1 Timotius 5:10 - Allah Wene Hurumbik Keron

¹⁰ eke it apheyen hwe du fano mondog suruk-o, ulug urukon inim, eke udaki fanoroho endag inaptukon etno inim, eke ap huso waharukmu orom fanoroho menag isarukon etno inim, eke it Allah udakion iniog fanoroho ho surukon etno inim, eke it aphe yi angge di angge elehon fanoroho og isarukon etno inim, eke yi seheg di seheg fanoroho surukon etno inim, hweap suhweon etno ariroho wereg isalug ininuk holal fam umburuk amin-o.

1 Timotius 5:10 ပူးပေါင်းရင်းမြစ်များ

Matius 25:17

Ombataruk heheg, eke at anggimbu misig dua ribu og epahon etno fobik obam seberoho dua ribu-at ombatebag-o.

Matius 5:16

Aphe inil fam hiren angge eral etno ambulpul lahukag-o. Eke hiren fano suruk ahebon etno it apheyen inilanggen yet hisaruk ari fam, Hinikni Allah boholma werehon etno inuk suontepfuhup-o,” ulug yig isebag.

Lukas 7:38

Onggo baloko walug wapareg, ioba yatuk wilil, il ambusu At Yesus iog anggulmu belaptuk apag. Belaptuk apareg, fobik at iruk yaron etno fam horepfulug, iog anggulmu mitig haruk apareg, e anggen ambusu amben fanowon etno delepfebag.

Lukas 7:44

Yig ituk apareg, olohore dahagsoho hwe etno yet haruk apareg, at Simon etno yig ituk wilil, “Hat hwe du hehen ano? An fahe hat hibam kehereg, niog sabele ho sukag ulug haren ik og nerehen fuhon oke, at hwe duen il ambusu niog anggulmu delepfehekseg, iruk fam ho nabehek-o.

Kisah Para Rasul 10:22

“At ninowe Kornelius lahap nisa waharisimu wahe-o. Eke at Kornelius ebe etno fano wilil, At Allah inuk suontepfurukmu, it Yahudi ap epmanowen ninomin ulug fog suruk-o. Eke at Kornelius etno Allah malaikat misihen yig ituk wilil, at Petrusen wene yig hiriog ulug hibam wamagsoho ayonggo lawag-o,” ulug Kornelius yig epahon etno At Roh Kudusen fobik Petrus yig epag.

Kisah Para Rasul 22:12

Nombahik waharusareg weregma, o Damsyik epma ap misig inuk Ananias Allah wene holtug bilin wene duroho suruk amuk eke duroho suruk am fug ulug ebahon etno esanggo holtukmu, it Yahudi ap obohen ap du fano ulug uruk atuson etno nambeg waharisireg, yig nituk wilil, ‘Nomin Saulus wai. Hat hilanggen fenggen amin-o,’ ulug yig nituk atisimu, nilanggen fenggen atuk atikikseg, at ebe yetsoho weregma,

Kisah Para Rasul 6:3

Ari halug, hiren ap Roh Kudus inindimu werehon inebe sabiren angge-at heako imbisalihipmu, iren uang sumbut hisaruk amag ulug niren minduhup isul-o.

Kisah Para Rasul 9:36

Waruk apareg weregma, eke fobik o Yope epma at hwe Tabita eke it Yunani inune fam Dorkas, ari Wam rusa etno inuk fene soalfahon etnowen yi angge di angge obog fano seheg, inaharek elehon sumbut iseheg, suruk apareg, fobik uk hundoko warapag.

Kisah Para Rasul 9:39

Yig ituk apagma, at Petrus etno esanggo holtuk apareg inim wapag. Waharuk apareg, at hwe etno umbo weregma ha lahabag. Ha lahabareg weregma, fobik it hweap suhweon epmanowen ioba yatuk wilil, at hwe Dorkas etno iluk wilil sum inebemon inim, sum selemon inim yig isaruk apahon inggik seneg epmano unug ereheg suruk apag.

Roma 12:13

Eke it hinomini nin Allah udakion epmano inaharek eleg halug, yi angge di angge fikfag og isaruk amuk-o. Eke ap huso yatmen waharuk isalug fanoroho-at ninim nohulen ulug yig isimuk-o.

Efesus 2:10

Eke At Allahen ninebe wal haruk apareg, fobik At Kristus Yesus ninim dambuk ninapareg fam, niren fanoroho sukag ulug ninebe ninindi inim keron wal harisi-o. Eke nit ariroho ninobabut fano welamag ulug Aren-at fuloko ninombisahabag-o.

Kolose 1:10

Eke hiniluk wilil, At Allahen ariroho siuk ulug ebahon etno-at suruk amuhup-o. Eke at ahien hinobam umbuhu-o. Eke hiren yi seheg di seheg suruk wilil, anggen fanowon yihikup-o. Eke kidia At Allah ebe hiniluk welahep ari, fobik mondog hiniluk aruhu-o.

1 Timotius 2:10

It hweap an Allah wene waruk ahi-o ulug urukonen suruk etno ilitoho inobabut fanoroho wilil suruk amag-o.

1 Timotius 3:2

Eke it ap aphe inindi aso welamon ari, aphe inune at obam umburuk elehon halug, eke hwe misig-at ohowon halug, eke onggarehen indi aso wereg halug, eke indi seberoho werehon halug, eke fanoroho surukon halug, eke ap huso waharukim fanoroho inim nohorukon halug, eke aphe fanoroho yanggul inaptukon halug,

1 Timotius 3:7

Ap minduhupfukon etno aren surukon etno fam aphe selemonen at abug baleheg, enggali wareheg suruk elehon welamag-o. Eke bak helema waratuk etno hag, at iblis ahele etno fam anggolop keteroho walug la nowen-o. At ap minduhupfukon etnowen surukon it aphe selemonen dindiltuk wilil, ap ari obabut fanowon-o, ulug uruk isalug, ap etno-at minduhupfuk fano-o.

