon etno eke kidia ninesanggo holtuk wilil, ninilanggen haruk ahe-o, eke At wene urukon ari ninilanggen harukuk-o, eke At ebe fag harukuk-o.

1 Yohanes 1:5

At Yesus Allah Amloho etnowen yig nisarukmu holtukukon etno yig hisaruk ahe-o. At Allah indimu o hik neken elegma, o seleg neken wereg-o.

1 Yohanes 1:7

At Allah weregsoho o selegma laruk nisalug, ninomini obog ninim dambuksoho welahe-o. Ariroho weregma, eke ninindi dahon At Yesus Allah Amloho amep fam ho ninaptuk-o.