1 Timotius 5:14 - Allah Wene Hurumbik Keron

¹⁴ Eke ariroho sil nuruk am nowen ulug, it hweap duhumon inahuni waratukon epmano inahuni holalug, udag misig endereheg, inibam ineyabuk fanoroho holeheg suruk amag ulug yig hirihi-o. Ariroho yig hirihi ari, at iblisen inindi kahalik wam nowen ulug yig hirihi-o.

1 Timotius 5:14 ပူးပေါင်းရင်းမြစ်များ

Roma 14:13

Eke ari halug, nit nit oag del del suruk am ari sohorep isuk-o, sohorep isalug misig du hag suk ulug hinahla buruk amuk-o, eke it hinomini epmano bule amburuk neken dag suk nowen ulug yi angge di angge epmano dahan fahan suruk am fug-o.

2 Korintus 11:12

Eke it ap ninen nit mondep nisahabahon at-o ulug suontepataruk wilil, iren nit at Paulusen yabuk suruk etno ilitoho-at suruk ahe-o, ulug ariroho uk nowen ulug an kidia suruk ahi etno hag ilitoho-at suruk aruhuk-o.

1 Timotius 2:8

Eke misig ari, o ahik ya da it ap halug inasine heheg eleg, winimug eheg eleg wilil, ininggik dambuksoho sembahyang uruk amag-o.

1 Timotius 4:3

Eke it ap ariroho urukon epmanowen aphe nin yig isaruk wilil, “Hwe holao ari hai-o. Eke yi angge di angge na fug-o,” ulug uruk oke, eke yi angge di angge epmano nit naruk amag ulug At Allahen wal hebag-o. Eke Allah wene demat ulug ebetuk wilil, ninindien wa ulug yi angge di angge epmano nao ari fano at-o.

1 Timotius 5:11

Eke it hweap duhumon inahuni waratukon epmano inanggog atuk eleg isalug, du suhweon ulug ininuk holal fam umburuk am fug-o. It hweap arion inonggareg inindien-at nahun misig hulik ulug inahla buruk wilil, At Kristusen ebahon etno seberoho umbulug,

1 Timotius 6:1

Eke it aphe inanggimbu neken werehon epmanowen iniknisi ininuk suontepfuruk amag-o. Eke At Allah inuk etno inim, eke wene yanggul isaruk aheon etno inim it aphe werlekonen seberoho umbuk nowen ulug it aphe inanggimbu epmanowen iniknisi inune holtuk wilil, an nikni ari ninim Allah wene waruk wilil, at omin-at welahe-o, ulug inambit heheg eleg-at uruk amag-o.

Titus 2:5

Eke it hweap duhumon ari, inindi seberohon inim, inobam nuhuto­hon etno inim, eke inibam yabuk fano surukon etno inim, eke hweap inobabut fanowon inim, inahuni inune holtukon etno inim, hweap obog arion-at welamag-o. Eke it aphe ninen Allah wene seberoho umbuk nowen ulug hweap arion-at welamagsoho yig isaruk amin-o.

Titus 2:8

It ap hune ninambit-o ulug inahla burukon etnowen wene dahon selegma umbulug at seberepfu­huk-o ulug inahla buruk iseheg, it inenggali hawag ulug wene fano­won henggali war habuk fuhon etno-at yig isaruk amin-o.

Ibrani 13:4

Ariroho suruk wilil, hweap hinahuni hinim fano dambuksoho welamuk-o. Ariroho wilil, hweaben ap werlekon hinim seheg, eke aben hweap werlekon hinim seheg suruk am fug-o. It aphe nin yuhun-at surukon ari At Allahen oag deloko imbisahu-o.