1 Timotius 5:17 - Allah Wene Hurumbik Keron

^17-18 Eke it ap Allah wene yig isarukon epmano hag, aphe inindi aso fanoroho wereg isalug, ininuk suontepfuruk amuk-o. Eke it Allah wene yanggul isarukon epmano yabuk fanoroho suruk isalug, Allah ake umburukon epmano anggoloroho og isaruk amuk-o, ulug wene ariroho yig hisihi ari, Alkitab famen yig nisaruk wilil, “Wam sapi iog fam wiyagfut anggen loltil nurukmu, ambilik hele wabuk fug-o,” eke “It ap yabuk surukon epmano onggo ilitoho og isa fano-o,” ulug yig nisaruk-o.

1 Timotius 5:17 ပူးပေါင်းရင်းမြစ်များ

Matius 24:25

Hinesanggo fanoroho holtuk amiek-o. Ebe sukon etno awan suruk eleg heheg, An hurumbik arat yig hisihi-o.

Lukas 10:7

Eke orom inim, ik inim menag hisaruk isalug, hinim o epma wilil, naruk amuhup-o. Eke hit yabuk fanoroho suruk hisalug, menag hisahup at-o. Eke hit hinebe etno o misig keheg o misig keheg sil nuruk am fug-o.

Lukas 12:42

At Ninowe etnowen yig ituk wilil, “At anggimbu indi enggaron ilukon etno sa-o? Ari, at o unde etnowen anggimbu fanowon etno o aso welamag ulug heako umbulug, yabuk fanoroho suruk amag ulug yig iseheg, eke anggimbu nin epmano inaharom nintul nantul og iseheg suruk amag ulug minduhupfuruk-o.

Yohanes 4:38

Eke i angge yahoma hiren amug watuk atikip fug ambeg epmano-at anggen balukag ulug lahap hisa wahi-o. Eke it ninen bilin yabuk surusa ambeg epmano-at hiren suruk ahep-o,” ulug yig isebag.

Kisah Para Rasul 11:30

Uang etno balu suruk apareg, it Barnabas Saulus etanowen walug lawag ulug og isebagma, it etanowen og isa lebag.

Kisah Para Rasul 20:35

Ariroho ninggiken yabuk surukmu, it inaharek elehon epmano yi angge di angge og isaruk amuhuken ulug yig hisarikik-o. Eke ariroho yanggul hisaruk atikikseg, At Ninowe Yesusen ebahon etno nindimu ebetuk wilil, aphe inaharek holawon etno ninapma seberoho umbulug, yi angge di angge niren og isaruk wilil, ninahien haruk amuhuk-o, ulug At Yesusen ebahon epmano nindi ebetuk wilil, an nebe hit hinanggelegma welatikik-o,” ulug at Paulusen it Efesus ap inaso werehon epmano yig isarisi.

Kisah Para Rasul 28:10

Fano inaptuk atisimu, it epmanowen yi angge di angge og nisaruk atusa. Og nisaruk atusama, nit fobik so fam luog ulug surukmu, kwalemen narukon nin og nisarusa.

Roma 12:8

Eke nineyabuk aphe inindi oag werehep isawon etno og nisarisi halug, etno ilitoho-at suruk amuk-o. Eke yi angge di angge menag isaruk amon etno, ninindi seberoho-at wilil, menag isaruk amuk-o. Eke aphe inindi aso welamon etno yabuk ninarug fanoroho-at suruk amuk-o. Eke it aphe inabuen surukon epmano ninindi ninahientoho-at suruk amuk-o.

Roma 15:27

inonggarehen-at ariroho inahla burusa oke, it inaharek elehon epmano og isuog ulug nomat neken inobam wereg-o. Eke it aphe bilin Allah wene inapeleg welatuson epmanowen wene fano wene etno wawag ulug it Yahudi aben yig isarusareg fam, kidia it aphe bilin Allah wene inapeleg welatuson epmanowen inaharek yi angge di angge epmano it Yahudi ap og isao ari fano at-o.

Roma 16:12

Eke it hweap Trifena Trifosa At Ninowe eyabuk surukon etano inim, eke at nomin nindi hunduhukon inuk Persis At Ninowe eyabuk anggolo sirision etno inim obog-at heahi war inaptuk amuk-o.

1 Korintus 15:10

eke Allah indi hunduhuken og nepahon etno fam an nebe mondep nahebahon-at welahi-o. Eke it nin mondep isebahon epmano yabuk dorat sebahon oke, eke an hag yabuk anggolo sirikik-o. Sirikik oke, ari an nakelehen eleg, At Allah indi hunduhuken nabua neyebag etno fam ninim yabuk surukuk-o.

1 Korintus 16:16

Eke it etno inim, eke it nin yabuk fanoroho suruk wilil, Allah udaki inaso werehon etno inim inune holtug mutlug alu-o.

1 Korintus 3:9

Eke nit hag At Allah eyabuk ninim suruk aheon-at welahe-o. Eke hit Allah eyabuk inim, ifaleg inim hit-at welahep-o.

