1 Timotius 4:3 - Allah Wene Hurumbik Keron

³ Eke it ap ariroho urukon epmanowen aphe nin yig isaruk wilil, “Hwe holao ari hai-o. Eke yi angge di angge na fug-o,” ulug uruk oke, eke yi angge di angge epmano nit naruk amag ulug At Allahen wal hebag-o. Eke Allah wene demat ulug ebetuk wilil, ninindien wa ulug yi angge di angge epmano nao ari fano at-o.

1 Timotius 4:3 ပူးပေါင်းရင်းမြစ်များ

Matius 14:19

it aphe obog isinggama epmano horie ukag ulug yig isebag. Yig isaruk apareg, At Yesus etnowen orom roti fuaben angge eke ikan biren etano inim waruk apareg seneg wilil, ilanggen boholma lahap haruk apareg, heahi watuk wilil Allah wa ulug sembahyang ebag. Sembahyang uruk apareg, orom roti etano kuroko omini og isaruk apagma, At omini etnowen it aphe sumbut isebag.

Matius 15:11

Yi angge di angge ninelma naruk aheon etnowen dag seko ninombisaharuk eleg-o. Eke ninindimuen wilip atukon etnowen-at dag seko ninombisaharuk-o,” ulug yig isebag.

Matius 15:36

Waruk apareg, seneg wilil Nikni Allah wa ulug sembahyang ebag. Sembahyang uruk apareg, orom roti inim ikan inim kut kut At omini etno og isaruk apagma, it aphe obog inapma belabil lebag.

Lukas 24:30

Kuruk apareg, inim e belareg etno fam horieg wilil, orom roti etno inggikmu waruk apareg seneg wilil sembahyang ebag. Sembahyang uruk apareg, kuroko og isebag.

Yohanes 6:23

Inahla buruk apareg weregma, bilin At Ninowe etnowen sembahyang uruk apareg it aphe obog-at orom roti nebag ambeg ik ayegma etano so nin o Tiberias etnowen walug, bok arik lebag.

Kisah Para Rasul 27:35

ulug yig isaruk atisireg, at Paulus etno orom roti inggikmu waruk atisireg, it obog inil fam Allah wa ulug sembahyang uruk atisireg kuroko naruk atisimu,

Roma 14:17

Eke At Allah weregma welamon etno alem ik orom naruk aheon epmano fam welamuhuk fug-o. Eke At Roh Kudusen alem dahon ninobam werehon epmano elehep nisahakeg, eke At Allah inim fanoroho welamag ulug dambulip nisahakeg, eke nit ninahien hawag ulug yig niseheg suruk halug, nit At Allah weregma welamon etno holahuk-o.

Roma 14:3

Eke at yi angge di angge obog-at narukon etnowen at engga-at narukon etno ambit haruk am nowen-o. Eke at engga-at narukon etnowen at yi angge di angge obog-at narukon epmano oag deloko umbuk ari hai-o. Eke At Allahen it obog-at nudaki ulug heako imbisarisi-o.

Roma 14:6

Eke at ap misig o du fam yi angge di angge suk usa-o, ulug ahla buruk wilil, At Ninowe inuk suontepfiog ulug suruk-o, eke at ap yi angge di angge obog-at narukon etno hag naruk angge epmano fam Allah wa ulug yig ituk halug, At Allah inuk-at suontepfiog ulug suruk-o. Eke at ap yi angge di angge obog yuhun-at naruk elehon etno At Ninowe etno inuk suontepfiog ulug wilil, Allah wa ulug yig ituk-o.

1 Korintus 6:13

Eke ninaharom ari nit ninahum fam welamon ulug wereg-o. Eke ninahum ari ninaharom yonggatukon-at wereg-o. Ariroho wereg oke, eke fobik At Allahen ninaharom inim, ninahum inim ebe elehapsuhu-o. Eke ninebe etno hwe ap uhweon surukon ulug wereg eleg-o. Eke nit ninebe an At Ninowe inuk suon etno apma neken-at welahe-o. Eke Ninowe inuk suon ari nit ninebe ninake-at wereg-o.

1 Korintus 7:28

Eke it inuhwesi inahuni dambuksoho werehon epmano angginon inobam aruhu halug, anden orog-at sukag ulug yig hisahuk nahla buruk ahi-o, nomini.

1 Korintus 8:8

Eke nit naruk aheon epmano fam Allah ninim dambultuk ahe fug-o. Eke yi angge di angge nao sohorep isahuk epmano fam ninaharek eleg aruhu fug-o. Eke nahuk etno fam ninaharek anggolo aruhu fug-o.

Kolose 2:16

Eke ari halug, ap misihen uson ari na fug-o, werlek-at esetuk amiek-o; eke bikalem duhum funu fam, o hari Sabat surukon etno suruk amiek-o, ulug hinindi kahalik wam nowen-o.

Kolose 3:17

Eke yi wene eheg, di wene eheg, eke yi angge seheg, di angge seheg suruk wilil, At Ninowe Kristus inuk fam Ninikni Allah wa ulug suruk amuk-o.

1 Timotius 2:4

it aphe obohen wene du demat-o, ulug inili holawag ulug yig isaruk-o.

1 Timotius 4:4

Eke yi angge di angge fanowon At Allahen wal hebahon epmano niren dahon ulug sohorep isao hai-o. Ninindimuen wa ulug holaruk am fano at-o.

1 Timotius 5:14

Eke ariroho sil nuruk am nowen ulug, it hweap duhumon inahuni waratukon epmano inahuni holalug, udag misig endereheg, inibam ineyabuk fanoroho holeheg suruk amag ulug yig hirihi-o. Ariroho yig hirihi ari, at iblisen inindi kahalik wam nowen ulug yig hirihi-o.

Ibrani 13:4

Ariroho suruk wilil, hweap hinahuni hinim fano dambuksoho welamuk-o. Ariroho wilil, hweaben ap werlekon hinim seheg, eke aben hweap werlekon hinim seheg suruk am fug-o. It aphe nin yuhun-at surukon ari At Allahen oag deloko imbisahu-o.

Ibrani 13:9

Eke it ap ninen wene urunanggeroho dahan fahan yig hiseheg mug inaplug la fug-o. At Allahen ninabua nisarukon wene etno hag hinindi oag werehep hisahuk ari fano-o. Eke At wene yi angge di angge nao usa-o, ulug urukon etnowen aphe inindi fano inaptuk eleg-o. Ariroho suruk eleg ari fam, aren hit hinindi oag werehep hisahuk ari hai-o.