1 Timotius 6:6 - Allah Wene Hurumbik Keron

⁶ Ariroho inahla burukon oke, Allah wene demat ulug ninindi ebetuk nisalug, ninaharek anggolo-at og nisarisi du ninahien-o, ulug ninindi ebetuk am ari fano.

1 Timotius 6:6 ပူးပေါင်းရင်းမြစ်များ

Lukas 12:15

Yig ituk apareg, eke fobik it obog yig isaruk wilil, “Yi angge di angge nindi nindi uruk wilil huluog ulug surukon epmano hit ariroho sehe ha nowen ulug yaharoho welamiek-o. Eke ap misig aharek yi angge di angge anggolo wereg halug, epmano fam fanoroho welaruhu fug-o,” ulug yig isebag.

Lukas 3:14

Yig isaruk apagma, it ap osi sehen senehon ninen yig ituk wilil, “Eke nit hag, keroho suk-o?” ulug yig ituk apagma, aren yig isaruk wilil, “Hiren hinenggal aphe inobam denggeltuk wilil, hinasineroho aphe inahuang diloko wa fug-o. Uang anggen onggo og nisarukon epmano ilitoho og nisehesa ulug hinahla buruk amiek-o,” ulug yig isebag.

Roma 8:28

Eke it At Allah obam inindi hunduhuk werehon epmano it ninen yi angge di angge dahon inobam umburuk-at oke, At Allahen fano inabiog ulug-at suruk-o. Eke it Allah udaki ari, At Allahen ahla buruk apareg-at wol isebag-o.

2 Korintus 4:17

Eke kidia nanggog atuk wilil, ninahap dag atuk aheon dorat welamuhukseg, fobik ninitog mondog wilil ninebe suon fano mondog welamuhuk-o.

Filipi 1:21

Eke nit niniluk welahe etno ebe nongge wereg buruk ahep-o? An hag At Kristus ninim wilil niluk welahi-o. Eke nebe waratlug fanowon etno-at holahuk-o.

1 Timotius 4:8

Eke inebe inoag wereg amag ulug yanggul sawon etno fano-at oke, eke inindi oag wereg amon ari yanggul saruk halug mondog fano at-o. Ariroho nindien yanggul saruk halug, kidia inim, eke fobik inim niniluk welamon etno holahuk-o,

1 Timotius 6:8

Ari halug, ninaharom inim, ninasum inim wereg halug, ilitoho-at wereg-o ulug uruk am ari fano.

Ibrani 13:5

Eke hiren hinaharek erlog wereg heheg, uang nin obam umbukon ulug nindi nindi il nuruk am fug-o. Eke At Allahen yig hisaruk wilil, “Anden sohorep hisaharuk aruhuk fug-o,” ulug ebag etno fam,