1 Timotius 5:3 - Allah Wene Hurumbik Keron

³ Eke it hweap suhweon inasuki elehon halug yalmag inaptuk amin-o.

1 Timotius 5:3 ပူးပေါင်းရင်းမြစ်များ

Matius 15:6

Ariroho yig isaruk ahep ari, hiniknisi hinisasi ininuk suontepfuk hinamberaken-at suruk wilil, it nin hag ariroho siuk ulug yig isaruk ahep-o. Ariroho yig isaruk wilil, Allah wene etno seberoho umbuog ulug-at suruk ahep hisihi-o.

Matius 23:13

Eke fobik At Yesusen yig isaruk wilil, “Hit wene unde etno inim, eke hit Farisi ap epmano inim hinenggal-at uruk ahep hinabua-o. Hit it aphe inil fam At Allah wereg ambeg kukon sok etno latuk ahebon oke, hit hinebe kuhup fug at-o. Eke hiren aphe kuog ulug surukon epmano kuk fug ulug winimug isaruk ahep hit wene unde epmano inim, eke hit Farisi ap epmano inim hinenggal-at uruk ahep du hinabua-o.

Lukas 2:37

Welapareg, fobik ahun etno waratuk apagma, suhwe wilil, delapan puluh empat tahun welapareg, arat sabal apag. Sabal atuk apareg wilil, o At Allah ibam etno sohorep isalug wilip aheg eleg nintul nantul orom nenggeg eleg, sembahyang-at uruk wilil, Allah inuk-at suontepfebag.

Lukas 7:12

kembatma kuog ulug surukmu, hwe suhweon misig amloho misig-at endohowon etno warapagma, kweanma salepfuog ulug it o Nain aphe epmano inebe anggolowen walug wapag. Eke at ap warapahon etno walug waharuk apagma,

Yohanes 1:47

Yig ituk apagma, At Yesusen Natanael etno At ambeg waharukmu ilanggen haruk apareg, At awene etno uruk wilil, “At Israel ap misig enggal eheg eleg demat urukon etno du hinilanggen himiek-o,” ulug yig isebag.

Kisah Para Rasul 6:1

Eke fobik, it nin anggolo Allah wene waruk apagma, it Yahudi ap Yunani une urukon epmano uruk wilil, “Nintul nantul uang sumburoko og isaruk ahebon oke, hweap niron suhweon etno sohorep isehep-o,” ulug it Yahudi ap inune urukon epmano inim winimug apag.

Kisah Para Rasul 9:39

Yig ituk apagma, at Petrus etno esanggo holtuk apareg inim wapag. Waharuk apareg, at hwe etno umbo weregma ha lahabag. Ha lahabareg weregma, fobik it hweap suhweon epmanowen ioba yatuk wilil, at hwe Dorkas etno iluk wilil sum inebemon inim, sum selemon inim yig isaruk apahon inggik seneg epmano unug ereheg suruk apag.

Kisah Para Rasul 9:41

Minduhupfuruk apareg, it Allah wene warukon inim, it hweap suhweon epmano inim wol isaruk apareg, yig isaruk wilil, “Hwe mondog warahaon etno iluk aha du hinilanggen himiek-o,” ulug yig isebag.

1 Tesalonika 2:6

Eke hiren inim, it ninen inim nininuk suontep nisahukag ulug surukuk fug-o.

1 Timotius 5:2

Eke it hweap inanggohon epmano hisasi ilitoho yig isaruk amin-o. Eke it holani duhumon epmano hat haholani ilitoho yig isaruk amin-o.

Yakobus 1:27

Eke At Ninikni Allah etno awene waruk nisalug, duroho suk-o; it udag inisasi elehon halug orom og iseheg, eke it hweap suhweon halug yalmag iseheg, eke kweanmen surukon etno seberoho embeheg suruk amuk-o.

1 Petrus 2:17

Eke it hinomini hinim, yi aphe di aphe obog-at hinim hinindi hunduhuk welamiek-o. At Allah anggimbu wilil, at hinowe apma welamiek-o.

1 Petrus 3:7

Eke hit ap etnowen, nuhwe du oag elehon wereg-o, ulug hinahla buruk wilil, hinuhwesi hinim fanoroho wilil, hinahien inobam umburuk amuk-o. Hinuhwesi hinim fano weregma, fobik At Allahen hiniluk welamon etno og hisahu-o. Eke hiren sembahyang uruk wilil, hinindi fanoroho welamuk-o.