1 Timotius 6:4 - Allah Wene Hurumbik Keron

⁴ Eke at ap onggarehen suontepatarukon ari, indimuen yi wene di wene farim winimug iog ulug suruk-o. Ariroho suruk heheg, it apheyen nambit hambit eheg, eke hat dag ulug inobam denggeleheg, eke winimug abeheg surukon ari, it ap inindi ebetuk elehon etno alem neken wereg-o.

1 Timotius 6:4 ပူးပေါင်းရင်းမြစ်များ

Kisah Para Rasul 15:2

alem ari fam it aphe epmanowen Paulus Barnabas inim winimug aptuk apagma, it ninen uruk wilil, “It Paulus Barnabas etano o Antiokhia ap nin inim alem ari fam it mondep isebahon epmano hinog og inabukag ulug o Yerusalem lawag-o,” ulug it Allah wene warukon epmanowen lahap isaruk apagma,

Kisah Para Rasul 18:15

Eke hiren yi wene di wene inim, yi inuk di inuk inim, wene duroho suruk amuk eke duroho suruk am fug ulug ebahon alem etno fam winimug aptuk ahep ari, hit hinakelehen-at iek-o. Hiren yi wene di wene ehebon epmano fam anden aren balimin fug-o,” ulug at Galio etnowen it Yahudi ap epmano yig isaruk atisireg,

Kisah Para Rasul 8:9

Eke o Samaria epma ap misig inuk Simon etno welapag. Epma wilil, aren sukfugangge elalintoho surukmu, it Samaria aphe epmanowen wi ulug fog suruk apag. Fog surukmu, at etnowen an suon ulug suontepataruk apagma,

Roma 12:16

Eke hinebe suontepatawon etno sohorep isalug, hinebe seberoho neken wilil yi angge di angge etno epmano suruk amuk-o. Eke hiren an yi angge di angge alem obog niluk-o, ulug hinindi fam ebetuk am fug-o.

Roma 13:13

Ariroho o ilingge wilil, motoho-at suruk amuk-o. Eke inahum heheg narukon epmano inim, eke ik nenek surukon donggogsoho narukon epmano inim, eke hwe ap uhweon wanggik surukon etno inim, eke winimug isarukon epmano inim, eke inasineyen surukon epmano inim, obog-at ariroho suruk am fug-o.

Roma 14:1

Eke ap hiron misig indi oag eleg halug, hinim fanoroho welamuk-o. Ariroho wilil, hinim winimug aptuk am fug-o.

Roma 2:8

eke it aphe nin epmano inindimuen suontepataruk wilil, wene demat urukon etno sohorep isalug, dag wene etno, inindi ebetukon ari, At Allah asineyen onggo dag seko imbisahu-o.

1 Korintus 11:16

Eke at ap misig wene alem du fam ninim heahuog ulug suruk halug, nit Allah udaki ninim dambuksoho welaheon epmano ninune sahaltuk ahe eleg-o.

1 Korintus 11:18

Eke alem misig duroho nesanggo holtikik-o. Hit Allah udaki wonggaltuk ahebon epmano wene uruk wilil, healsaruk ahep ulug nesanggo holtikikseg fam, kidia demat ulug nahla bihi-o.

1 Korintus 3:18

Eke hit hinonggareg hinune hinenggal-at hinobam ombataruk am fug-o. Eke ap misig hit hinim welahebon etnowen, “Ap o kweanma nindi werehon an-at welahi-o,” ulug indimu ebetuk halug, ap etno demat indi wereg amag ulug bilin ebe kimbu neken welamag-o.

1 Korintus 3:3

Eke kidia ariroho-at hinindi kweanmon epmano hunduhuk wilil, arikon epmano nao hai-at welahep-o. Eke it ap hinahla werehon epmen inindi inasine aheg, eke nambit hambit eheg, suruk isalug, hinebe kweanmon epmano hinindi hunduhuk eleg welahe buruk ahep ano? Eke aphe kweanmon epmano inobabut ilitoho suruk ahe fug ulug hinahla buruk ahep?

2 Korintus 11:20

Eke it ap ninen inanggimburep hisaharukon epmano inim, eke it ap nin inaharek anggolo amag ulug hinim dahan fahan suruk ahebon epmano inim, eke hinaharek diloko neken warukon epmano inim, eke hinebe seberep hisaharukon epmano inim, eke hinolohotma biso hinaptukon epmano inim, obog-at fano ninim welamuhuken ulug yig isaruk ahep-o.

Galatia 5:15

Eke wam elien it it aptuk etno hag, hit nambit hambit uruk wilil, hit hit healtuk ahep ari, ninonggarehen watehe ha nowen ulug hinahla buruk wilil, yaharoho welamag ulug yig hisihi-o.

Galatia 5:26

Eke an suon aruhuken ulug sil nurukon etno inim, eke nambit hambit urukon etno inim, eke ap du suon wereg du nindi-e, an ariroho suon welatle, ulug inahla burukon etno inim, obog-at sohorep isaruk amuk-o.

Galatia 6:3

Eke ap kimbuangge misig etnowen an suon welahi ulug ahla buruk halug, onggarehen urunanggerepataruk-o.

Filipi 1:15

Eke at misihen an suon welaruhuken ulug winimug abeheg suruk wilil, At Kristus awene yig isil laruk oke, it ninen inobabut fano wilil yig isaruk-o.