1 Timotius 5:16

Eke ari halug, it ap hweap Allah wene warukon epmano inisina suhwe wereg halug, iren-at yalmag inaptuk amag-o. Eke it hweap suhweon inudaki elehon halug, it Allah udaki obohen yalmag inaptuk amag-o.

1 Timotius 5:25

Ari ilitoho it ap ninen fano surukon epmano selegma-at wereg-o; eke it ninen fano surukon epmano kidia heraho neken wereg oke, fobik selegma aruhu-o.

1 Timotius 6:18

Eke it inaharek werehon ari, fanoroho seheg, eke aphe yi angge di angge og iseheg, eke inobabut fanoroho welaheg suruk amag ulug yig isimin-o.

2 Timotius 1:5

Eke hat humbia Lois inim, eke hat hisina Eunike inim Allah wene demat ulug eberoko webag etno hag hat ariroho-at Allah wene demat ulug eberoko waruk ahen etno niluk wilil, hobam nindi ebetuk ahi-o.

2 Timotius 2:21

Eke ari ilitoho ap misihen wene inenggal urukon etno sohorep isaruk halug, sohorluk fanowon anduhunmu wereg etno ilitoho welaruhu-o. Ariroho weregma, At Ninowe etnowen yig isaruk wilil, “Hat hebe fanowon ari yabuk fanowon du suhun-o,” ulug yig iruhu-o.

2 Timotius 3:15

Eke Alkitab ari fam wene etno niniluk amuhukseg weregma, At Yesus Kristus obam ebetuk hisalug, aren hinili wahu-o, ulug Alkitaben yig nisaruk-o.

2 Timotius 3:17

Eke Alkitab etno wereg halug, it ap Allah anggimbu wilil yabuk fanowon surukon etno yabuk keroho sik-o ulug iniluk amag ulug yanggul isaruk wereg-o.

Titus 2:14

Nit yi dag di dag suruk aheon epmano onggo baloko ninili weheg, eke it fano mondog suk ulug inahla ebetukon epmano At udaki obog-at welamag ulug ho ninabeheg sukag ulug ninake og nisebag-o.

Titus 2:7

Eke hat hag yiro­ho seheg diroho seheg fanoroho suruk healug, aphe inil og hap­tuk wereg-o. Iren fanoroho suruk amag ulug hat inim fanoroho suruk amin-o. Eke haren wene yanggul isaruk ahenon etno motoho yig isaruk amin-o. Ap inindi oag werehonen demat yig isaruk etno hag hat yig isaruk amin-o.

Titus 3:1

Suon inim, it inowesi epmano inim inesanggo fanoroho holtuk wilil, hiren yabuk fanowon misig siek ulug yig nisaruk hisalug, nit suhuk at-o, ulug ukag ulug yig isaruk amin-o.

Titus 3:14

Eke it ninomini Allah wene yanggul isarukon etno yuhun-at yabuk seheg eleg welam nowen ulug yi yabuk di yabuk fanowon inim, eke aphe yalmag isarukon etno inim nintul nantul sukag ulug yig isaruk amin-o.

Titus 3:8

Eke yi wene di wene yig hirihion epmano it aphe fikfag yig isawag ulug yig hiri­hi-o. Eke it obog Allah wene demat ulug eberoko warukon epmanowen nintul nantul yi angge di angge fanowon-at suruk arik ulug inahla bukag ulug yig hirihi-o. Eke yi angge di angge fanoroho suruk wilil, inindi fanowon keron-at heag sahup-o.

Ibrani 10:24

Eke nit nit ninindi hunduhuk wilil, nabua habua suruk aheon etno fanoroho suruk amuhuken ulug, nit nit fanoroho ninesanggo war war uruk amuk-o.

Ibrani 13:2

Eke it ap huso hinibam waharuk isalug, hinim fanoroho welamon etno hinapeleg am fug-o. Eke it ap nin bilin welapahon epmanowen ap huso ninambeg waheson du malaikat ulug inapeleg oke, inim fano welapag-o.

Ibrani 13:21

Eke hiren At Allah ahla burukon etno ilitoho suruk amuhuben, At Allah aphe obog dambuk inaptukon etnowen yi angge di angge fanowon epmano og hisawag ulug yig hisehe-o. Eke nit ninebe At Yesus Kristus ninim hunduhuk wereg nisalug, At ahla buluhen-at ninindi yabuk suruk aruhureg, ari fam ahien hawag ulug ehe-o. Ari ehe ari, nintul nantul At Kristus inuk-at suontepfuruk amuk-o, ulug demat yig hisehe-o.

1 Petrus 2:12

Eke it aphe Allah wene waruk elehonen yig hisaruk wilil, hit Allah udaki dag suruk hisehe-o, ulug hinobam denggeluog ulug inahla buruk wilil, iren urukon epmano eleg amag ulug, fanoroho suruk ahebon epmano inilanggen hawag-o. Ariroho hisaruk amuhupseg, iren fobik At Ninowe waruhumu, inuk suontepfuhup-o.

1 Petrus 4:9

Eke it hinomini hinambeg waharuk isalug, ninim orom nalug nohulen-o ulug hinindi hinahientoho wilil hinim welamuk-o.

3 Yohanes 1:12

Ari halug, at Demetrius etno obabut fano-at wereg-o, ulug it obohen yig nituk-o. At obabut fano wereg ulug, Allah wene etnowen yig nituk-o. At obabut fano wereg ulug, anden ariroho demat ulug yig hituk ahi-o.