2 Korintus 6:1

Eke At Allah ninim eyabuk suruk aheon epmanowen yig hisaruk ahe-o, “Eke hit At Allahen hinabua hisarisimu, At obam eberoko warikibon ari werlek-at warukuk ulug ehep ha nowen,” ulug yig hisehe-o.

Galatia 6:6

Eke ap misig at ap misihen Allah wene yanggul itukon halug, at aharek yi angge di angge epmano ap yanggul itukon etno og ituk amag-o.

Filipi 2:16

eke ariroho nahien haruk wilil, an o kweanmen yabuk sat anggolo suruk wilil werlek-at suruk atikik fug-o, ulug nahla buhuk-o.

Filipi 2:29

Eke ari halug, hit hinahien haruk wilil, at ninomin ninim Allah wene waruk aheon etno waha-o, ulug heahi wabuhup-o. Eke it ap nin at ebe ilitoho halug, du ap fanowon at-o, ulug ininuk suontepfuruk amuk-o.

Filipi 4:3

Eke hat nomin ninim Allah yabuk suruk atukukon etnowen it hweap biren eta yalmag inabin-o. Eke it hweap epmano inim, eke at Klemens inim, eke it nomini nin ninim Allah yabuk surukukon epmano iniluk welamag ulug At Allahen holal imbirision etno hit obog-at wene fano wene etno yig isil lawag ulug ninim yabuk sat anggolo surukuk-o.

1 Timotius 3:5

Eke ap misig at udaki inaso welam hai halug, eke Allah udaki epmano keroho inaso welaruhu-o?

1 Timotius 4:10

Eke At Allah iluk werehon etnowen it aphe obog inim, eke nit At udaki inim ninili warukon etnowen fanowon etno og nisahu-o, ulug At obam ninindi ebetuk wilil, sat anggolo neken yabuk suruk ahe-o.

1 Timotius 4:14

Eke bilin it ap Allah wene yig isarukon epmanowen hat hungguluag ininggik seneg wilil Allah wene yig hitusama, Allah wene yig isawon etno og hitisi ari hapeleg am fug-o.

1 Timotius 4:16

Eke hat hag, aphe wene yanggul isaruk wilil, fano-at yanggul isaruk ahi ano, ulug honggarehen hindimu ebet saruk amin-o. Ariroho suruk wilil, hat hili holeheg, eke it hat hune inesanggo holtukon epmano inili weheg suruk aruhun-o.

1 Timotius 4:6

Eke hat Allah wene eberoko wawon etno inim, eke wene du demat ulug ebetukon etno inim amuk arat yanggul hitusareg fam haren an wene yig hirihion du homini obog yanggul isaruk healug, At Yesus Kristus anggimbu fano mondog welaruhun-o.

1 Timotius 5:19

Eke ap misihen at ap Allah wene yig isarukon etno obam denggeltuk halug, hat hesanggo holuk fug-o; it biren henahanen at obam denggeltuk isalug, alem heahiog ulug hesanggo holuk fano.

1 Timotius 5:3

Eke it hweap suhweon inasuki elehon halug yalmag inaptuk amin-o.

2 Timotius 2:6

Eke ap misig eyabuk surukon etnowen fobik anggen wirik atuk halug, aren bilin baluk fano-o.

2 Timotius 4:2

kidia At awene etno yig iseheg, eke it ninen ninindi eheg, eke it ninen ninambit eheg urukon epmano nintul nantul yig iseheg suruk amag ulug yig hituk ahi-o. Eke it inenggal urukon epmano winimug yig iseheg, eke it dahan fahan surukon epmano ariroho siuk ulug yig iseheg, eke it inesanggo wareheg, eke hindi seberoho wilil yanggul iseheg suruk amag ulug yig hituk ahi-o.

Ibrani 13:17

Eke hit it hinowesien yig hisarukon epmano hinesanggo holtuk wilil, ilitoho suruk amuk-o. Eke it hinowesi epmano yabuk duroho surukuk ulug At Allah il fam bukaloko yig imuhup etno fam, it kidia kelseheg eleg-at hinindi aso wereg-o. Eke hiren it inune hinesanggo holtuk hisalug, it inahientoho-at suruk amuhup-o. Eke hiren holtuk eleg hisalug, it epmano inindi inambitoho suruk wilil, hit hinindi yabuk fanoroho suruk amuhup fug-o.

Ibrani 13:24

Eke it hinowesi obog epmano inim, eke it Allah udaki obog epmano inim obog-at heahi war hinaptuk ulug yig isimuk-o. Eke it hinomini o Italia werehon epmanowen heahi war hinaptuk-o.

Ibrani 13:7

Ariroho uruk wilil, it hinowesi bilin Allah wene yig hisaruson epmano inobam hinindi ebetuk amuk-o. Ari halug, hiren it bilin duroho welatusareg, waratusa ulug inobam hinindi ebetuk wilil, iren inindi demat ulug ebetuk atusa etno hag, hit ariroho-at ebetuk amuk-o.