1 Timotius 4:6 - Allah Wene Hurumbik Keron

⁶ Eke hat Allah wene eberoko wawon etno inim, eke wene du demat ulug ebetukon etno inim amuk arat yanggul hitusareg fam haren an wene yig hirihion du homini obog yanggul isaruk healug, At Yesus Kristus anggimbu fano mondog welaruhun-o.

1 Timotius 4:6 ပူးပေါင်းရင်းမြစ်များ

Matius 13:52

Yig ituk apagma, Aren yig isaruk wilil, “Ari halug nomini-o. Hit wene unde neken welahebon ari, At Allah weregmen sukon etno hinindimu ebetuk hisalug, at ap ibam unde wereg etnowen o yi angge di angge umburuk ambeg etnowen keron inim, amukon inim walug waharukon etno hag hit ariroho-at welahep-o,” ulug yig isebag.

Lukas 1:3

Eke iren umburusa etno hag, anden yi angge di angge sirision epmano obog almen heako imbirikikseg, hat wane sukag ulug huli bal bal umbuk nahla birikikseg,

Kisah Para Rasul 1:15

At Yesus omini inim, eke it nin inim inebe seratus dua puluh wonggaltuk apareg balureg wilil, at Petrus etno inanggelegmen minatuk apareg, yig isaruk wilil,

Kisah Para Rasul 20:31

Ariroho suruk isalug, an tahun henahan wilil nintul nantul ioba yatuk wilil, hit obog yanggul hisaruk atikikon epmano fanoroho hinindi ebetuk amuk-o.

Kisah Para Rasul 20:35

Ariroho ninggiken yabuk surukmu, it inaharek elehon epmano yi angge di angge og isaruk amuhuken ulug yig hisarikik-o. Eke ariroho yanggul hisaruk atikikseg, At Ninowe Yesusen ebahon etno nindimu ebetuk wilil, aphe inaharek holawon etno ninapma seberoho umbulug, yi angge di angge niren og isaruk wilil, ninahien haruk amuhuk-o, ulug At Yesusen ebahon epmano nindi ebetuk wilil, an nebe hit hinanggelegma welatikik-o,” ulug at Paulusen it Efesus ap inaso werehon epmano yig isarisi.

Roma 15:15

Eke ariroho nahla buruk ahion oke, holal du fam nune oag weregsoho hinesanggo war hinabihi ari, hiren alem nin hinindi ebebukag ulug-at yig hisihi-o. Eke an nune oag weregsoho hinesanggo war hinabihi ari, At Allahen nabua nearuk wilil,

1 Korintus 4:17

Eke an At Kristus inuk fam o ahik ya da At Allah udaki wereg ambeg wene yanggul isaruk ahion epmano nobabut suruk ahion hinindi ebebukag ulug, an namloho Timotius indi oag weregsoho sil nurukon, At Ninowe inuk fam nindi hunduhukon etno hinambeg lahabik waharikik-o.

2 Korintus 11:23

Eke alem misig an nune fam urunanggeroho yig hisamin-o. It ap epmano hag Kristus anggimbu-at wereg buruk ahep ano? Eke an hag At Kristus anggimbu wilil it obog inowe neken welahi-o. Eke it epmano hag yabuk dorat suruk iseheg oke, an hag narug fanoroho yabuk anggolo sirikik-o. It inebe aphe dahon kolap isaruk ambeg epmano ininggik misihim neken-at kolap isaruson oke, an hag ninggik anggoloam-at kolap naharusa-o. Eke it hag yikangge dorat war inaptuson oke, an hag anggolo neken war naptusa-o. Eke it hag waramag ulug dorat suruson oke, an hag waramag ulug anggolo-at surusa-o.

2 Korintus 3:6

Eke hurumbik keron etno yabuk motoho sukag ulug At Allahen ninindi enggatep nisaharisi-o. Eke hurumbik keron yabuk ari, we holal baleg etno akeleg fam suruk ahi fug-o. At Roh Kudus etnowen-at yanggul nisarukmu suruk ahe-o. Eke holal baleg etno akeleg fam, alem dahon etno ninobam umburuk wilil, war ninaptuk oke, At Roh Kudus etnowen ninilukep nisaharuk-o.

2 Korintus 6:4

Eke it ninen dahon epmano ninobam umburuk isalug ninahlahiroho welaheg, eke nit yi angge di angge obok heheg, eke ninindi seneni ebereheg suruk wilil we yuhun-at welahe-o.

Efesus 6:21

Eke at Paulus etno ariroho wereg ulug hiniluk amagsoho at nomin nindi hunduhukon Tikhikus, Allah yabuk ninim fanoroho suruk aheon etnowen obog-at dindiloko yig hisahu-o.

Filipi 2:20

Eke at Timotius etno an ninim ninindi misig-at welahe etna hit hineyabuk fanoroho-at suhu-o.

Filipi 2:22

Eke at Timotius etnowen yabuk fanoroho sirisi etno hit hiniluk-o. Eke at inim, an ninim ikni amloho neken wilil, wene fano wene yig isawon etno ninim dambuksoho urukuk etno hiniluk-o.

