1 Timotius 6:20 - Allah Wene Hurumbik Keron

²⁰ Timotius wai, yi wene di wene hat unde welamag ulug yig hitikikon epmano fanoroho hat seneg welaruhun-o. Eke it aben inune suon uruk wilil, inenggal urukon etno inim, eke it Allah wene inapeleg wilil nit wene keron etno niniluk at-o, ulug yamintal neken urukon etno inim, obog-at sohorep isin-o.

1 Timotius 6:20 ပူးပေါင်းရင်းမြစ်များ

Kisah Para Rasul 16:1

Nin eke at Paulus etno o Derbe inim, o Listra inim lebag. Laruk apareg weregma, ap Allah wene warukon misig inuk Titus etno isina Allah wene warukon ungguluag Yahudi hwe weregma, eke ikni ungguluag Yunani ap welapag.

Kisah Para Rasul 17:18

Ariroho suruk atusama, it ap Epikuros wene etno inim Stoa wene etno inim yanggul isarukon epmano inimen inune ayeg waroko uruk wilil, “At ap kimbu angge du nit nongge yig nisiog ulug uruk-o?” ulug uruk atusareg, it nin At Allah ninapelehon ahusa alem etno farim yig nisaruk ano, ulug at Paulusen Yesus Allahen minduhupfirision wene etno yig isarukmu ariroho yig itusa.

Kisah Para Rasul 17:21

it Atenaon inim, it huso neken epma werehon inim yi angge di angge seheg eleg wilil wene keron misig heahuog ulug nintul nantul bok welatusareg, ariroho yig itusa.

Roma 1:22

Eke it epmanowen nit niniluk-o ulug ininuk suontepataruk oke, inapeleg-at wilil urunanggeroho il nuruk-o.

Roma 3:2

Ari eleg-o. It nin hag yi angge di angge og isebahon oke, it Yahudi ap epmano hag At Allahen obam seberoho og isebag-o. Eke misig fanowon og isebag ari, Allah wene etno-at seneg welamag ulug og isebag-o.

1 Korintus 2:6

Eke anden wene iniluk amon etno-at yig isaruk ahi-o. Eke it kweanmon epmano kidia suon neken wereg oke, fobik inoag eleg amuhubon epmanowen inune enggatsoho ukon etno sohorep isalug, anden it inindi werehon epmano wene iniluk amon etno-at yig isaruk ahi-o.

1 Korintus 3:19

Eke it ap kweanma dumen ninindi werehon nit-at ulug inahla burukon ari At Allahen inobabut kimbu neken-at ilanggen isaruk-o. Eke ari halug, at Alkitab etnowen yig nisaruk wilil, “It ap ninindi wereg ulug inahla burukon epmanowen alem neken inobam ombataruk isalug, bak sapnama waratuk etno hag, At Allahen sen inaptuk-o.”

Kolose 2:18

Nin eke ap misihen hinune eleg-o. An At Allahen yig nitukmu, noho firin firin neken haruk aheon an at-o. Eke misig du yig hisaruk ahi-o, it malaikat epmano inobam sembahyang uruk amiek-o. Eke an nune-at hinesanggo holtuk amiek-o, ulug ariroho yig hisa waharuk halug, at une holuk fug-o. At ap etno it kweanmonen inahla buruk etno hag ahla buruk wilil yig hisa waharuk ari, at une werlek-at suontepfulug, eke Kristus inuk etno hondorepfuruk-o.

Kolose 2:8

Eke ap misihen hinindi kahaltuk wilil, hiren angge wene etno diloko wak waharukim ulug hinindi yaharoho welamiek-o. Eke it apheyen yi angge di angge inahla burukon epmano inim, eke ari walhan ulug urukon etno inim obog-at yig hisaruk wilil, hinindi kahaluk nowen ulug At Kristus obam ebetuk wilil, awene etno-at waruk amuhup-o.

2 Tesalonika 1:4

it Tesalonika ap fano wereg etno hit hinilanggen isaruk amiek-o, ulug hininuk suontepfuruk wilil, eke it ninen dahon etno hinobam umburuk iseheg, hinindi oag weregsoho welahebon etno inim, eke nintul nantul Allah wene fanoroho waruk wilil, hinindi seberoho welahebon etno inim, it obog-at yig isaruk ahe-o.

2 Tesalonika 2:15

Ariroho wol hinaptisireg fam, hit hinindi oag weregsoho wilil, niren ninune fam inim, eke ninaholal etno fam inim wene du demat ulug yanggul hisarukukon etno-at seneg welamuk-o.