Filipi 2:14

Eke hiren yi angge di angge suruk wilil, nambit eheg, eke winimug neken abeheg, uk ari sohorep isalug, yamintal neken suruk elehon inim, eke apheyen hinobam denggeltuk elehon inim hit hinebe arion-at welamuk-o.

Filipi 2:3

Eke hiren uruk wilil, an nebe suon-at welaruhuk-o, ulug hinonggarehen suontepataruk wilil, suruk am fug-o. Eke nomini du fano wereg heheg, an dag welahi-o ulug it hinomini inil fam seberepataruk amiek-o.

Kolose 2:18

Nin eke ap misihen hinune eleg-o. An At Allahen yig nitukmu, noho firin firin neken haruk aheon an at-o. Eke misig du yig hisaruk ahi-o, it malaikat epmano inobam sembahyang uruk amiek-o. Eke an nune-at hinesanggo holtuk amiek-o, ulug ariroho yig hisa waharuk halug, at une holuk fug-o. At ap etno it kweanmonen inahla buruk etno hag ahla buruk wilil yig hisa waharuk ari, at une werlek-at suontepfulug, eke Kristus inuk etno hondorepfuruk-o.

2 Tesalonika 2:4

Eke at ap dahon waruhuon etnowen it aphe Allah obam ebetukon epmano seberoho imbiseheg, eke du At Allah ulug urukon etno sohorep iseheg suruk wilil, an-at suon welahi-o ulug uruk aruhureg, eke At Allah ibamen minatuk wilil Allah nebe an-at welahi-o, ulug yig hisahu-o.

1 Timotius 1:4

Eke iren dindilabug eheg, eke ninetamu inuk ulug yi angge di angge inuk yig iseheg suruk wilil, wene anggolo uruk isalug, At Allahen hurumbik yig nisebahon etno ilitoho suruk eleg-o.

1 Timotius 1:7

“Nit At Allahen komo yig nisebahon etno yig isarukon nit-at welahe-o,” ulug uruk-o. Ariroho niniluk welahe, ulug urukon oke, wene ebe undamon inapeleg heheg uruk-o.

1 Timotius 3:6

Eke ap keron halug, minduhupfuk fug-o. Onggarehen suontepatahu ari fam, at iblis inuk suontepatebagma, onggo og epahon etno hag, at ap etno ariroho suk nowen-o. Eke ap keron ari minduhupfuk hai-o.

2 Timotius 2:14

An ariroho yig hirihion etno haren hudaki yig isaruk wilil, “Hit yi angge di angge farim winimug abuk fug-o,” ulug At Allah il fam yig isaruk amuk-o. Eke yuhun-at winimug aptukon etno fam aphe fano atuk eleg-o; yuhun-at winimug aptukon etno it aphe inesanggo holtuk atlug inindi dag atuk-o.

2 Timotius 2:23

Eke it nin inapeleg wilil, urunanggeroho yi angge di angge farim uruk atlug fobik winimug aptuk etno hag, hat ariroho uk fug-o.

2 Timotius 3:4

eke inenggal-at yig isarukon etno inim, eke nenekon neken sil nurukon etno inim, eke inonggarehen inindi lehepatarukon etno inim, eke At Allah inim inindi hundutuk welam sohorep isalug it inindien-at surukon etno inim,

Titus 3:9

Eke yi angge di angge farim urunanggeroho winimug aptukon etno inim, eke ninetamuki ininuk du-o ulug wene yaron urukon etno inim, eke wene duroho suruk amuk eke duroho suruk am fug ulug ebahon etno farim yuhun-at winimug aptukon etno inim, ariroho urukon etno ebe mondog eleg halug sohorep isin-o.

Yakobus 1:19

Nomini nindi hunduhukon wai. Hit kidia an yig hisaminon etno hinindimu fikfag ebetuk amiek-o. Ari ninesanggo holtukon etno hag, dulum neken ninesanggo holtuk amuk-o. Eke ninune uruk aheon inim, ninasine haruk aheon inim hag orog-at uruk amuk-o.

2 Petrus 2:12

Eke it malaikat aphe inobam denggeltuk eleg oke, eke it inenggal wene yig isarukon epmano wam eli neken aben senoko war inabuog ulug wereg-o. Eke it inapelehon neken uruk isalug, fobik mondog war inabuhu-o.

2 Petrus 2:18

It inenggal neken urunanggeroho urukon ari kweanmen surukon etno ninindi-o, uruk isalug, iren aphe inindi ebetuk elehon epmano og inaplug o dagma epma imbisuog ulug inindi kahalik waharuk-o.

Yudas 1:10

At malaikat Mikhael ariroho yig epahon oke, eke it ap dag surukon epmanowen urunangge neken wilil, yi angge di angge surukon etno farim inambilik butuk yig isaruk-o. Eke it ap epmano wam inahla buruk elehon etno ilitoho wilil, it inebe-at dag seko ombataruk-o.

Yudas 1:16

Ari halug, dagma imbisahubon ari, it inambilik butuk urukon epmano inim, it inune inabuaregsoho uruk elehon epmano inim, yi angge di angge suk ulug inahla burukon epmano inim, iren suontepatarukon epmano inim, it inenggal-at, nomin hat fano, ulug yig itukon etno inim, it epmano obog-at o dagma imbisahubon wereg-o.

Wahyu 3:17

eke hiren uruk wilil, ‘Nit ninaharek anggolo welahe ari fam fano welahe-o,’ ulug uruk ahebon oke, hit hinabua hisaruk-o. Ari halug, hit hag hinaharek eleg, eke hineabie-at wilil, hinilanggen buhon neken-at wela­hep-o.