1 Timotius 6:9 - Allah Wene Hurumbik Keron

⁹ Eke it aphe ninen ninaharek anggolo amag ulug heahil sil nurukon epmanowen yi angge di angge nindi nindi urukmu, inindi kahalik waharuk-o. Eke inindi kahalik waharukmu, bak helema waratuk etno hag, it aphe yi angge di angge nindi nindi urukon epmano inonggarehen wataruk amuhupseg, fobik mondog dag amuhup-o.

1 Timotius 6:9 ပူးပေါင်းရင်းမြစ်များ

Matius 13:22

Eke i angge isinggama kililtil lebag etno hag ari, it nin wene inesanggo holtuk atlug oke, inindi seneni ebetukon etno inim, eke yi angge di angge holawon ebetukon etno inim, it inindi ariroho yi angge di angge kweanmon ebetukon ari obog-at inindimu anggen yihikup fug-o.

Matius 19:22

Ariroho yig ituk apagma, esanggo holfahon oke, at udag etno aharek yi angge di angge anggolo wilil, indi dag atuk apareg, sohorep isalug lebag.

Matius 26:15

yig isaruk wilil, “Anden At Yesus ebe senebukag ulug og hisaruk nealug, hiren an onggo nongge og nitlihip-o?” ulug yig isaruk apagma, eke it etnowen uang anggen perak etno ebe tiga puluh waneroho og epag.

Matius 6:19

At Yesusen yig isaruk wilil, “Hit yi angge di angge kibo­lal atlug libil atukon epmano inim, ap heraharukon epmano kik watlug inalomnangge warukon inim kweanma anggoloroho balu suk fug-o.

Markus 4:19

eke an suon ulug urukon etno inim, eke inindi fam yi angge di angge surukon epmano inim, it inindi ariroho ebetukon ari obog-at inindimu anggen yihikup fug-o.

Lukas 12:21

Yig epahon etno At Yesusen yig isaruk wilil, “Ari halug, it aphe At Allah il fam inaharek eleg neken werehon epmano inonggarehen yi angge di angge anggolo ombataruk oke, ariroho-at waratuk-o,” ulug At Yesusen yig isebag.

Lukas 21:35

Ariroho surukmu, At Ninowe etno hetnogsoho ninambeg wam nowen ulug hinindi ebetuk am nowen-o. Eke boholmen sehenyabog hetnogsoho yibatuk etno hag, An Hinowe etno hetnogsoho-at aphe o ahik ya da inambeg waruhuk-o.

Kisah Para Rasul 8:20

at Petrus etnowen, “Eleg-o, hat At Allahen og nisarukon etno uang fam onggo balik ehen ari, hahuang wereg oke, dahon etno nobam nombahukag ulug uruk ahen ano?

Efesus 4:22

Eke ari halug, hit bilin kwalem dahon etno laruk wilil, hinindi dahon wilil, hinebe dahapsarikibon oke, kidia hinobabut amukon etno obogsoho sohorep isiek-o.

1 Timotius 1:9

Eke wene duroho suruk amuk eke duroho suruk am fug ulug ebahon etno it aphe fano surukon epmanowen fano suruk amag ulug yig isebag fug-o. Ari it dag surukon inim, eke it dahan fahan surukon inim, eke iniknisi inisasi war inaptukon etno inim, eke it ap watukon etno inim,

1 Timotius 3:7

Ap minduhupfukon etno aren surukon etno fam aphe selemonen at abug baleheg, enggali wareheg suruk elehon welamag-o. Eke bak helema waratuk etno hag, at iblis ahele etno fam anggolop keteroho walug la nowen-o. At ap minduhupfukon etnowen surukon it aphe selemonen dindiltuk wilil, ap ari obabut fanowon-o, ulug uruk isalug, ap etno-at minduhupfuk fano-o.

1 Timotius 6:10

Eke yi dag di dag surukon epmano alem yi angge di angge inim, uang inim nindi nindi urukon etno-at wereg-o. Eke it ap ninen uang ari-at nindi-o, ulug uruk wilil, wene demat ulug urukon etno sohorep isalug, eke ap misig wataruk wilil, yahayen bal saruk etno hag, it aphe nindi nindi urukon etno eleg atuk halug, inindi dag atuk-o.

1 Timotius 6:17

Eke it inaharek kweanmon yi angge di angge anggolo werehon halug, inindi suontepataruk wilil ninaharek epmano fam fano welaruhuk-o ulug uk nowen ulug yig isimin-o. Eke nit ninahien hawag ulug At Allah yi angge di angge anggolo og nisarukon etnowen-at fano ninabuhu-o ulug uruk amagsoho yig isimin-o.

2 Timotius 2:26

at iblis ahale elma epmanowen hite wilip amuhup-o. Eke at iblis etnowen it aphe epmano bilin hele warep isarisireg, at iblisen yig itukmu ilitoho suruk amag ulug yig isarision oke, hite wilip amuhup-o.

Titus 2:12

Nit o duma wilil, ninakol heheg eleg dag surukon etno inim, eke kweanmon ninindi urukon etno inim sohorep isalug, ninindi seberoho wilil holeg welamag ulug At indi hunduhuken og nisebareg fam yanggul nisaruk-o.

2 Petrus 2:3

It epmano inonggarehen yi wene di wene inahla buhupseg, hit hinebe inapmarep hisaharuk amuhup-o. Inapmarep hisaharuk amuhubon oke, eke at oag del inaptukon etno iluk wilil, fobik mondog dagma-at imbisahu-o.

Yudas 1:11

It ap epmano at Kain onggalem etno-at laruk-o. Eke alem uang etno fam at Bileam sebag etno hag suruk-o. It ap epmano at Korah uwa ebagma wapag etno hag war inabuhu-o.