1 Timotius 5:5 - Allah Wene Hurumbik Keron

⁵ Eke it hweap suhweon inasuki elehon halug, At Allah obam ebetuk wilil, nintul nantul sembahyang uruk wilil, kino yig ituk amuhup-o.

1 Timotius 5:5 ပူးပေါင်းရင်းမြစ်များ

Lukas 18:1

Nin eke fobik it apheyen sembahyang nintul nantul uruk wilil, inindi arik atlug inahla bug am nowen ulug At Yesusen yanggul isebag.

Lukas 18:7

Eke aren ebag etno hag, eke it apheyen At Allah obam sembahyang uruk isalug, inili wahu fug buruk ahep ano? Eke orog orog-at yalmako imbisahu buruk ahep ano? Ari eleg-o.

Lukas 2:37

Welapareg, fobik ahun etno waratuk apagma, suhwe wilil, delapan puluh empat tahun welapareg, arat sabal apag. Sabal atuk apareg wilil, o At Allah ibam etno sohorep isalug wilip aheg eleg nintul nantul orom nenggeg eleg, sembahyang-at uruk wilil, Allah inuk-at suontepfebag.

Kisah Para Rasul 26:7

Eke it ninetamuki inungguluag dua belas epmanowen At Allah inuk nintul nantul suontepfuruk wilil, At Allahen hurumbik ebahon etno eberoko waruk atikikmu, it Yahudi aben inune dahon epmano nobam denggeltusa-o, nikni.

Kisah Para Rasul 6:1

Eke fobik, it nin anggolo Allah wene waruk apagma, it Yahudi ap Yunani une urukon epmano uruk wilil, “Nintul nantul uang sumburoko og isaruk ahebon oke, hweap niron suhweon etno sohorep isehep-o,” ulug it Yahudi ap inune urukon epmano inim winimug apag.

Kisah Para Rasul 9:39

Yig ituk apagma, at Petrus etno esanggo holtuk apareg inim wapag. Waharuk apareg, at hwe etno umbo weregma ha lahabag. Ha lahabareg weregma, fobik it hweap suhweon epmanowen ioba yatuk wilil, at hwe Dorkas etno iluk wilil sum inebemon inim, sum selemon inim yig isaruk apahon inggik seneg epmano unug ereheg suruk apag.

Kisah Para Rasul 9:41

Minduhupfuruk apareg, it Allah wene warukon inim, it hweap suhweon epmano inim wol isaruk apareg, yig isaruk wilil, “Hwe mondog warahaon etno iluk aha du hinilanggen himiek-o,” ulug yig isebag.

Roma 1:12

Eke an sembahyang uruk ahion ari, hit ninim wilil Allah wene fanoroho uhuken ulug ninindi ebetuk amuhukseg, an hit ninim ninindimu oag weregsoho welamon wene etno ninindi ebebuhukseg, nindi nahien hahuk-o.

Roma 1:5

Ariroho yig nisebag etno fam, it yi aphe di aphe Allah wene inesanggo holtuk wilil, At inuk suontepfuruk amag ulug, nit At ninim hunduhuk wilil, mondep nisahik wapag-o.

1 Korintus 7:32

Eke hit hinindi seneni ebereheg eleg welam fano ulug nahla buruk ahi-o. Eke ap hwe oho elehon etnowen At Ninowe eyabuk sukon etno-at indi ebetuk wilil, “An Nowe etnowen ahien hawag ulug keroho sik-o?” ulug ahla buruk-o.

1 Korintus 7:34

Eke hole duhumon ap oho elehon etno At Ninowe eyabuk sukon etno-at indi ebetuk-o. Ariroho ebetuk ari at ebe inim, indi inim Allah ake welamag ulug indi ebetuk-o. Eke at hwe ahun werehon etno yi angge di angge kweanmon epmano indi ebetuk wilil, nahun ahien hawag ulug keroho sik-o? ulug ahla buruk-o.

Efesus 6:18

Ariroho holaruk wilil, hit At Allahen yalmag hisawag ulug sembahyang uruk amuk-o. Eke At Roh Kudus etnowen yanggul hisaruk halug, hit nintul nantul sembahyang uruk amuk-o. Eke ari halug, hit nintul nantul yaharoho wilil, sohorep iseheg eleg-at it Allah udaki epmano nintul nantul inake sembahyang uruk amuk-o.

Filipi 4:6

Eke yi angge di angge epmano fam hinindi seneni ebebuk fug-o. Eke At Allah wa ulug yig ituk wilil, du angge og ninim-o ulug At Allah obam kino uruk wilil sembahyang uruk amiek-o.

1 Timotius 2:1

Bilin yig hipminon ari, it yi aphe di aphe obog-at inake At Allah kino yig ereheg eke sembahyang eheg eke Ninikni wa ulug yig ereheg suruk amag ulug yig hituk ahi-o.

1 Timotius 5:16

Eke ari halug, it ap hweap Allah wene warukon epmano inisina suhwe wereg halug, iren-at yalmag inaptuk amag-o. Eke it hweap suhweon inudaki elehon halug, it Allah udaki obohen yalmag inaptuk amag-o.

1 Timotius 5:3

Eke it hweap suhweon inasuki elehon halug yalmag inaptuk amin-o.

2 Timotius 1:3

Eke an dag misig sirikikon etno napeleg atlug, it ninetamukien suruk apag etno ilitoho Allah yabuk suruk wilil, Nikni Allah wa ulug yig ituk ahi-o. Eke hat hake nintul nantul sembahyang uruk wilil, wa ulug uruk ahi-o.

1 Petrus 3:5

Eke ariroho it hweap amuk Allah wene webahon epmano suruk apag; inobabut fano amag ulug, inahuni inune holtuk apag-o.