1 Timotius 1:11

Eke wene fano wene ari, aphe yig isawag ulug At Allah ahien ninobam umburukon etnowen minduhup naharisi-o.

1 Timotius 1:2

At Ninikni Allah inim, eke At Ninowe Yesus inimen inahien hobam embeheg, eke habua heyeheg suruk wilil, hinim welamag ulug yig hirihi-o.

1 Timotius 1:4

Eke iren dindilabug eheg, eke ninetamu inuk ulug yi angge di angge inuk yig iseheg suruk wilil, wene anggolo uruk isalug, At Allahen hurumbik yig nisebahon etno ilitoho suruk eleg-o.

1 Timotius 1:6

Ariroho yig nisebahon oke, eke it ap ninen sohorep isalug, yi wene di wene ebe eleg atukon etno uruk wilil,

1 Timotius 1:9

Eke wene duroho suruk amuk eke duroho suruk am fug ulug ebahon etno it aphe fano surukon epmanowen fano suruk amag ulug yig isebag fug-o. Ari it dag surukon inim, eke it dahan fahan surukon inim, eke iniknisi inisasi war inaptukon etno inim, eke it ap watukon etno inim,

1 Timotius 4:7

Ariroho wilil, urunanggeroho urukon etno inim, eke dindilabug urukon etno inim sohorep isin-o. Sohorep isalug fano wene etno ilitoho suruk ariog ulug yanggul saruk amin-o.

1 Timotius 6:11

Eke hat hebe Allah amloho neken welahe halug, haren yi angge di angge dahon epmano sohorep isalug, fanoroho surukon etno inim, eke Allah wene ebahon ilitoho surukon etno inim, eke Allah wene demat ulug ebetukon etno inim, eke aphe hinim hunduhuk welamon etno inim, eke ap winimug yig isaruk elehon etno inim, eke hindi seberoho welamon etno inim obog epmano mutlug laruk arik ulug hindi ebetuk amin-o.

1 Timotius 6:14

At Ninowe Yesus Kristus awan waharuk eleg heheg, yi wene di wene yig hirihion epmano obog ilitoho-at fanoroho suruk amuk-o.

2 Timotius 2:1

Namloho, hat hag At Yesus Kristus hinim wilil habuen og hitukmu hindi oag weregsoho-at welamin-o.

2 Timotius 2:16

Eke At Allah ebe hinapeleg am nowen ulug, yi angge di angge epmano farim winimug aptuk am fug-o.

Titus 1:14

Eke it Yahudi aben suit dindilabug urukon etno inim, eke it ap wene demat urukon etno inambit haruk wilil, inongga­rehen ariroho siek ulug yig isarukon etno inim, obog-at sohorep isawag ulug yig isahun-o.

Titus 1:4

Eke hat Titus, an ninim wene demat ulug ebetuk ahe etno fam hat namloho neken welahen ari, At Ninikni Allah inim, eke At Kristus Yesus ninili warukon etno inimen habua hearuk wilil, fanowon etno og hemag ulug hake sembahyang uruk ahi-o. Eke fanoroho hinim welamag ulug yig hirihi-o.

Titus 1:9

eke wene du demat ulug indi fam eberoko waru­kon inim, ap arion aphe inindi aso welamag ulug minduhupfuk ari fano-o. Eke ap arion halug, wene etno fanoroho iluk wilil, it aphe nin inesanggo wareheg, eke it nin inenggal urukon epmano winimug yig iseheg suruk aruhu-o.

Titus 3:9

Eke yi angge di angge farim urunanggeroho winimug aptukon etno inim, eke ninetamuki ininuk du-o ulug wene yaron urukon etno inim, eke wene duroho suruk amuk eke duroho suruk am fug ulug ebahon etno farim yuhun-at winimug aptukon etno inim, ariroho urukon etno ebe mondog eleg halug sohorep isin-o.

Wahyu 3:3

Ari halug, bilin iren yanggul hisarukmu, hinesanggo holtiki­bon etno hinindi ebetuk wilil, ilitoho suruk amuhuben dag suruk atikibon epmano sohorep isiek-o. Eke hinebe hiniluksoho minatuk eleg hiseheg, it ap inalomnangge herahuog ulug herako laruk etno hag, An nebe hetnogsoho hinambeg waharukon etno mo ari fam waruhu ulug hinapeleg-at welamuhup-o.