1 Timotius 6:10 - Allah Wene Hurumbik Keron

¹⁰ Eke yi dag di dag surukon epmano alem yi angge di angge inim, uang inim nindi nindi urukon etno-at wereg-o. Eke it ap ninen uang ari-at nindi-o, ulug uruk wilil, wene demat ulug urukon etno sohorep isalug, eke ap misig wataruk wilil, yahayen bal saruk etno hag, it aphe nindi nindi urukon etno eleg atuk halug, inindi dag atuk-o.

1 Timotius 6:10 ပူးပေါင်းရင်းမြစ်များ

Matius 13:22

Eke i angge isinggama kililtil lebag etno hag ari, it nin wene inesanggo holtuk atlug oke, inindi seneni ebetukon etno inim, eke yi angge di angge holawon ebetukon etno inim, it inindi ariroho yi angge di angge kweanmon ebetukon ari obog-at inindimu anggen yihikup fug-o.

Matius 23:13

Eke fobik At Yesusen yig isaruk wilil, “Hit wene unde etno inim, eke hit Farisi ap epmano inim hinenggal-at uruk ahep hinabua-o. Hit it aphe inil fam At Allah wereg ambeg kukon sok etno latuk ahebon oke, hit hinebe kuhup fug at-o. Eke hiren aphe kuog ulug surukon epmano kuk fug ulug winimug isaruk ahep hit wene unde epmano inim, eke hit Farisi ap epmano inim hinenggal-at uruk ahep du hinabua-o.

Matius 6:19

At Yesusen yig isaruk wilil, “Hit yi angge di angge kibo­lal atlug libil atukon epmano inim, ap heraharukon epmano kik watlug inalomnangge warukon inim kweanma anggoloroho balu suk fug-o.

Markus 4:19

eke an suon ulug urukon etno inim, eke inindi fam yi angge di angge surukon epmano inim, it inindi ariroho ebetukon ari obog-at inindimu anggen yihikup fug-o.

Kolose 3:5

Eke ari halug, kweanmen dahon suruk ahebon epmano hinapelegsoho sohorep isiek-o. Eke dahon ari, ap uhweon inalomnangge surukon etno inim, it ap ap wanggik surukon etno inim eke inobam ahahe laharukon etno inim eke dag suk ulug inahla burukon etno inim eke nindi nindi il nurukon etno inim eke kwanangge nindi ulug seneg werehon etno inim,

1 Timotius 3:3

eke ambusu nenek surukon etno naruk elehon halug, eke asine elehon halug, eke indi humbulihon halug, eke indi fanowon halug, eke yikangge aptuk elehon halug, eke yi angge di angge kweanmon nindi ulug heahil sil nuruk elehon halug, it ap aphe inindi aso welamon etno arion-at fuloko imbisawag-o.

1 Timotius 6:21

Eke it ninen wene ari heag sehe-o ulug, Allah wene demat ebetukon etno inapeleg atisi-o. Eke At Allahen hit obog hinabua hisawag ulug yig hisihi-o.

1 Timotius 6:9

Eke it aphe ninen ninaharek anggolo amag ulug heahil sil nurukon epmanowen yi angge di angge nindi nindi urukmu, inindi kahalik waharuk-o. Eke inindi kahalik waharukmu, bak helema waratuk etno hag, it aphe yi angge di angge nindi nindi urukon epmano inonggarehen wataruk amuhupseg, fobik mondog dag amuhup-o.

2 Timotius 3:2

Eke fobik it aphe an-at hulik ulug inahla burukon etno inim, an uang nindi urukon etno inim, inindi arikon epmano inim, inonggarehen suontepatarukon etno inim, eke it aphe inobam denggeltukon etno inim, eke iniknisi inune holtuk elehon etno inim, eke wa ulug uruk elehon etno inim, eke Allah wene fanoroho ebetuk elehon etno inim,

2 Timotius 4:10

Eke at Demas etno hag kweanmen surukon etno indi ebetuk atisireg, sohorep naharisi-o. Sohorep naharuk atisireg, o Tesalonika larisi-o. Eke at Kreskes o Galatia etno larisi-o. Eke at Titus o Dalmatia etno larisi-o.

Titus 1:11

Eke it ap ariroho inenggal urukon etno bok amag ulug yig isimuk-o. Eke it epmano dahan fahan suruk wilil, inaharek anggolo amag ulug o sili misig keheg sil nuruk wilil, wene dahon-at it yi aphe di aphe yig isaruk-o.

Yakobus 5:19

Ari halug, nomini-o, ap hit hinomin misihen fano surukon wene etno sohorep isalug dahan fahan sil laruk halug, hiren at etno indi werehap suk ari, fano-o.

Yudas 1:11

It ap epmano at Kain onggalem etno-at laruk-o. Eke alem uang etno fam at Bileam sebag etno hag suruk-o. It ap epmano at Korah uwa ebagma wapag etno hag war inabuhu-o.

Wahyu 18:13

hinde bingga saho inim, e anggen ambusu induk fanowon epmano inim, sak maho neken etno inim, biye maho inim, wam inim, eke wam sapi domba inim, wam kuda kereta epmano inim, aphe inebe inim, it inanggimbu epmano inim, yi angge di angge obog epmano kidia hundubuk soho­rep isehek-o,” ulug ioba yatuk wilil urusa-o.