1 Timotius 6:18 - Allah Wene Hurumbik Keron

¹⁸ Eke it inaharek werehon ari, fanoroho seheg, eke aphe yi angge di angge og iseheg, eke inobabut fanoroho welaheg suruk amag ulug yig isimin-o.

1 Timotius 6:18 ပူးပေါင်းရင်းမြစ်များ

Matius 5:42

Eke at misihen hambeg kino uruk halug, og um fano at-o. Eke at misihen haren angge du fam yabuk siminen og nimin ulug kino yig hituk ha­lug, holoho­re dahag uk fug-o,’ ” ulug yig isebag.

Lukas 12:21

Yig epahon etno At Yesusen yig isaruk wilil, “Ari halug, it aphe At Allah il fam inaharek eleg neken werehon epmano inonggarehen yi angge di angge anggolo ombataruk oke, ariroho-at waratuk-o,” ulug At Yesusen yig isebag.

Lukas 3:11

aren yig isaruk wilil, “Ap misig asum selemon biren wereg halug, at omin asum elehon etno misig og emag-o. Eke aharom anggolo wereg halug, ariroho-at menag isaruk amag-o,” ulug inesanggo wapag.

Kisah Para Rasul 10:38

Eke fobik At Allahen Yesus Nazaret ap etno At Roh Kudus inim, eke oag weregsoho suruk amon etno inim obog-at og itisi etno hit hiniluk-o. Eke fobik At Yesus etno Allah inim wilil, it uk warehon fano inabeheg, it setan inindimu werehon lisoko wilip iseheg o ahik ya da obog-at sil nuruk atisi-o.

Kisah Para Rasul 11:29

Yig isebareg weregma, it Allah wene warukon epmanowen uang it inomini o Yerusalem werehon epmano og isuog ulug balu sebag.

Kisah Para Rasul 9:36

Waruk apareg weregma, eke fobik o Yope epma at hwe Tabita eke it Yunani inune fam Dorkas, ari Wam rusa etno inuk fene soalfahon etnowen yi angge di angge obog fano seheg, inaharek elehon sumbut iseheg, suruk apareg, fobik uk hundoko warapag.

Roma 12:13

Eke it hinomini nin Allah udakion epmano inaharek eleg halug, yi angge di angge fikfag og isaruk amuk-o. Eke ap huso yatmen waharuk isalug fanoroho-at ninim nohulen ulug yig isimuk-o.

Roma 12:8

Eke nineyabuk aphe inindi oag werehep isawon etno og nisarisi halug, etno ilitoho-at suruk amuk-o. Eke yi angge di angge menag isaruk amon etno, ninindi seberoho-at wilil, menag isaruk amuk-o. Eke aphe inindi aso welamon etno yabuk ninarug fanoroho-at suruk amuk-o. Eke it aphe inabuen surukon epmano ninindi ninahientoho-at suruk amuk-o.

1 Korintus 16:2

Eke hit o hari Minggu fam nintul nantul hit hinaharek werehon halug, anggoloroho embeheg, eke hit hinaharek elehon halug, dorat embeheg suruk wilil, uang epmano hit an awan waharuk eleg nealug dugsoho umburuk amuk-o.

2 Korintus 8:12

Eke hit hinaharek anggolo werehon epmano anggolo embeheg, eke hit hinaharek dorat werehon epmano dorat embeheg suruk hisalug, At Allah ahien hisahu-o. Eke hit hinaharek elehon epmano dorat embehep ulug winimug hisahu fug-o.

2 Korintus 8:9

At etno aharek anggolo welapahon oke, hit hinake-at aharek elehon neken seg apag-o. Eke At etno ariroho aharek elehon neken seg apag ari, hit hinaharek anggolo werehep hisahiog ulug ariroho seg apag-o.

Galatia 6:10

Eke ari halug, ninebe niniluk wilil, it aphe werlekon hag fanowon etno inobam imbiseheg suruk am oke, it ninomini ninim Allah wene waruk aheon epmano mondog-at fanowon etno inobam imbisaruk amuk-o.

Efesus 4:28

Eke at ap alomnangge heraharuk atision etno herahuk sohorep isalug, eyabuk holaruk am ari fano-o. Eyabuk holalug, inggik fam yabuk suruk wilil, at aharek wereg aruhumu, it inaharek elehon epmano menag isawon wereg aruhu-o.

1 Timotius 5:10

eke it apheyen hwe du fano mondog suruk-o, ulug urukon inim, eke udaki fanoroho endag inaptukon etno inim, eke ap huso waharukmu orom fanoroho menag isarukon etno inim, eke it Allah udakion iniog fanoroho ho surukon etno inim, eke it aphe yi angge di angge elehon fanoroho og isarukon etno inim, eke yi seheg di seheg fanoroho surukon etno inim, hweap suhweon etno ariroho wereg isalug ininuk holal fam umburuk amin-o.

Titus 2:14

Nit yi dag di dag suruk aheon epmano onggo baloko ninili weheg, eke it fano mondog suk ulug inahla ebetukon epmano At udaki obog-at welamag ulug ho ninabeheg sukag ulug ninake og nisebag-o.

Titus 3:8

Eke yi wene di wene yig hirihion epmano it aphe fikfag yig isawag ulug yig hiri­hi-o. Eke it obog Allah wene demat ulug eberoko warukon epmanowen nintul nantul yi angge di angge fanowon-at suruk arik ulug inahla bukag ulug yig hirihi-o. Eke yi angge di angge fanoroho suruk wilil, inindi fanowon keron-at heag sahup-o.

Ibrani 13:16

Eke hiren fanoroho suruk amon etno hinapeleg am sohorep isalug, hit hit nabua habua suruk amuk-o. Ariroho suruk wilil, At Allah ake umburuk etno hag suruk hisalug, ahien hisahu-o.

Yakobus 2:5

An nune etno fanoroho holiek-o. It aphe o kweanmen inaharek elehon epmano At Allah udaki welamag ulug Aren fuloko imbisaruk weregma, iren inindimu fikfag ebetuk wilil, At Inikni inindi hunduhuk wereg isalug, At Allah weregma imbisiog ulug abug yig isebahon etno fam ombatawag ulug fuloko imbisarisi-o.

1 Petrus 3:11

Hiren dag surukon sohorep isaruk wilil, fanoroho suruk amuk-o. Aphe hinim fanoroho hinindi hunduhuk welamuk-o. Ariroho hinim fano wilil, hinahientoho welamuhup-o.

1 Yohanes 3:17

Ap misig aharek werehon etno omin aharek elehon etno ahmuroho suruk eleg halug, At Allah inim indi hunduko welam behep?

3 Yohanes 1:11

Nomin-o, it dag sil nurukon epmano inahengga senebuk fug-o. Fano sil nurukon epmano halug, inahengga seneriuk-o. Fanoroho surukon halug At Allahen angge-at wereg-o. Dag surukon halug, At Allah apeleg-at wereg-o.