Filipi 3:16

Ariroho yanggul hisahuon oke, eke bilin Allah wene etno fam motoho larukuk etno hag, fobik ilitoho-at lahuk ari fano at-o, nomini.

Kolose 2:19

Ariroho hondorepfuruk ari At Kristus obam demat ulug ebebukon etno sohorep isalug wereg-o. Eke At Kristus ari ungguluag neken wereg heheg, eke it udaki epmano At ebe neken weregma, At Allahen ebe ari fanoroho su amag-o, ulug uruk halug, omanggen etno fam ebe su aheg, eke oag wereg aheg suruk-o.

Kolose 3:16

Eke At Kristusen ebahon wene etno mondog hinindimu ebereg welamag-o. Eke at misihen yanggul hiseheg at misihen yanggul hiseheg, hinindi hiniluksoho wilil, Allah wene uruk amuhup-o. Eke di etno uruk wilil, i-u inim, enggangga inim, hinune fanoroho uruk amuhup-o. Eke At Ninikni Allah wa ulug, hinahla buruk wilil, di uruk amuhup-o.

Kolose 4:7

Eke ninomin Tikhikus Allah yabuk eberegsoho ninim nintul nantul suruk aheon etnowen at Paulus duroho wereg ulug yig hisahu-o.

1 Tesalonika 3:2

O epma wilil, at Timotius Kristus awene fanowon yig isil lawon etno ninim Allah yabuk suruk aheon etno lahapfik waharukuk-o. At lahapfik waharukuk ari, it ninen dahon etno hinobam umburukmu, hit hinindi dag atlug, Allah wene etno hinapeleg am nowen ulug at Timotiusen hinindi werehep hisahakeg, Allah wene etno yig hisaruk amag ulug lahapfik waharukuk-o.

1 Timotius 1:10

eke it wanggik surukon etno inim, eke it aphe herag inaptukon etno inim, eke it inenggal urukon etno inim, eke it wene fano wene seberoho umburukon etno inim, it obog dag surukon sohorep isalug fano mondog suruk amag ulug wene duroho suruk amuk eke duroho suruk am fug ulug ebahon etno yig isaruk-o.

1 Timotius 4:16

Eke hat hag, aphe wene yanggul isaruk wilil, fano-at yanggul isaruk ahi ano, ulug honggarehen hindimu ebet saruk amin-o. Ariroho suruk wilil, hat hili holeheg, eke it hat hune inesanggo holtukon epmano inili weheg suruk aruhun-o.

1 Timotius 6:3

Eke ap misihen dahan fahan yanggul isaruk wilil, At Ninowe Yesus Kristusen demat ulug yig isebahon etno sohorep iseheg, eke niren wene du demat ulug yig hisaruk aheon etno seberep iseheg surukon ari, yi angge di angge apeleg wilil, onggarehen indimu suontepataruk-o.

2 Timotius 1:6

Ariroho nindi ebetuk wilil, an bilin hungguluag ninggik senetukmu, At Allahen og hitision etno hahla bukag ulug yig hituk ahi-o.

2 Timotius 3:10

Eke hat hag, wene yanggul isaruk ahion etno inim, eke an sil nuruk ahion etno inim, eke ariroho suhuk ulug nahla buruk ahion etno inim, eke Allah wene demat ulug nahla ebetuk ahion etno inim, eke aphe winimug yig isaruk ahi fuhon etno inim, eke aphe ninim ninindi hunduhuk welaheon etno inim, eke dahon etno nobam umburukmu nahla bugsoho welahion etno inim, obog-at hiluk welahen-o.

2 Timotius 4:3

Eke fobik it aphe ninen wene demat ulug yanggul isawon etno sohorep isalug, inindien-at suruk wilil, ap misihen yanggul niseheg, at misihen yanggul niseheg yig nisarukmu, ninesanggo holtulen yig nisawag-o, ulug uruk amuhupmu, it dindilabug inesanggo holuk inindion etno-at yig isaruk amuhup-o.

Titus 2:1

Eke hat hag wene yanggul isaruk ahenon etno fano wene ha­lug, fanoroho yig isaruk amin-o.

1 Petrus 2:2

Eke udag doronen isina ag naruk hag, hit At Roh Kudusen yanggul hisarukon wene etno mondog holaruk weregma etno fam hinindi werehep hisahalug hinili wahu-o.

2 Yohanes 1:9

Ap misihen At Kristus yanggul nisebahon etno sohorep isalug, obam seberoho yig nisaruk halug, At Allah inuk apeleg wilil yig nisaruk-o. At Kristusen yanggul nisebahon etno-at yig nisaruk halug, At Allah Amloho etno inim indi hunduhuk wereg-o.

Yudas 1:5

Eke iren surukon epmano amuk-at sebag hit hiniluk-o. Ari At Allahen it Israel ap inilioko o Mesiren senoko wilip isaruk apareg, fobik it ap At inuk webag fuhon epmano war inapag.